ვესტ ჰემ იუნაიტედი (საფეხბურთო კლუბი)

ვესტ ჰემ იუნაიტედი

სრული სახელი	West Ham United Football Club
მეტსახელი	The Hammers, The Irons The Academy of Football
დაარსდა	1895
სტადიონი	ბოლეინ გრაუნდი (აპტონ პარკი) (ტევადობა: 35,303)
პრეზიდენტი	დევიდ სალივანი და დევიდ გოლდი (60%)
მწვრთნელი	სემ ელერდაისი
კაპიტანი	კევინ ნოლანი
ლიგა	ჩემპიონშიფი
2010–11	20 (დაქვეითდა ჩემპიონშიფში)
ძირითადი ფორმა რეზერვის ფორმა

ვესტ ჰემ იუნაიტედი (ინგლ. West Ham United Football Club) — ინგლისური საფეხბურთო კლუბი. ბაზირებულია ვესტ ჰემში, ლონდონი დასავლეთ ნაწილში პატარა რაიონ ნიუჰემში. კლუბის მოედანი - აპტონ პარკი მდებარეობს Green Street-ზე. ვესტ ჰემის ფან-კლუბზე აგებული არის ფილმი - Green Street Hooligans - მწვანე ქუჩის ხულიგნები.

თავდაპირველად გუნდი ფორმირებული იყო მეტალურგიური ქარხნის მუშებისაგან 1895 წელს და ერქვა Thames Ironworks F.C. 5 წლის შემდეგ კლუბს სახელი გადაერქვა და დაერქვა "ვესტ ჰემ იუნაიტედი". თავდაპირველად "ჩაქუჩები" ქვეყნის სამხრეთ და დასავლეთ ლიგებში ასპარეზობდნენ, ხოლო უკვე 1919 წელს გაწევრიანდნენ ფეხბურთის ლიგაში მთელი ქვეყნის მასშტაბით და 4 წლის შემდეგ გახდნენ ჩემპიონები. 1964 წელს გავიდნენ ინგლისის თასის ფინალში, რომელშიც გაიმარჯვეს და 64, 75 და 80 წლებში გახდნენ ინგლისის თასის სამგზის ჩემპიონები. ასევე 1964/62 წელს მოიგეს თასის მფლობელთა თასი, ხოლო 1999 წელს ინტერტოტოს თასი.

ისტორია

კლუბი დაარსდა 1895 წელს სახელწოდებით “Thames Ironworks F.C.” მაშინ კლუბს ფლობდა მეტალურგიული და გემთმშენებელი კომპანია “Thames Ironworks and Shipbuilding Co. Ltd”, რომელსაც არნოლდ ჰილსი და წამყვანი სპეციალისტი დეივ ტეილორი მართავდნენ. “The Irons”–მა ლონდონის ლიგაში თამაში 1896 წელს დაიწყო და 1897/98 წლებში ამ ლიგის გამარჯვებულიც გახდა. კლუბი გახდა პროფესიონალური 1898 წელს, მას შემდეგ, რაც სამხრეთი ლიგის მეორე დივიზიონში დაიწყო თამაში. ეს ტურნირი გუნდმა პირველივე მცდელობაზე მოიგო. როდესაც 1900 წელს კლუბი გახდა შეზღუდული პასუხისმგებლობის საზოგადოება, სახელი შეიცვალა და დაირქვა “West Ham United F.C.”

1900 წელს კლუბი თამაშობდა Memorial Ground–ზე, რომელიც მდებარეობდა პლაისტოუში. ამის შემდეგ გადავიდა „აპტონ პარკზე“, რომელიც აშენების დღიდან პირველ სათამაშო სეზონამდე ატარებდა სახელწოდებას The Castle. მისამართზე Grange Road, London, E13 ჩვენ შეგვიძლია ვიხილოთ ორიგინალური სტადიონი, ნამდვილი ციხესიმაგრე, ისეთივე, როგორიც ის იყო აშენების დღიდან. „ვესტ ჰემი“ ფეხბურთის ლიგას 1919 წელს შეუერთდა და პირველ დივიზიონში პირველად 1923 წელს ააღწია. კლუბს აქვს მოგებული ასოციაციის თასი სამჯერ: 1963/64, 1974/75 და 1979/80 წლებში.

კაპიტანი ბობი მური თასს კოცნის

1961 წელს შეიცვალა მწვრთნელი და სათავეში მოვიდა რონ გრინვუდი. მისი თაოსნობით „ვესტ ჰემმა“ 1964 წელს მოიგო ასოციაციის თასი, დაამარცხა რა ფინალში „პრესტონი“ ანგარიშით 3:2. აღსანიშნავია, რომ "ჩაქუჩებმა" ნახევარფინალში "მანჩესტერ იუნაიტედს" სძლიეს. გუნდი ამაზე არ შეჩერებულა და ევროარენაზე უდიდესი წარმატება ჰპოვა, როდესაც თასთა თასის ფინალში "მიუნხენ 1860" 2:0 დაამარცხა.

70–იან წლებში წავიდა არაერთი წამყვანი ფეხბურთელი და წავიდა ასევე გრინვუდიც. ახალი მწვრთნელი გახდა ჯონ ლაიალი. ლაიალის გუნდმა 1975 წელს მოიგო ინგლისის თასი, ხოლო 1976 წელს "ვესტ ჰემს" შეეძლო გაემეორებინა იგივე, რაც გრინვუდის დროს გააკეთა და მოეგო თასთა თასი, მაგრამ ფინალში დამარცხდა ბელგიურ "ანდერლეხტთან". ამის შემდეგ კლუბის საქმეები ცუდად წავიდა და 1978 წელს კლუბი გავარდა მეორე დივიზიონში.

სამი წლის შემდეგ კლუბი დაბრუნდა და 1980 წელს ისტორიაში მესამედ მოიგო ინგლისის თასი, ხოლო 1981 წელს კი ახლოს იყო ლიგის თასის მოგებასთან, მაგრამ ფინალში "ლივერპულთან" დამარცხდა. ამავე წელს კლუბმა მესამე ადგილი დაიკავა პირველ დივიზიონში, რაც გუნდის მიერ ნაჩვენებ საუკეთესო რეზულტატად ითვლება დღემდე. 1989 წელს "ვესტ ჰემი" კვლავ გავარდა მეორე დივიზიონში, 2 წლის შემდეგ დაბრუნდა, მაგრამ 1992 წელს კვლავ დაქვეითდა.

90–იანი წლების დასაწყისში ბილი ბონდსი ჰარი რედნაპმა ჩაანაცვლა. კლუბი მალევე დაბრუნდა ახლად შექმნილ პრემიერ ლიგაში. რედნაპი ერთ–ერთი საუკეთესო მწვრთნელია კლუბის ისტორიაში. მან "ვესტ ჰემი" პრემიერ ლიგაში დაამკვიდრა და 1999 წელს "ინტერტოტოს თასიც" მოაგებინა.

2002/03 სეზონი კლუბისათვის საშინელი აღმოჩნდა. მათ ტურნირის დაწყებიდან 6 თვის შემდეგ პირველად მოახერხეს საშინაო გამარჯვების მოპოვება და გავარდნენ ჩემპიონშიფში. შემდეგ სეზონში გააღწია ჩემპიონშიფის პლეი–ოფში და შეეძლო კიდეც ელიტაში დაბრუნება, თუმცა ფინალურ შეხვედრაში „კრისტალ პალასთან“ დამარცხდა. 2004/05 სეზონის ბოლოს, გულშემატკივრების მხრიდან ალან პარდიუზე დიდი გავლენის წყალობით კლუბმა ჩემპიონშიფში მეექვსე ადგილი დაიკავა. ამის შემდეგ „ვესტ ჰემს“ კვლავ მოუწია პლეი–ოფი, რომელშიც გამარჯვებული გამოვიდა და პრემიერ ლიგაში დაბრუნდა. პლეი–ოფის პრიველ ეტაპზე, „აპტონ პარკზე“ ფრედ 2–2 დასრულდა მატჩი „იპსვიჩთან“ (რომელმაც ჩემპიონშიფში მესამე ადგილი დაიკავა, გადაასწრო რა „ჩაქუჩებს“ 12 ქულით), ხოლო „პორტმენ როდუზე“ კი ლონდონელებმა 0–2 იმარჯვეს და ფინალში გავიდნენ. ფინალში „ვესტ ჰემი“ შეხვდა „პრესტონს“ და მოუგო 1–0, რისი წყალობითაც დაბრუნდა ინგლისის უმაღლეს დივიზიონში, პრემიერ ლიგაში.

შემადგენლობა

2012 წლის 31 მარტისთვის.

ნომერი პოზიცია მოთამაშე 1 მეკარე რობერტ გრინი 2 მცველი უინსტონ რიდი 3 მცველი ჯორჯ მაკარტნი 4 ნახევარმცველი კევინ ნოლანი 5 მცველი ჯეიმს ტომკინსი 7 თავდამსხმელი სემ ბოლდოკი 8 თავდამსხმელი ნიკი მეინარდი 9 თავდამსხმელი კარლტონ კოული 10 ნახევარმცველი ჯეკ კოლისონი 11 თავდამსხმელი ჯონ კარეუ 12 ნახევარმცველი რიკარდო ვაზ ტე 13 მეკარე სტივენ ჰენდერსონი 14 ნახევარმცველი მეთიუ ტეილორი 15 მცველი აბდულაიე ფაიე

ნომერი პოზიცია მოთამაშე 16 ნახევარმცველი მარკ ნობლი 17 მცველი ჯოი ო'ბრაიენი 18 ნახევარმცველი ჟულიენ ფობერი 19 თავდამსხმელი ფრედი სირსი 20 მცველი გი დემელი 21 ნახევარმცველი პაპა ბოუბა დიოპი 22 ნახევარმცველი ჰენრი ლანსბერი (არენდით არსენალიდან) 23 ნახევარმცველი რაველ მორისონი 24 თავდამსხმელი ფრენკ ნოუბლი 25 მცველი დანი კოლინსი (არენდით სტოუკიდან) 27 მცველი ჯორდან სპენსი 31 მეკარე რუუდ ბოფინი 32 ნახევარმცველი გარი ო'ნილი 48 მცველი დენ პოტსი

ტიტულები

• ინგლისის ასოციაციის თასი: 3
  • 1964, 1975, 1980
• თასების თასი: 1
  • 1965
• ინტერტოტოს თასი: 1
  • 1999
• ბობი მურის თასი: 1
  • 2008
• SBOBET–ის თასი: 1
  • 2010

ცნობილი ფეხბურთელები

• ჯეფრი ჰერსტი
• ბობი მური
• მარტინ პიტერსი
• ელვინ მარტინი
• ფრენკ ლამპარდი (უფროსი)
• ბილი ბონდსი
• ტრევორ ბრუკინგი
• ფილ პარსკი
• ალან დევონშაირი
• დევიდ ჯეიმსი
• გლენ ჯონსონი
• პოლ ინსი
• მაიკლ კერიკი
• ჯო კოული
• ფრენკ ლამპარდი
• სკოტ პარკერი
• სტიუარტ პირსი
• ბრაიან რობსონი
• რიო ფერდინანდი
• ტედი შერინგემი
• ხავიერ მასკერანო
• კარლოს ტევესი
• პაოლო დი კანიო
• ლუის ბოა მორტე
• სერგეი რებროვი
• ლუდეკ მიკლოშკო
• ტომაშ რიეპკა
• სტიუარტ რეი
• კრეიგ ბელამი
• ბარი ნივენჰოუსი

ხელმძღვანელობა

კლუბის ხელმძღვანელობა/დირექცია

თანამდებობა სახელი მფლობელი დევიდ სალივანი მფლობელი დევიდ გოლდი ვიცე–პრეზიდენტი კარენ ბრეიდი ფინანსური დირექტორი ნიკ აიგო აღმასრულებელი დირექტორი ბობ ელისი საფეხბურთო მდივანი პიტერ ბარნსი კორპორატიულ საქმეთა დირექტორი იან ტომპკინსი ოპერაციების დირექტორი ბენ აილინვორთი კომერციული დირექტორი ბარი ვებერი მედია ხელმძღვანელი გრეგ დემეტრიო სამწვრთნელო შტაბი თანამდებობა სახელი მთავარი მწვრთნელი ავრამ გრანტი ასისტენტი პოლ გროუვსი პირველი გუნდის მწვრთნელი კევინ კინი სარეზერვო გუნდის მწვრთნელი ალექს დაიერი სარეზერვო გუნდის მწვრთნელი როჯერ ქროსი ფიზიოთერაპევტი ენდი როლსი სამედიცინო სამსახური სენ ჰოვლეტი MBBS,MRCGP კლუბის ექიმი გეს შტაინბერგსი აკადემიის დირექტორი ტონი კარი მეკარეების მწვრთნელი დევიდ კოულსი მწვრთნელები 1901–1932 სიდ კინგი 1932–1950 ჩარლი პეინტერი 1950–1961 ტედ ფენტონი 1961–1974 რონ გრინვუდი 1974-1989 ჯონ ლაიალი 1989-1990 ლუ მაკარი 1990-1994 ბილი ბონდსი 1994-2001 ჰარი რედნაპი 2001-2003 გლენ რიოდერი 2003-2006 ალან პარდიუ 2006-2008 ალან კერბიშლი 2008-2010 ჯანფრანკო ძოლა 2010–2011 ავრამ გრანტი 2011– სემ ელერდაისი რესურსები ინტერნეტში ოფიციალური საიტი (ინგ.) ფან-კლუბი (რუს.)