ტოლიატი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქალაქი
ტოლიატი
Тольятти
Komsomolsky district, Tolyatti, Russia.JPG
დროშა გერბი
დროშა გერბი
ქვეყანა რუსეთის დროშა რუსეთი
ფედერაციის სუბიექტი სამარა
კოორდინატები 53°31′00″ ჩ. გ. 49°25′00″ ა. გ. / 53.51667° ჩ. გ. 49.41667° ა. გ. / 53.51667; 49.41667
შიდა დაყოფა 3 რაიონი
მერი სერგეი ანდრეევი
დაარსდა 20 ივნისი, 1737
ადრეული სახელები 1964 წლამდე — სტავროპოლი
ქალაქი 1780  წლიდან
ფართობი 314,79[1] კმ²
ცენტრის სიმაღლე 90
მოსახლეობა 719 600[2] კაცი (2012)
სიმჭიდროვე 2286 კაცი/კმ²
ეროვნული
შემადგენლობა
რუსები — 86,1%
თათრები — 4,1%
უკრაინელები — 2,1 %
მორდვინები — 1,8%
ჩუვაშები — 1,6%
სხვა — 4,3% [3]
დროის სარტყელი UTC+4, ზაფხულში UTC+5
სატელეფონო კოდი +7 8482
საფოსტო ინდექსი 445xxx
ოფიციალური საიტი http://portal.tgl.ru/

ტოლიატი მდებარეობა რუსეთი

Red pog.svg

ტოლიატი (რუს. Тольятти, 1964 წლამდე — სტავროპოლი, ბერძნ. Σταυρούπολη — „ჯვრის ქალაქი“; გვხვდება ქალაქის არაოფიციალური დასახელებაც: სტავროპოლი მდინარე ვოლგაზე ან ვოლგის სტავროპოლი) — ქალაქი სამარის ოლქში, რუსეთი, სტავროპოლის რაიონის ადმინისტრაციული ცენტრი, შედის სამარა-ტოლიატის აგლომერაციის შემადგენლობაში.[4]

ქალაქი მდებარეობს მდინარე ვოლგის მარცხენა ნაპირზე. 2012 წლის მონაცემებით ტოლიატის საქალაქო ოკრუგის მოსახლეობა 719 600 ადამიანს შეადგენდა.[1] ამ მონაცემებით, ტოლიატი რუსეთის უდიდესი ქალაქია, თუ არ ჩავთვლით ფედერაციის სუბიექტების დედაქალაქებს.

ტოლიატი დააარსა ვასილი ტატიშჩევმა 1737 წელს, როგორც ქალაქი-ციხესიმაგრე, მომთაბარეებისა და ნათელღებული კალმიკებისგან თავდასაცავად. XIX საუკუნესა და XX საუკუნის დასაწყისში ცნობილი იყო, როგორც კლიმატური კურორტი და კუმისით მკურნალობის ადგილი.[5] 1953-1955 წლებში ქალაქი შედარებით მაღლობ ტერიტორიაზე გადაიტანეს, რადგან კუიბიშევის წყალსაცავის შექმნის შემდეგ ძველი ქალაქი დაიტბორა. 1964 წლიდან ქალაქი იტალიელი კომუნისტის პალმირო ტოლიატის სახელს ატარებს. 1970-იან წლებში ქალაქის მოსახლეობამ მკვეთრი მატება დაიწყო, რაც დაკავშირებული იყო კომპანია „ავტოვაზის“ მშენებლობასთან, რომელიც დღესაც მნიშვნელოვან საწარმოს წარმოადგენს.

ქალაქი საავტომობილო და ქიმიური მრეწველობის, ასევე სარკინიგზო, სამდინარო და საავტომობილო ტრანსპორტის ცენტრს წარმოადგენს. უახლოესი აეროპორტი კურუმოჩია. ქალაქი, მდინარე ვოლგის გასწვრივ დაახლოებით 30 კილომეტრზეა გაშენებული და 3 რაიონისგან შედგება: ავტოზავოდსკის, ცენტრალური და კომსომოლსკის რაიონები. ქალაქში მოტოსპორტისთვის ხელსაყრელი პირობებია, ყოველწლიურად ქალაქში გამართულ მოტო-შოუებზე მთელი რუსეთიდან და დსთ-ის ქვეყნებიდან ჩადიან ხალხი.

ტოლიატში ხუთი უმაღლესი სასწავლებელია, მათ შორის უძველესი ტოლიატის სახელმწიფო უნივერსიტეტია; მოქმედებს რამდენიმე სამეცნიერო-კვლევითი ინსტიტუტი. ასევე მრავალი მუზეუმი, თეატრი, ქალაქის სიმფონიური ორკესტრი, ფილარმონია. ქალაქის დღე აღინიშნება ზაფხულის პირველ შაბათ-კვირას. ქალაქის შემოგარენში ყოველწლიურად ტარდება ვალერი გრუშინის სიმღერების ფესტივალი, სადაც რამდენიმე ათასი მონაწილე იკრიბება. ტოლიატი ორგანიზაცია „Rotary International“-ის წევრია.

დაძმობილებული ქალაქები[რედაქტირება]

პარტნიორი ქალაქები[6]:

რესურსები ინტერნეტში[რედაქტირება]

სქოლიო[რედაქტირება]