პ, ⴎ, Ⴎ, Პ[1] (პარი) — ქართული ანბანის მეთხუთმეტე ასო (ძველ ქართულში მეჩვიდმეტე იყო). შეესაბამება ბაგისმიერ ყრუ მკვეთრ თანხმოვანს. ძველ ქართულ სათვალავში აღნიშნავდა რიცხვ ოთხმოცს (80).
პ-ს მოხაზულობა ასომთავრულში რკალისა და ხაზებისგან შედგება, რომელიც კვადრატულ არეს იკავებს. პ ნუსხურში კუთხოვანი ფორმისაა და მარჯვნივ გადახრილი. იგი შუა ორ ხაზშია მოთავსებული. მხედრულში პ მომრგვალებული კონტურის მქონეა. იგი ზედა სამ ხაზს შორის იწერება.