ჯეიმზ მილნერი

ჯეიმზ მილნერი

პირადი მონაცემები
სრული სახელი	ჯეიმზ ფილიპ მილნერი
დაბადების თარიღი	4 იანვარი, 1986 (1986-01-04)
დაბადების ადგილი	ლიდზი,  ინგლისი
სიმაღლე	175 სმ
სათამაშო პოზიცია	ნახევარმცველი
საკლუბო ინფორმაცია
მიმდინარე კლუბი	ბრაიტონ ენდ ჰოუვ ალბიონი
ნომერი	20
ახალგაზრდული კარიერა
1996–2002	ლიდზი
პროფესიონალური კარიერა*
წლები	გუნდი	მატჩი	(გოლი)
2002–2004	ლიდზი	48	(5)
2003	→  სვინდონ თაუნი	6	(2)
2004–2008	ნიუკასლი	94	(6)
2005–2006	→  ასტონ ვილა	27	(1)
2008–2010	ასტონ ვილა	73	(11)
2010–2015	მანჩესტერ სიტი	147	(13)
2015–2023	ლივერპული	230	(19)
2023–	ბრაიტონ ენდ ჰოუვ ალბიონი	26	(1)
ეროვნული ნაკრები‡
2009–2016	ინგლისი	61	(1)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 3 აპრილი, 2020 ‡ ეროვნული ნაკრების მატჩი და გოლი ბოლოს განახლდა: 10 მაისი, 2019

ჯეიმზ მილნერი (ინგლ. James Milner; დ. 4 იანვარი, 1986) — ინგლისელი ფეხბურთელი, ინგლისის ნაკრების ყოფილი წევრი და პრემიერლიგის საფეხბურთო კლუბ „ბრაიტონ ენდ ჰოუვ ალბიონის“ ნახევარმცველი.

კარიერა

მილნერმა ახალგაზრდული კარიერა საფეხბურთო კლუბ „ლიდზში“ გაატარა, გუნდში რომელსაც ბავშვობიდან ქომაგობდა. 2002 წელს 16 წლის ასაკში „ლიდზშივე“ შედგა მისი პროფესიონალური დებიუტი, სადაც კიდევ ორი სეზონი ითამაშა. 2004 წელს გადავიდა „ნიუკასლში“, 2005 წლიდან ერთი წლით განათხოვრებული იყო „ასტონ ვილაში“, რის მერეც „ნიუკასლში“ დაბრუნებდა და ჩრდილოური გუნდის მაისურით 100 მატჩზე მეტი ითამაშა. 2008 წელს მილნერი ხელმეორედ შეუერთდა „ასტონ ვილას“ საიდანაც 2010 წელს „მანჩესტერ სიტიში“ გადავიდა. „სიტიში“ მან ორჯერ მოახერხა ინგლისის პრემიერლიგის მოგება.

2015 წელს, მილნერი „ლივერპულში“ გადავიდა. პირველივე სეზონის დაწყებამდე ის გუნდის ვიცე კაპიტნად დაასახელეს და ახალ გუნდთან ერთად ინგლისის ლიგის თასისა და ევროპის ლიგის ფინალებშიც ითამაშა, თუმცა ორივეში დამარცხდა. 2015-16 წლების სეზონში მილნერი ძირითადად ნახევარმცველად თამაშობდა, თუმცა გუნდში არსებული პრობლემების გამო მომდევნო სეზონის უმეტესი ნაწილი მარცხენა მცველის პოზიციაზე გაატარა.

2017-18 წლების სეზონში ცენტრალური ნახევარმცველის პოზიციაზე დაბრუნდა და „ლივერპულთან“ ერთად ჩემპიონთა ლიგის ფინალში ითამაშა, სადაც „მადრიდის რეალთან“ დამარცხდა. იმავე სეზონში პირველი ფეხბურთელი გახდა, ვინც ჩემპიონთა ლიგის ერთ სეზონში 9 საგოლე გადაცემა გააკეთა. 2018 წლის ნოემბერში მილნერმა 50-ე გოლი გაიტანა პრემიერლიგაში, მომდევნო თვეს კი მხოლოდ მე-13 ფეხბურთელი გახდა, ვისაც პრემიერლიგაში 500 მატჩი აქვს ჩატარებული. იმავე სეზონში მილნერმა უეფა-ს ჩემპიონთა ლიგა მოიგო „ლივერპულთან“ ერთად. 2019 წლის ბოლომდე მილნერი უეფა-ს სუპერთასისა და მსოფლიოს საკლუბო ჩემპიონატის ოქროს მედალოსანიც გახდა.

მილნერს ინგლისის ეროვნულ ნაკრებში 2009-2016 წლებში 61 მატჩი აქვს ნათამაშები. მონაწილეობა აქვს მიღებული 2012 და 2016 წლის ევროპის, ასევე 2010 და 2014 წლის მსოფლიო ჩემპიონატებზე. სანაკრებო კარიერაში ერთადერთი გოლი 2012 წელს მოლდოვას კარში აქვს გატანილი.

თამაშის სტილი

მილნერი ინგლისურ ფეხბურთში ცნობილია თავისი მრავალმხრივი საფეხბურთო უნარებით და ინტენსიური თამაშის სტილით. „ლიდზსა“ და „ნიუკასლში“ ყოფნისას ის ძირითადად ფლანგის ნახევარმცველად თამაშობდა, თუმცა უთამაშია თავდამსხმელად, ჩამშლელად და მარჯვენა მცველადაც. „ასტონ ვილაში“ ცენტრალური ნახევარმცველის პოზიციაზეც თამაშობდა. „მანჩესტერ სიტიში“ — ფლანგის ნახევარმცველად და შემტევ ნახევარმცველად. „ლივერპულში“ ცენტრალურ ნახევარმცველად. როცა გუნდს სჭირდებოდა მთელი სეზონი გაატარა მარცხენა მცველის პოზიციაზე.

მილნერი გამოირჩევა სწრაფი და ენერგიული თამაშით. გადაცემების სიზუსტის მაღალი მაჩვენებლით შორ თუ ახლო მანძილზე. ხშირად მიდის კარისკენ დასარტყავად, საიმედოა ჩამშლელის როლშიც. გამოირჩევა ჩაწოდებების სიზუტითაც, ხშირად აწვდის კუთხურებსა და ჯარიმებს. მწვრთნელებისა და მიმომხილველებისგან არაერთხელ მიუღია შექება თავისი ენერგიული და გუნდური თამაშისთვის.

სტატისტიკა

განახლდა: 11 მარტი, 2020 წელი

ჩატარებული მატჩები და გატანილი გოლები კლუბებისა და სეზონის მიხედვით

Club	Season	ლიგა			FA თასი		ლიგის თასი		ევროპა		სხვა		სულ
		ლიგა	მატჩი	გოლი	მატჩი	გოლი	მატჩი	გოლი	მატჩი	გოლი	მატჩი	გოლი	მატჩი	გოლი
ლიდზ იუნაიტედი	2002–03	პრემიერლიგა	18	2	4	0	0	0	0	0	—		22	2
	2003–04	პრემიერლიგა	30	3	1	0	1	0	—		—		32	3
	სულ		48	5	5	0	1	0	0	0	—		54	5
სვინდონ თაუნი	2003–04	მეორე დივიზიონი	6	2	—		—		—		—		6	2
ნიუკასლ იუნაიტედი	2004–05	პრემიერლიგა	25	1	4	0	1	0	11	0	—		41	1
	2005–06	პრემიერლიგა	3	0	—		—		4	2	—		7	2
	2006–07	პრემიერლიგა	35	3	2	1	3	0	13	0	—		53	4
	2007–08	პრემიერლიგა	29	2	2	1	1	0	—		—		32	3
	2008–09	პრემიერლიგა	2	0	—		1	1	—		—		3	1
	სულ		94	6	8	2	6	1	28	2	—		136	11
ასტონ ვილა(იჯარა)	2005–06	პრემიერლიგა	27	1	3	0	3	2	—		—		33	3
ასტონ ვილა	2008–09	პრემიერლიგა	36	3	3	3	—		4	0	—		43	6
	2009–10	პრემიერლიგა	36	7	5	0	6	4	2	1	—		49	12
	2010–11	პრემიერლიგა	1	1	—		—		—		—		1	1
	სულ		100	12	11	3	9	6	6	1	—		126	22
მანჩესტერ სიტი	2010–11	პრემიერლიგა	32	0	3	1	1	0	5	0	—		41	1
	2011–12	პრემიერლიგა	26	3	1	0	3	0	6	0	1	0	37	3
	2012–13	პრემიერლიგა	26	4	6	0	1	0	2	0	1	0	36	4
	2013–14	პრემიერლიგა	31	1	4	0	3	0	6	1	—		44	2
	2014–15	პრემიერლიგა	32	5	2	2	2	0	8	1	1	0	45	8
	სულ		147	13	16	3	10	0	27	2	3	0	203	18
ლივერპული	2015–16	პრემიერლიგა	28	5	1	0	4	0	12	2	—		45	7
	2016–17	პრემიერლიგა	36	7	0	0	4	0	—		—		40	7
	2017–18	პრემიერლიგა	32	0	2	1	0	0	13	0	—		47	1
	2018–19	პრემიერლიგა	31	5	1	0	1	0	12	2	—		45	7
	2019–20	პრემიერლიგა	18	2	2	0	2	2	8	0	3	0	33	4
	სულ		145	19	6	1	11	2	45	4	3	0	210	26
სულ კარიერაში			540	57	46	9	37	9	106	9	6	0	735	84

მიღწევები

ნიუკასლ იუნაიტედი: (1)

• უეფა-ს ინტერტოტოს თასი: 2006

მანჩესტერ სიტი:(5)

• პრემიერლიგა: 2011–12, 2013–14
• ინგლისის ასოციაციის თასი: 2011
• ინგლისის ლიგის თასი: 2013–14
• ინგლისის სუპერთასი: 2012

ლივერპული:(5)

• პრემიერლიგა: 2019-20
• უეფა-ს ჩემპიონთა ლიგა: 2018–19
  ფინალისტი: 2017–18, 2021-22
• უეფა-ს სუპერთასი: 2019
• ფიფა-ს მსოფლიო საკლუბო ჩემპიონატი: 2019
• ინგლისის ლიგის თასი: 2021–22
  ფინალისტი: 2015–16
• უეფა-ს ევროპის ლიგის ფინალისტი: 2015–16

რესურსები ინტერნეტში

• შეგიძლიათ იხილოთ მედიაფაილები თემაზე „ჯეიმზ მილნერი“ ვიკისაწყობში.
• James Milner — სტატისტიკა საიტზე Soccerbase.com (ინგლისური)
• ჯეიმზ მილნერი — ფიფას ჩანაწერი^{[დაარქივებული]}
• ჯეიმზ მილნერი – უეფას ჩანაწერი (ინგლისური)