ევროპის უნივერსიტეტი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ევროპის უნივერსიტეტი
უნივერსიტეტის-ფასადი-(1).jpg
დაფუძნდა 21 იანვარი, 2011
დამფუძნებელი (-ები) ლაშა კანდელაკიშვილი
რექტორი ნინო ტალიაშვილი
პრორექტორები თამარ ზარგინავა; სოფიო ხუნდაძე
პრეზიდენტი ლაშა კანდელაკიშვილი
მისამართი გურამიშვილის გამზ. №76; სარაჯიშვილის ქ. №17
ქალაქი თბილისი
ტელეფონი (+995 32) 2 000 171
კამპუსი ირინა ენუქიძის №5
მეტსახელი EU
https://www.eu.edu.ge

ევროპის უნივერსიტეტი — ავტორიზებული, სასწავლო უნივერსიტეტის სტატუსის მქონე უმაღლესი საგანმანათლებლო დაწესებულება, რომელიც კანონმდებლობით დადგენილი წესით ახორციელებს უმაღლესი განათლების საგანმანათლებლო პროგრამებს და გასცემს სახელმწიფოს მიერ აღიარებულ კვალიფიკაციის დამადასტურებელ დოკუმენტს.

ავტორიზაცია-აკრედიტაცია[რედაქტირება | წყაროს რედაქტირება]

საგანმანათლებლო დაწესებულებების ავტორიზაციის საბჭოს 2011 წლის 21 იანვრის № 1 გადაწყვეტილებით დაწესებულებამ 5 წლის ვადით მოიპოვა სასწავლო უნივერსიტეტის სტატუსი. 2012 წლისათვის უნივერსიტეტი ახორციელებდა 3 საგანმანათლებლო პროგრამას: საექთნო საქმის საბაკალავრო, ფარმაციის საბაკალავრო და ჯანდაცვის მენეჯმენტის სამაგისტრო საგანმანათლებლო პროგრამებს. სტუდენტთა ზღვრული რაოდენობა განსაზღვრული იყო 246 სტუდენტით. 2013 წლის ბოლოს უნივერსიტეტმა მოიპოვა აკრედიტაცია ფინანსების და საბანკო საქმის საბაკალავრო პროგრამაზე, ხოლო 2014–2017 წლებში — იმ საგანმანათლებლო პროგრამებზე, რომელსაც ამჟამად ახორციელებს, მათ შორის დიპლომირებული მედიკოსის ინგლისურენოვან საგანმანათლებლო პროგრამაზე, რომელზეც უცხოელი სტუდენტების ყველაზე დიდი წილი მოდის. უმაღლესი საგანმანათლებლო დაწესებულებების ავტორიზაციის საბჭოს 2016 წლის 18 იანვრის № 5 გადაწყვეტილებით ევროპის უნივერსიტეტმა 5 წლის ვადით, 2021 წლამდე, კვლავ მოიპოვა სასწავლო უნივერსიტეტის სტატუსი. უმაღლესი საგანმანათლებლო დაწესებულებების ავტორიზაციის საბჭოს 2016 წლის 13 დეკემბრის № 30 გადაწყვეტილებით უნივერსიტეტს სტუდენტთა ზღვრული რაოდენობა განესაზღვრა 1500 სტუდენტით, ხოლო უმაღლესი საგანმანათლებლო დაწესებულებების ავტორიზაციის საბჭოს 2019 წლის 26 ივლისის № 28 გადაწყვეტილებით ევროპის უნივერსიტეტს სტუდენტთა ზღვრული რაოდენობა განესაზღვრა 3000 სტუდენტით.

მოქმედი პროგრამები[რედაქტირება | წყაროს რედაქტირება]

ევროპის უნივერსიტეტში ფუნქციონირებს 4 ფაკულტეტი:

  • ბიზნესისა და ტექნოლოგიების ფაკულტეტი
  • სამართლის, ჰუმანიტარულ და სოციალურ მეცნიერებათა ფაკულტეტი
  • მედიცინის ფაკულტეტი
  • სავეტერინარო მედიცინის ფაკულტეტი

აღნიშნული ფაკულტეტების ფარგლებში უნივერსიტეტი ახორციელებს 12 საგანმანათლებლო პროგრამას, რომელიც მოიცავს უმაღლესი განათლების ორი საფეხურის (საბაკალავრო, სამაგისტრო, ერთსაფეხურიან და მასწავლებლის მომზადების ერთწლიან) საგანმანათლებლო პროგრამებს.

რესურსები ინტერნეტში[რედაქტირება | წყაროს რედაქტირება]