ქუთაისის საერთაშორისო უნივერსიტეტი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ქუთაისის საეთაშორისო უნივერსიტეტი
Kutaisi International University Logo.svg
დაფუძნდა 2020, 21 ოქტომბერი
ტიპი საჯარო
რექტორი ალექსანდრე თევზაძე
პრეზიდენტი ვოლფგან ა. ჰერმანი (საპატიო)
სტუდენტი 60 000 (დაგეგმილი)
მისამართი ახალგაზრდობის გამზირი, მე-5 შესახვევი, K კორპუსი, ქუთაისი, 4600 საქართველო (იურიდიული)
ილია ჭავჭავაძის გამზ. N33ა, სართული 4, ბინა N53, თბილისი, 0179, საქართველო (საკონტაქტო)
ქალაქი ქუთაისი
ქვეყანა საქართველოს დროშა საქართველო
https://www.kiu.edu.ge/

ქუთაისის საერთაშორისო უნივერსიტეტი (KIU) — კვლევითი უნივერსიტეტი ქუთაისში, საქართველო. მისი მშენებლობის შესახებ 2016 წლის 12 სექტემბერს საქართველოს პრემიერ მინისტრმა გიორგი კვირიკაშვილმა განაცხადა. უნივერსიტეტი მოიცავს 158 ჰექტარ ფართობს, რომელიც 60 000 სტუდენტზეა გათვლილი.[1] უნივერსიტეტი ოფიციალურად გაიხსნა 2020 წლის 21 ოქტომბერს. უნივერსიტეტში ფუნქციონირებს მეცნიერებათა საბაკალავრო პროგრამები მენეჯმენტის, მათემატიკისა და კომპიუტერულ მეცნიერებების დარგში.[2]

საქართველოს მთავრობის განცხადებით, დაგეგმილია, რომ ქუთაისის ტექნოლოგიური უნივერსიტეტი იქნება ყველაზე დიდი, რეგიონალური საგანმანათლებლო და კვლევითი კერა კავკასიაში, რომელსაც ასევე ექნება თანამედროვე საუნივერსიტეტო კამპუსი.[1]

ქუთაისის საერთაშორისო უნივერსიტეტი შეიქმნა მიუნხენის ტექნიკურ უნივერსიტეტთან (TUM) სტრატეგიული პარტნიორობის შედეგად. თანამშრომლობის სფერო მოიცავს აკადემიურ და კვლევით პროგრამებს, აგრეთვე მის ორგანიზაციულ სტრუქტურასა და განვითარების გეგმას. 2020 წელს TUMint-მა გახსნა ოფისი საქართველოში ქუთაისის საერთაშორისო უნივერსიტეტთან პარტნიორობის შემდგომი განმტკიცებისა და მხარდაჭერის მიზნით.

2021 წლისთვის KIU და მიუნხენის ტექნიკური უნივერსიტეტი აპირებენ გააღრმავონ თანამშრომლობა, განსაკუთრებით ტექნოლოგიების გადაცემის სფეროში. მიუნხენის უნივერსიტეტის საქართველოს ოფისი ხელს შეუწყობს KIU კამპუსის განვითარებას ინოვაციებისა და მეწარმეობის დარგებში. გარდა ამისა, ოფისი კოორდინაციას უწევს მეცნიერებისა და ლექტორების ვიზიტებს KIU-ში და მხარს უჭერს KIU-ს საქმიანობის ადგილობრივ და საერთაშორისო დონეზე გავრცელებას. TUM-ის მოდელის მსგავსად, KIU მჭიდრო ურთიერთობებს ამყარებს ადგილობრივ და საერთაშორისო კომპანიებთან განათლების, ინოვაციებისა და შრომის ბაზრის განსავითარებლად.

კამპუსი[რედაქტირება | წყაროს რედაქტირება]

ქუთაისის საერთაშორისო უნივერსიტეტის კამპუსი ქალაქ ქუთაისის მიმდებარედ მდებარეობს. ის 150 ჰექტარზეა განფენილი. კამპუსი მდებარეობს ქუთაისის საერთაშორისო აეროპორტიდან 25 კილომეტრით დაშორებით, თბილისიდან კი — სამი საათის სავალ გზაზე.[3]

სასწავლო პროგრამები[რედაქტირება | წყაროს რედაქტირება]

უნივერსიტეტმა სტუდენტების პირველი ნაკადი 2020–2021 სასწავლო წელს მიიღო სამ საგანმანათლებლო პროგრამაზე:

სამომავლოდ დაგეგმილია ახალი პროგრამების დამატება, როგორიცაა:[4]

  • ფიზიკა
  • ქიმია
  • ბიოლოგია
  • სამშენებლო ინჟინერია
  • ელექტრული ინჟინერია
  • ენერგო ინჟინერია
  • განათლება
  • ხელოვნება და ჰუმანიტარული მეცნიერებები
  • მედიცინა

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 ქართუ ფონდის ინვესტიციით ქუთაისში 60 000 სტუდენტზე გათვლილი უნივერსიტეტი აშენდება. Agenda.ge (12 September 2016). ციტირების თარიღი: 21 November 2017.
  2. ქუთაისის საერთაშორისო უნივერსიტეტი. ციტირების თარიღი: 2020-10-21.
  3. ქუთაისის საერთაშორისო უნივერსიტეტი. კამპუსი. ციტირების თარიღი: 2020-01-07.
  4. ქუთაისის საერთაშორისო უნივერსიტეტი. აკადემიური პროგრამები. ციტირების თარიღი: 2020-01-07.