ნიკიფორე გრიგორა

მასალა ვიკიპედიიდან — თავისუფალი ენციკლოპედია
Jump to navigation Jump to search
ნიკიფორე გრიგორა (გვიანდელი პორტრეტი)

ნიკიფორე გრიგორა (გრიგორასი, ბერძ. Νικηφόρος Γρηγοράς; დ. 1290/1291 – გ. 1360) — ბიზანტიელი ისტორიკოსი, თეოლოგი, ფილოსოფოსი და მეცნიერი. შეადგინა კალენდრის რეფორმის პროექტი. იყო პლატონის თაყვანისმცემელი და წერის მანერითაც მას ბაძავდა.

მისი ისტორიული თხზულება „რომის ისტორია“ მოიცავს პერიოდს 1204 წლიდან 1359 წლის ჩათვლით. ნიკიფორე გრიგორა აღწერილი ამბების მომსწრე და მონაწილეა. თხზულების პირველ ნაწილში (1204-1320 წწ.) ძირითადად აკროპოლიტეს და პაქიმერეს ეყრდნობა, თუმცა დამატებით წყაროებსაც იყენებს; დაწვრილებით გადმოსცემს 1320-1359 წლის ამბებს. ამ მონაკვეთში ნიკიფორე გრიგორა უფრო მემუარისტად გვევლინება, ვიდრე ქრონისტად. დიდ ყურადღებას უთმობს საეკლესიო ბრძოლას. მოვლენებს სუბიექტურად აფასებს. მტრულად ეკიდება ზილოტების გამოსვლას.

მნიშვნელოვანია გრიგორას ცნობები ტრაპიზონის იმპერიის შესახებ. ტრაპიზონის მეფეებს „კოლხების ქვეყნის მფლობელად“, „კოლხთა და ლაზთა ქვეყნის მფლობელად“, „ლაზებად“ მოიხსენიებს. აღსანიშნავია აგრეთვე გრიგორას ცნობები ტრაპიზონის მეფეთა დინასტიურ ქორწინებების, აბაზგებისა და საქართველოში თათარ-ხვარაზმელთა შემოსევის შესახებ.

ლიტერატურა[რედაქტირება | წყაროს რედაქტირება]

  • გეორგიკა. ბიზანტიელი მწერლების ცნობები საქართველოს შესახებ, ს. ყაუხჩიშვილის გამოც., ტ. 7, თბ., 1967.

რესურსები ინტერნეტში[რედაქტირება | წყაროს რედაქტირება]