ხავიერ მასკერანო

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ხავიერ მასკერანო
Mascherano and Duff.jpg
პირადი მონაცემები
სრული სახელი ხავიერ ალეხანდრო მასკერანო
დაბადების
თარიღი
8 ივნისი, 1984
დაბადების
ადგილი
სან-ლორენცო, არგენტინა
სიმაღლე 174 სმ
სათამაშო
პოზიცია
საყრდენი ნახევარმცველი
საკლუბო ინფორმაცია
მიმდინარე
კლუბი
ბარსელონა
ნომერი 14
ახალგაზრდული კარიერა
რივერ პლეიტი
პროფესიონალური კარიერა
წლები გუნდი მატჩი (გოლი)
2003–2005 რივერ პლეიტი 46 (1)
2005–2006 კორინთიასი 26 (0)
2006–2007 ვესტ ჰემი 5 (0)
2007–2010 ლივერპული 94 (1)
2010– ბარსელონა 111 (0)
ეროვნული ნაკრები
2003- არგენტინა 100 (3)
† პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით. ბოლოს განახლდა: 4 ივნისი, 2014.

‡ ეროვნულ მატჩებში მონაწილეობისა და გოლების მაჩვენებელი ბოლოს განახლდა:
21 ივნისი, 2014.

ხავიერ ალეხანდრო მასკერანო (ესპ. Javier Alejandro Mascherano; დ. 8 ივნისი, 1984) — არგენტინელი ფეხბურთელი, ლა ლიგის კლუბ „ბარსელონას“ და არგენტინის ეროვნული ნაკრების ნახევარმცველი. ასევე შეუძლია თამაში ცენტრალური მცველის პოზიციაზე.

მასკერანომ კარიერა დაიწყო არგენტინულ „რივერ პლეიტში“. პროფესიონალურ კარიერაში პირველ წარმატებას მიაღწია 2003-04 წლების სეზონში, კლუბთან ერთად მოიგო არგენტინის პრიმერა დივიზიონი. მან ასევე მოიგო 2004 წლის ზაფხულის ოლიმპიური თამაშების ოქროს მედალი. მეორე ადგილზე დაასრულა 2004 წლის კოპა ამერიკა. 2005 წელს ის გადაბარგდა ბრაზილიის კლუბ „კორინთიანსში“, მოიგო ბრაზილიის სერია A პირველ სეზონში. შემდეგ გადავიდა ევროპაში, ინგლისის პრემიერ ლიგის კლუბ „ვესტ ჰემ იუნაიტედში“. თუმცა, უჩვეულო კონტრაქტის გაფორმებიდან მცირე ხანში, 2007 წლის დასაწყისში ის შეუერთდა „ლივერპულს“ იჯარით.

მერსისაიდულ კლუბთან ერთად პირველ სეზონში გავიდა უეფა-ს ჩემპიონთა ლიგის ფინალში, სადაც დამარცხდა „მილანთან“ 1-2. იმავე სეზონში ნაკრებთან ერთად გავიდა მეორე ადგილზე კოპა ამერიკაზე. ის „ლივერპულს“ ოფიციალურად შეუერთდა 2008 წელს £18,6 მილიონის სანაცვლოდ. 2008 წლის პეკინის ზაფხულის ოლიმპიური თამაშებზე მოიგო მეორე ვერცხლის მედალი არგენტინასთან ერთად. ეროვნული ნაკრების კაპიტნად დაინიშნა ახალი თავკაცის, დიეგო მარადონას მიერ, 2008 წლის ნოემბერში.[1]

არგენტინაში მასკერანოს ორი მეტსახელია „მასკე“ და „ელ-ხაფესიტო“.[2][3] ყოფილი არგენტინელი ფეხბურთელები, ხორხე ვალდანო და ხორხე სოლარი მიიჩნევენ, რომ მასკერანო შესაძლოა გახდეს მსოფლიოს საუკეთესო ცენტრალური ნახევარმცველი.[4][5]

მასკერანო მიჩნეული იყო არგენტინის ნაკრების წამყვან ფეხბურთელად დიეგო მარადონას მწვრთნელობის დროს, რომელმაც განაცხადა, რომ მისი გუნდი იყო „ხონასი, მასკერანო, ლიონელ მესი და რვა დანარჩენი“.[6]

მასკერანო ასევე ფლობს იტალიის პასპორტს, რაც მას აძლევს საშუალებას იყოს ევროკავშირის მოთამაშე.[7]

საკლუბო კარიერა[რედაქტირება]

რივერ პლეიტი (2003–05)[რედაქტირება]

მასკერანო დაიბადა სან-ლორენცოში, სანტა-ფეში, არგენტინაში. ახალგაზრდული კარიერა გაატარა „რივერ პლეიტში“, ბუენოს-აირესში.

მასკერანომ მოიგო მისი პირველი მედალი 2003-04 წლების სეზონში არგენტინის კლაუსურაში. 2004 წელს კოპა ლიბერტადორესის გათამაშებაში რივერ პლეიტმა მიაღწია ნახევაფინალამდე, მაგრამ დამარცხდა პენალტების სერიაში „ბოკა ხუნიორსთან“.

მასკერანოს გადაბირების მსურველ კლუბებს შორის იყვნენ „მადრიდის რეალი“,[8] და „დეპორტივო“, მაგრამ „რივერ პლეიტმა“ უარი თქვა ყველა შეთავაზებაზე. განაცხადა, რომ არც ერთი დაინტერესებული მხარე არ იყო მზად გადაეხადა საკმარისი თანხა.

2004–05 წლების სეზონი წარუმატებელი გამოდგა „რივერ პლეიტისთვის“, მესამე ადგილზე გავიდა არგენტინის ჩემპიონატში და მხოლოდ მეათე ადგილს დასჯერდა კლაუსურაში. კოპა ლიბერტადორესზე რივერი კვლავ დამარცხდა ნახევარფინალში, ამჯერად „სან-პაულუსთან“.

2005 წელს გერმანიაში გამართული კონფედერაციის თასის შემდეგ ბრაზილიურმა კლუბმა „კორინთიანსმა“ შეძინა მასკერანო „რივერ პლეიტისგან“ 15 მილიონი აშშ დოლარის სანაცვლოდ.

კორინთიანსი (2005–06)[რედაქტირება]

გამომდინარე იქიდან, რომ ბრაზილიის სერია A იწყება აპრილში, მასკერანო შეუერთდა კლუბს შუა სეზონში. ახალი კლუბის შემადგენლობაში მხოლოდ ცხრა თამაშის შემდეგ, 2005 წლის სექტემბერში, მასკერანომ მიიღო ტრავმა, რის გამოც მოუხდა დარჩენილი სეზონის გაცდენა. ის დაბრუნდა არგენტინაში, რათა გაეკეთებინა ოპერაცია ეროვნული ნაკრების ექიმთან.[9][10][11][12] თუმცა, „კორინთიანსმა“ განაცხადა, რომ 2005 წლის ბრაზილიის ჩემპიონატში მასკერანო იქნებოდა გუნდის კაპიტანი.

საერთო ჯამში, მასკერანო უქმად იყო ექვსი თვის განმავლობაში, მოედანზე დაბრუნდა მხოლოდ 2006 წლის 5 მარტს.[13] კორინთიანსმა 2006 წლის კოპა ლიბერტადორესი დაიწყო მასკერანოს გარეშე. ბრაზილიის ჩემპიონატშიც ასევე წარუმატებლად იასპარეზა მისმა გუნდმა. ერთ ეტაპზე გუნდს მოუხდა ბრძოლა, რათა არ ჩამოქვეითებულიყო ჩემპიონატის ქვედა დივიზიონში.

მიუხედავად იმისა, რომ მისმა თამაშმა მიიპყრო ევროპული კლუბების ყურადღება, მან ისურვა „კორინთიანსში“ დარჩენილიყო და დახმარებოდა კლუბს, რათა არ გავარდნილიყო ჩემპიონატიდან. მან უარი თქვა ყოველგვარ კონტრაქტზე იანვრამდე.[14] თუმცა, 2006 წლის ზაფხულის სატრანსფერო ფანჯრის დახურვამდე რამდენიმე საათით ადრე, მასკერანო შეუერთდა „ვესტ ჰემ იუნაიტედს“ თანამემამულე კარლოს ტევესთან ერთად.[15]

ვესტ ჰემი (2006 – იანვარი 2007)[რედაქტირება]

2006 წლის ზაფხულში მასკერანოს გადაბირებით დაინტერესებული იყო ევროპის რამდენიმე ტოპ-კლუბი. მან განაცხადა, რომ დიდი სიამოვნებით ითამაშებდა ესპანურ კლუბ მადრიდის რეალში, ან ბარსელონაში, მაგრამ საბოლოოდ მან კონტრაქტი გააფორმა ინგლისურ კლუბ ვესტ ჰემ იუნაიტედთან. მასკერანოს ვესტ ჰემში გადასვლა იყო მოულოდნელობა, რადგან ევროპის რამდენიმე გრანდთან ჰქონდა მოლაპარაკებები მთელი ზაფხულის განმავლობაში. მისმა ტრანსფერმა ბევრი მითქმა-მოთქმა გამოიწვია.[16][17]

სანამ მასკერანო შეუერთდებოდა, ვესტ ჰემმა მოიგო ერთი მატჩი, ერთი ფრედ დაასრულა და ერთიც წააგო. გუნდმა შემდეგი რვა თამაში წააგო და ერთიც ფრედ დაასრულა ყველა გათამაშებაში, სანამ არ მოიგეს პირველი მატჩი უიღბლო სერიის შემდეგ 29 ოქტომბერს. ამ ხნის განმავლობაში მასკერანო იშვიათად ჩნდებოდა გუნდის ძირითად შემადგენლობაში. ოქტომბერში, არგენტინის ნაკრების მწვრთნელმა, ალფიო ბასილემ განაცხადა, რომ მას იმდეი ჰქონდა, რომ მასკერანო მალე დატოვებდა ვესტ ჰემს, "როგორც კი შესაძლებელი იქნებოდა" და გადავიდოდა იუვენტუსში.[18]

2007 წლის 16 იანვარს ლივერპულმა მიმართა ფიფას, რათა გადმოეყვანა მასკერანო ვესტ ჰემიდან.[19] ფიფას წესების თანახმად, მოთამაშეს არ შეუძლია ორ სხვადასხვა კლუბში თამაში 1 ივლისს და 30 ივნისს შორის. მასკერანოს უკვე ჰქონდა ნათამაშები ორ კლუბში, კორინთიანსში და ვესტ ჰემში.

ფიფამ დაამტკიცა გარიგება 2007 წლის 31 იანვარს.[20]

ლივერპული (თებერვალი 2007–2010)[რედაქტირება]

მასკერანო ლივერპულში.

10 თებერვალს „ლივერპულმა“ დაიმატა მასკერანო ჩემპიონთა ლიგის განაცხადში და გადასცა 20-ნომრიანი მაისური. საბოლოოდ, 2007 წლის 20 თებერვალს მასკერანო გახდა „ლივერპულელი“ ოფიციალურად.[21]

მასკერანო თამაშობს „ლივერპულის“ შემადგენლობაში 2007 წელს.

მასკერანოს დებიუტი „ლივერპულის“ შემადგენლობაში შედგა „შეფილდ იუნაიტედის“ წინააღმდეგ 2007 წლის 24 თებერვალს[22] და შექება დაიმსახურა გუნდის მაშინდელი მწვრთნელის, რაფაელ ბენიტესისგან და გუნდის კაპიტან სტივენ ჯერარდისგან, „ლივერპულის“ 4-0 გამარჯვების შემდეგ. 31 მარტს „არსენალთან“ მატჩის შემდეგ ბენიტესმა მასკერანოს უწოდა „მოთამაშე მონსტრი“.[23] ანალოგიურად, მისი თანაგუნდელებიც იყვნენ აღფრთოვანებულები მისი თამაშით. მასკერანომ ჩემპიონთა ლიგაზე პირველად ითამაშა მეოთხედფინალურ მატჩში „პსვ-ს“ წინააღმდეგ 3 აპრილს. მასკერანომ ითამაშა 2007 წლის ჩემპიონთა ლიგის ფინალში „მილანის“ წინააღმდეგ.

2008 წლის 29 თებერვალს მასკერანომ კლუბთან გააფორმა ოთხწლიანი კონტრაქტი.[24] ტრანსფერი „ლივერპულს“ დაუჯდა £18.6 მილიონი,[25] სადაც შედიოდა არა მარტო ტრანსფერის საკომისიო გადასახადი, არამედ ფეხბურთელის ოთხი წლის ანაზღაურება.[26] სეზონის პირველი გოლი კლუბის მაისურით გაიტანა „რედინგთან“ მატჩში.[27]

2009 წლის 29 ოქტომბერს მასკერანომ გაიტანა პირველი გოლი „ევერტონთან“ 2-0 მოგებულ მატჩში გუდისონ პარკზე.[28] 2009-10 წლების სეზონში მასკერანომ მიიღო შვიდი ყვითელი და ორი წითელი ბარათი.[29] 2010 წლის 27 ივლისს მასკერანომ განუცხადა „ლივერპულის“ ახალ მთავარ მწვრთელ როი ჰოჯსონს, რომ მას სურდა „ლივერპულის“ დატოვება.[30]

„ლივერპულის“ ფანებმა მასკერანოს პატივისცემის ნიშნად მიუძღვნეს საკუთარი სიმღერა.[31]

2010 წლის 27 აგვისტოს „ლივერპულმა“ განაცხადა, რომ მიღწეული იყო შეთანხმება „ბარსელონასთან“ მასკერანოს ტრანსფერის თაობაზე.[32]

ბარსელონა (2010–დღემდე)[რედაქტირება]

2010 წლის 28 აგვისტოს მასკერანოს და „ბარსელონას“ შორის გაფორმდა ოთხწლიანი კონტრაქტი, რაც კატალონიურ კლუბს დაუჯდა 22 მილიონი ევრო.[33] 30 აგვისტოს მან გაიარა სამედიცინო შემოწმება და ოფიციალურად შევიდა ძალაში კონტრაქტი.[34] მისი დებიუტი ლა ლიგაში შედგა 2010 წლის 11 სექტემბერს, როცა მისი კლუბი დამარცხდა დებიუტანტ „ჰერკულესთან“ 0-2. ბოლო 16 თვის მანძილზე პირველი მარცხი იწვნია „ბარსელონამ“ ნოუ კამპზე.

სანაკრებო კარიერა[რედაქტირება]

მასკერანო და ანდრეი არშავინი

მასკერანომ პირველი საერთაშორისო მატჩი ჩაატარა 2001 წელს. არგენტინის ნაკრებთან ერთად გავიდა 17-წლამდელთა მსოფლიო ჩემპიონატზე.

2003 წელს გამოძახებული იყო ნაკრებში მსოფლიო ახალგაზრდულ ჩემპიონატზე. არგენტინის ნაკრებმა მეოთხე ადგილზე დაასრულა გათამაშება, მასკერანო კი იყო თავისი ნაკრების ერთ-ერთი წამყვანი მოთამაშე.[35]

2004 წლის იანვარში ის შეუერთდა არგენტინის 23-წლამდელთა გუნდს ოლიმპიადისწინა ტურნირზე ჩილეში. 2004 წლის ოლიმპიადაზე არგენტინის ნაკრები დაეუფლა ოქროს მედლებს საბერძნეთში.[36]

მასკერანო შეყვანილი იყო 2004 წლის კოპა ამერიკის სანაკრებო განაცხადში. არგენტინამ ბრაზილიასთან წააგო ფინალში პენალტების სერიაში. მიუხედავად ამისა, მაკერანო დასახელდა არგენტინის საუკეთესო ფეხბურთელად მისი თანაგუნდელების მიერ.[35]

2005 წელს მასკერანომ ითამაშა კონფედერაციის თასზე გერმანიაში, სადაც ასევე ბრზაილიის ნაკრებთან დამარცხდნენ ფინალში, ანგარიშით 1-4.[37]

2006 წლის მსოფლიო ჩემპიონატზე მან ყველა თამაშში შეუცვლელად ითამაშა. მისი გუნდი ნახევარფინალში დამარცხდა გერმანიის ნაკრებთან მეოთხედფინალში.

მასკერანომ პირველი სანაკრებო გოლი გაიტანა 2007 წლის ივლისში კოპა ამერიკაზე, პარაგვაის ნაკრების კარში.[38]

2008 წელს მასკერანომ მიიღო პირველი წითელი ბარათი აშშ-ის ეროვნულ ნაკრებთან მატჩში, 2008 წლის 8 ივლისს. მან მიიღო მეორე ყვითელი ბარათი მატჩის 86-ე წუთზე, რომელიც დასრულდა ფრედ, 0-0.[39]

ერთი წლის შემდეგ, მასკერანო გამოიძახეს არგენტინის 23-წლამდელთა ნაკრებში პეკინის ოლიმპიადაზე. არგენტინის ნაკრებმა მოიგო გათამაშება და მასკერანო გახდა მეორე ფეხბურთელი, რომელიც ორჯერ დაეუფლა ოლიმპიურ მედალს.[40][41]

დიეგო მარადონამ მთავარ მწვრთნელად დანიშვნის შემდეგ განაცხადა, რომ სურდა მასკერანო ყოფილიყო ნაკრების კაპიტანი."[42]

მასკერანო გახდა ნაკრების კაპიტანი 10 ნოემბერს, ხავიერ ძანეტის მაგივრად.[43] 2010 წლის მსოფლიო ჩემპიონატზე სწორედ მასკერანო კაპიტნობდა ეროვნულ ნაკრებს. არგენტინის ნაკრები გათამაშებას გამოეთიშა მეოთხედფინალში, სადაც დამარცხდა გერმანიის ნაკრებთან, ანგარიშით 0-4.[44]

სანაკრებო სტატისტიკა[რედაქტირება]

[45]

არგენტინის ნაკრები
წელი მატჩი გოლი
2003 1 0
2004 10 0
2005 3 0
2006 8 0
2007 14 2
2008 9 0
2009 10 0
2010 9 0
Total 64 2

სანაკრებო გოლები[რედაქტირება]

2009 წლის 11 აგვისტოს მონაცემებით

# თარიღი ადგილი მოწინააღმდეგე გოლი შედეგი გათამაშება
1. 5 ივლისი 2007 Estadio Metropolitano de Fútbol de Lara, ბარქუისიმეტო, ვენესუელა პარაგვაის დროშა პარაგვაი 1 – 0 1–0 კოპა ამერიკა 2007
2. 8 ივლისი 2007 Estadio Metropolitano de Fútbol de Lara, ბარქუისიმეტო, ვენესუელა პერუს დროშა პერუ 4 – 0 4–0 კოპა ამერიკა 2007

კარიერის სტატისტიკა[რედაქტირება]

2012 წლის 5 თებერვლის მონაცემები

კლუბი სეზონი ჩემპიონატი თასი საკონტინენტთაშორისო ჯამში
თამაში გოლი თამაში გოლი თამაში გოლი თამაში გოლი
რივერ პლეიტი 2003–04 20 0 0 0 0 0 20 0
2004–05 26 1 0 0 0 0 26 1
ჯამში 46 1 0 0 0 0 72 1
კორინთიანსი 2005 8 0 0 0 0 0 8 0
2006 18 0 2 0 0 0 20 0
ჯამში 26 0 2 0 0 0 28 0
ვესტ ჰემი 2006–07 5 0 0 0 0 0 5 0
ჯამში 5 0 0 0 0 0 5 0
ლივერპული 2006–07 7 0 0 0 4 0 11 0
2007–08 25 1 3 0 13 0 41 1
2008–09 27 0 3 0 8 0 38 0
2009–10 34 0 1 0 13 1 48 1
2010–11 1 0 0 0 0 0 1 0
ჯამში 94 1 7 0 38 1 139 2
ბარსელონა 2010–11 27 0 7 0 11 0 45 0
2011–12 15 0 7 0 6 0 28 0
ჯამში 42 0 14 0 17 0 73 0
ჯამში კარიერის მანძილზე 213 2 23 0 55 1 317 3

ტიტულები[რედაქტირება]

რივერ პლეიტი[რედაქტირება]

2003-04 წლების არგენტინის კლაუსურა

კორინთიანსი[რედაქტირება]

ბრაზილიის სერია A 2005

ბარსელონა[რედაქტირება]

2010–11
2010-11
2011
2011
2011

სანაკრებო[რედაქტირება]

2004, 2008

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. Maradona: "Argentina son Mascherano y diez más". as.com (ესპანური). წაკითხვის თარიღი: 2009-03-29.
  2. Tevez-Mascherano: "Enfrentar a River, para nosotros es algo distinto". Clarín (ესპანური). წაკითხვის თარიღი: 2007-04-28.
  3. Player profile – Javier Mascherano“, SkySports.com. წაკითხვის თარიღი: 2007-03-04. 
  4. Valdano on Maradona, Mascherano et al.“, BBC Sport. წაკითხვის თარიღი: 2008-10-04. 
  5. Solari heaps praise on Argentina's Mascherano. ESPN Soccernet. წაკითხვის თარიღი: 2009-06-13.
  6. Maradona pone a Jonás a la misma altura que Messi y Mascherano
  7. Javier Mascherano – Transfermarkt.de
  8. Northcroft, Johnathon. “Mascherano happy to step out of the shadows“, The Times, 2007-04-08. წაკითხვის თარიღი: 2008-11-13. 
  9. Injury jinx hits Argentina. FIFAWorldCup.yahoo.com (2005-09-28). წაკითხვის თარიღი: 2007-03-15.
  10. Argentine players injured. Clarín. წაკითხვის თარიღი: 2007-03-15. (ესპანური)
  11. Operation Ok. GloboEsporte.com (2005-09-18). წაკითხვის თარიღი: 2007-03-15. (პორტუგალიური) (Translation)
  12. Out for the rest of 2005. terra.com (2005-09-15). წაკითხვის თარიღი: 2007-03-15. (ესპანური)
  13. Mascherano returns on 5 March. Olé (2006-02-21). დაარქივებულია ორიგინალიდან 2007-10-14-ში. წაკითხვის თარიღი: 2007-03-15. (ესპანური)
  14. Argentine star rules out exit“, SkySports.com, 2006-08-02. წაკითხვის თარიღი: 2007-03-04. 
  15. Hammers complete huge coup“, Sky Sports, 2006-08-31. წაკითხვის თარიღი: 2007-03-04. 
  16. Kelso, Paul. “Eyebrows raised at deal shrouded in mystery“, The Guardian, 2006-09-01. წაკითხვის თარიღი: 2007-04-28. 
  17. Scott, Matt. “Third-party deals that landed West Ham in the mire“, The Guardian, 2007-04-28. წაკითხვის თარიღი: 2007-04-28. 
  18. Argentines urged to quit West Ham“, BBC Sport Online, 2006-10-05. წაკითხვის თარიღი: 2007-03-04. 
  19. Austin, Simon. “Liverpool make Mascherano request“, BBC Sport Online, 2007-01-16. წაკითხვის თარიღი: 2007-03-05. 
  20. Liverpool cleared to sign Mascherano“, The Guardian, 2007-01-31. წაკითხვის თარიღი: 2007-03-05. 
  21. Mascherano free to join Liverpool“, BBC Sport, 2007-02-20. წაკითხვის თარიღი: 2007-03-05. 
  22. Liverpool 4–0 Sheffield United. LiverpoolFC.tv (2007-02-26). დაარქივებულია ორიგინალიდან February 27, 2007-ში. წაკითხვის თარიღი: 2007-03-05.
  23. Rafa encouraged by talks“, Sky Sports, 2007-04-03. წაკითხვის თარიღი: 2007-04-04. 
  24. Mascherano signs Liverpool deal“, BBC Sport Online, 2008-02-29. წაკითხვის თარიღი: 2008-02-29. 
  25. Liverpool complete £18.6m move for Mascherano“, The Guardian, 2008-02-29. წაკითხვის თარიღი: 2008-02-29. 
  26. Delight for Mascherano, last new signing of Gillett-Hicks nightmare“, AnfieldRoad.com, 2008-02-29. წაკითხვის თარიღი: 2008-02-29. 
  27. Masch Sores In Seventh Straight Win (2008-03-15). დაარქივებულია ორიგინალიდან April 19, 2008-ში. წაკითხვის თარიღი: 2008-03-19.
  28. Javier Mascherano claims Liverpool's opening goal against Everton as his own“, Telegraph, 2009-11-30. წაკითხვის თარიღი: 2009-12-02. 
  29. English Premier League – Player Discipline – 2009/2010 – ESPN Soccernet. Soccernet.espn.go.com (2010-06-03). წაკითხვის თარიღი: 2010-06-26.
  30. Midfielder Javier Mascherano demands Liverpool exit“, BBC Sport, 2010-07-27. წაკითხვის თარიღი: 2010-07-28. 
  31. Javier Mascherano song
  32. Reds & Barca agree Mascherano fee“, BBC Sport, 27 August 2010. წაკითხვის თარიღი: 27 August 2010. 
  33. Smith, Rory. “Javier Mascherano: Barcelona move a dream come true“, The Telegraph, 2010-08-30. წაკითხვის თარიღი: 2010-08-30. 
  34. Javier Mascherano completes move to Barcelona“, BBC Sport, 2010-08-30. წაკითხვის თარიღი: 2010-08-30. 
  35. 35.0 35.1 Player to Watch: Mascherano making waves in Argentina. FIFAWorldCup.yahoo.com (2004-09-27). წაკითხვის თარიღი: 2007-03-04.
  36. FIFA.com. FIFA.com. წაკითხვის თარიღი: 2010-06-26.
  37. Brazil storm engulfs swamped Argentina
  38. Jefe y patrón (spanish)
  39. http://www.ussoccer.com/articles/viewArticle.jsp_6684675.html U.S. Men Draw 0–0 in Epic Contest With Argentina
  40. Golden moment for Argentina. FIFA.com (2008-08-23). წაკითხვის თარიღი: 2010-06-26.
  41. FIFA.com. FIFA.com (2008-08-21). წაკითხვის თარიღი: 2010-06-26.
  42. Maradona named as Argentina coach“, BBC News, 2008-11-04. წაკითხვის თარიღი: 2010-05-06. 
  43. Masch accepts Argentine armband“, Sky Sports, 2008-11-10. წაკითხვის თარიღი: 2008-11-11. 
  44. Bevan, Chris. “Argentina 0–4 Germany“, BBC Sport, 2010-07-03. წაკითხვის თარიღი: 2010-07-28. 
  45. http://www.national-football-teams.com/v2/player.php?id=340