შავი ზღვის საერთაშორისო უნივერსიტეტი
| შავი ზღვის საერთაშორისო უნივერსიტეტი | |
|
|
| დევიზი | Life-long Friendship for Peace through Education |
|---|---|
| დაფუძნდა | 1995 |
| ტიპი | კერძო |
| რექტორი | ილიას ჩილოღლუ |
| მდებარეობა | თბილისი,  საქართველო |
| მისამართი | დავით აღმაშენებლის ხეივანი მე-13კმ. 2 |
| ტელეფონი | +995 32 2595005 +995 32 2595008 |
| საიტი | ოფიციალური საიტი |
შავი ზღვის საერთაშორისო უნივერსიტეტი (ინგლ. International Black Sea University; ასევე: IBSU) — უნივერსიტეტი საქართველოში, ქალაქ თბილისში. დაარსდა 1995 წელს. იგი არის დაწესებულება, სადაც ქართველ და უცხოელ სტუდენტებს შესაძლებლობა აქვთ ეზიარონ მაღალი დონის პროფესიულ განათლებას და აქ მიღებული ცოდნისა და გამოცდილების წყალობით, თავიანთი წვლილი შეიტანონ საქართველოსა თუ სხვა ქვეყნების ეკონომიკური და სოციალური განვითარების საქმეში. უნივერსიტეტში სასწავლო ენა არის ინგლისური.
ისტორია[რედაქტირება | წყაროს რედაქტირება]
შზსუ გაიხსნა 1995 წელს საქართველოს მინისტრთა კაბინეტის დადგენილებისა და საქართველოს განათლების სამინისტროს მიერ გაცემული ლიცენზიის საფუძველზე. უნივერსიტეტი საზეიმოდ გახსნენს საქართველოს პრეზიდენტმა და თურქეთის პრემიერ-მინისტრმა.
უნივერსიტეტის დამფუძნებლები არიან საქართველოს განათლების სამინისტრო, დუშეთის რაიონის გამგეობა და თურქული ფირმები მარსი და ჩაღლარი. უნივერსიტეტის კუთვნილი ბიბლიოთეკა, აუდიო-ვიდეო ცენტრი, ინტერნეტის ქსელში ჩართული კომპიუტერული ლაბორატორია ყოველთვის ხელმისაწვდომია სტუდენტებისათვის.
ფაკულტეტის ადმინისტრაციის მიზანია უზრუნველყოს სწავლის მაღალი დონე და დახმარება გაუწიოს ახალგაზრდებს. სწავლების ეფექტურობის შენარჩუნების მიზნით, ფაკულტეტის მესვეურნი ცდილობენ მუდმივად საქმის კურსში იყვნენ უკანასკნელი მიღწევების თაობაზე და სტუდენტებს შესაძლებლობა მისცენ აქ მიღებული თეორიული ცოდნა გაამყარონ პრაქტიკული კვლევისა და ექსპერიმენტების საფუძველზე.
შზსუ-ში არსებული ფაკულტეტები მუდმივ კავშირში იმყოფებიან ყველა დარგის სამეცნიერო-კვლევით ინსტიტუტებთან. აქ დიდი ყურადღება ენიჭება პროფესორ- მასწავლებელთა და სტუდენტებს შორის ახლო დამოკიდებულებას, მცირერიცხოვან აუდიტორებში შესაძლებელია უშუალო კონტაქტის დამყარება და დისკუსიების გამართვა.
სამედიცინო კაბინეტი ფუნქციონირებს კვირაში შვიდი დღის განმავლობაში. აქ სტუდენტებს საშუალება აქვთ მიიღონ პირველი სამედიცინო დახმარება. შზსუ-ს თანამშრომლები დახმარებას უწევენ სწავლასთან ან პირად ცხოვრებასთან დაკავშირებული პრობლემების გადაწყვეტაში.
შზსუ-ში ჩამოყალიბებულია სხვადასხვა სახის კლუბები, მათ შორის თეატრალური და მუსიკალური კლუბი, აგრეთვე ჭადრაკის, ფეხბურთის, ფრენბურთის, კალათბურთის, ათლეტიზმის, მაგიდის ჩოგბურთისა და სხვა სახის კლუბები.
