აგათია სქოლასტიკოსი

მასალა ვიკიპედიიდან — თავისუფალი ენციკლოპედია
Jump to navigation Jump to search
აგათია სქოლასტიკოსი
დაბ. თარიღი არაუადრეს 531 და არაუგვიანეს 532
დაბ. ადგილი Myrina[1]
გარდ. თარიღი არაუადრეს 579 და არაუგვიანეს 582
გარდ. ადგილი კონსტანტინოპოლი[1]
მოქალაქეობა ბიზანტიის იმპერია[1]

აგათია სქოლასტიკოსი (ლათ. Agathias Scholasticus, ბერძნ. Ἀγαθίας Σχολαστικός; დ. 536 – გ. 582) – ბიზანტიელი ისტორიკოსი და პოეტი. პროფესიით იურისტი. იურიდიული ცოდნა მიუღია ალექსანდრიასა და კონსტანტინოპოლში. აგათიას პოეტური მემკვიდრეობიდან საყურადღებოა „დაფნიაკა“ – ჰეგზამეტრით გამართული ეპიკური თხზულება და ეპიგრამების შვიდწიგნეული. საისტორიო თხზულებათაგან უმთავრესი ნაშრომია თხზულება „იუსტინიანეს მეფობისათვის“. ეს ხუთწიგნეული პროკოფი კესარიელის ისტორიის გაგრძელებაა. ხუთივე წიგნში ქრონოლოგიური თანამიმდევრობითაა გადმოცემული ბიზანტიის იმპერიის 552-558 წლების ისტორია. ხუთწიგნეული VI საუკუნის დასავლეთ საქართველოსლაზიკის ისტორიის (დიდი ომიანობა ეგრისში) უმნიშვნელოვანესი წყაროა. ამ ნაშრომშია დაცული ეგრისელი მჭერმეტყველების აიეტისა და ფარტაზის სიტყვები გუბაზ მეფის მკვლელობასთან დაკავშირებით.

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]