არუენი: განსხვავება გადახედვებს შორის
| [შემოწმებული ვერსია] | [შემოწმებული ვერსია] |
No edit summary |
|||
| ხაზი 15: | ხაზი 15: | ||
}} |
}} |
||
'''არვენ უნდომიელი''' — [[გამოგონილი პერსონაჟი]] პერსონაჟი [[ჯ.რ.რ. ტოლკინი]]ს [[ლეგენდარიუმი|ლეგენდარიუმში]]. რომანში „[[ბეჭდების მბრძანებელი]]“ იგი არის [[ნახევარ-ელფები|ნახევარ-ელფი]], რომელიც მესამე ეპოქაში ცხოვრობს. |
'''არვენ უნდომიელი''' (აგრეთვე ცნობილი, როგორც '''არუენი''') — [[გამოგონილი პერსონაჟი]] პერსონაჟი [[ჯ.რ.რ. ტოლკინი]]ს [[ლეგენდარიუმი|ლეგენდარიუმში]]. რომანში „[[ბეჭდების მბრძანებელი]]“ იგი არის [[ნახევარ-ელფები|ნახევარ-ელფი]], რომელიც მესამე ეპოქაში ცხოვრობს. |
||
==ლიტერატურა== |
==ლიტერატურა== |
||
15:51, 28 იანვარი 2015-ის ვერსია
| არვენი | |
|---|---|
| ბიოგრაფიული ცნობები | |
| რასა | ნახევარ-ელფი |
| ნაწარმოები |
ბეჭდის საძმო (1954) მეფის დაბრუნება (1955) დაუსრულებელი მოთხრობები |
არვენ უნდომიელი (აგრეთვე ცნობილი, როგორც არუენი) — გამოგონილი პერსონაჟი პერსონაჟი ჯ.რ.რ. ტოლკინის ლეგენდარიუმში. რომანში „ბეჭდების მბრძანებელი“ იგი არის ნახევარ-ელფი, რომელიც მესამე ეპოქაში ცხოვრობს.
ლიტერატურა
არვენი ელრონდისა და კელებრიანის უმცროსი შვილია. მისი ძმები არიან ტყუპისცალი ელადანი და ელროჰირი. სახელი Ar-wen ნიშნავს კეთილშობილ ქალწულს. ნაწარმოების მიხედვით, იგი ატარებს ნიშანს - მწუხრის ვარსკვლავს.
მოთხრობილია[1], რომ არაგორნმა, როდესაც ოცი წელი შეუსრულდა, რივენდელში არვენი პირველად იხილა, როდესაც თავად ელრონდის მფარველობის ქვეშ ცხოვრობდა. არვენი მას უმალვე შუყვარდა. გავიდა 30 წელი და ლორიენში ისინი ერთმანეთს კვლავ შეხვდნენ. ნახევარ-ელფმა მას სიყვარულით უპასუხა და კერინ ამროთთან მათ ერთმანეთს შეჰფიცეს, რომ იქორწინებდნენ.
არვენი ბეჭდების მბრძანებლის ტექსტში პირველად ჩნდება რივენდელში, როდესაც ელრონდის სახლში ფროდო ბეგინსი გონს მოდის. იგი ნადიმის დროს ელრონდთან ერთად ზის. როდესაც ბეჭდის საძმო ლოთლორიენში შედის, არაგორნი იხსენებს კერინ ამროთზე არვენთან საუბარს.
სანამ არაგორნი მკვდრების ბილიკს დაადგებოდა, მას შეუერთდნენ ჩრდილოელი დუნადანები, ელადანთან და ელროჰირთან ერთად, რომლებმაც არვენის ძღვენი, შავი ნაჭრის ალამი მოუტანეს. იგი აფრიალებული იქნა პელენორის მინდვრების ბრძოლისას. ალამზე გამოსახული იყო ელენდილის სიმბოლო, მოქარგული მითრილით, ძვირფასი ქვებით და ოქროთი, რაც იყო მეფის დაბრუნების ტრიუმფალური ცნობა.
ბეჭდის ომის შემდეგ არაგორნი გახდა არნორისა და გონდორის კვლავ აღდგენილი სამეფოების მეფე. არვენი მინას ტირითში მოვიდა და მათ იქორწინეს. ნახევარ-ელფმა ფროდოს აჩუქა თეთრი ქვის ყელსაკიდი, რომელიც, როგორც თავად აუხსნა, მოგზაურობისას მიღებული ჭრილობების ტკივილებისგან იხსნიდა.
წიგნში არვენი იშვიათად ფიგურირებს და ითვლება მეოხარისხოვან პერსონაჟად, თუმცა იგი არის არაგორნის შთაგონება და მოტივაცია იმისა, რომ მან აღადგინოს განადგურებული სამეფოები და, ელრონდის ნებართვით, საბოლოოდ შეუერთდეს არვენს.
ბეჭდების მბრძანებლის დანართში მოთხრობილია, რომ არაგორნს და არვენს ჰყავდათ შვილი, ელდარიონი, და სულ მცირე, ორი ასული, რომელთა სახელები უცნობია. IV ეპოქის 121 წელს, არაგორნის გარდაცვალებიდან ერთი წლის თავზე, კერინ ამროთზე, 2901 წლის ასაკში არვენის სიცოცხლეს აღესრულა.
რესურსები ინტერნეტში
- არუენი — საიტზე Tolkien Gateway
- ინფორმაცია საიტზე The Thain's Book
სქოლიო
- ↑ The Lord of the Rings, Appendix A, part I.v.