ფრედი ჰაიმორი

მასალა ვიკიპედიიდან — თავისუფალი ენციკლოპედია
Jump to navigation Jump to search
ფრედი ჰაიმორი
Freddie Highmore 2013 (Straighten Crop).jpg
ჰაიმორი 2013 წლის მარტში
დაბადების სახელი ალფრედ ტომას ჰაიმორი
დაბადების თარიღი 14 თებერვალი, 1992 (1992-02-14) (28 წლის)
ლონდონი, ინგლისი
მოქალაქეობა გაერთიანებული სამეფოს დროშა გაერთიანებული სამეფო
ალმა-მატერი კემბრიჯის უნივერსიტეტი
საქმიანობა მსახიობი
აქტიური 1999–დღემდე
მშობლები მამა: ედვარდ ჰაიმორი

ალფრედ ტომას ჰაიმორი[1] (ინგლ. Alfred Thomas Highmore; დ. 14 თებერვალი, 1992) — ინგლისელი მსახიობი. მისი დებიუტი კინოში შედგა 1999 წლის კომედიურ ფილმში „Women Talking Dirty“. ჰაიმორი ცნობილია როლებისთვის შემდეგ ფილმებში: „ჯადოსნური ქვეყანა“ (ინგლ. Finding Neverland) (2004 წ.), „ჩარლი და შოკოლადის ქარხანა“ (ინგლ. Charlie and the Chocolate Factory) (2005 წ.), „ოგუსტ რაში“ (ინგლ. August Rush) (2007 წ.) და „სპაიდერვიკის ქრონიკები“ (ინგლ. The Spiderwick Chronicles) (2008 წ.). მან ზედიზედ მოიპოვა კრიტიკოსთა არჩევანის ორი ჯილდო, როგორც საუკეთესო ახალგაზრდა შემსრულებელმა.

ჰაიმორმა შეასრულა ნორმან ბეიტსის როლი 2013-2017 წლის დრამა-თრილერის ჟანრის სერიალში — ბეიტსის მოტელი (ინგლ. Bates Motel), რისთვისაც კრიტიკოსთა არჩევანის სამ ნომინაციაზე წარდგა, როგორც დრამატული სერიალის საუკეთესო მსახიობი. 2017 წლიდან ჰაიმორი ასრულებს ექიმი შონ მერფის როლს ABC-ის სამედიცინო დრამატულ ტელესერიალში „კარგი ექიმი“ (ინგლ. The Good Doctor). ამ როლისთვის მან 2018 წელს მოიპოვა ოქროს გლობუსის ნომინაცია, როგორც საუკეთესო მსახიობმა.[2]

ადრეული წლები[რედაქტირება | წყაროს რედაქტირება]

ფრედი ჰაიმორი დაიბადა 1992 წლის 14 თებერვალს კემდენ-ტაუნში, ლონდონში.[3] დედამისი, სუ ლატიმერი არის მსახიობების აგენტი, რომლის კლიენტებიც არიან დენიელ რედკლიფი და იმელდა სტონტონი. მამამისი არის ყოფილი მსახიობი ედვარდ ჰაიმორი. ჰაიმორს ასევე ჰყავს უმცროსი ძმა, სახელად ბერთი.

მისი წინა სახლი ჩრდილოეთ ლონდონში, ჰაიგეიტში მდებარეობდა.[4] ჰაიმორმა განათლება მიიღო დაწყებით სკოლაში, ჰამსტედის ბაღის გარეუბანში, გოლდერს-გრინთან ახლოს, ლონდონის ბორო ბარნეტში. მან მოიპოვა ჰაიგეიტის სკოლის სტიპენდია, რასაც მოჰყვა ემანუელის კოლეჯი (კემბრიჯი), სადაც ის ესპანურ და არაბულ ენებს სწავლობდა.[5]

კარიერა[რედაქტირება | წყაროს რედაქტირება]

1999–2004: დასაწყისი და ჯადოსნური ქვეყანა[რედაქტირება | წყაროს რედაქტირება]

ფრედი ჰაიმორმა სამსახიობო კარიერა 7 წლის ასაკში მცირე როლებით დაიწყო. მისი დებიუტი შედგა კოკი გიდროიკის 1999 წელს გადაღებულ ფილმში — „Women Talking Dirty“.[3] 2001 წელს ჰაიმორმა შეასრულა მცირეწლოვანი მეფე ართურის როლი TNT-ის მინისერიალში „ავალონის ნისლები“ (The Mists of Avalon).[3]

2001 წელს მან BBC-ის მინისერიალში „Happy Birthday Shakespeare“ განასახიერა მცირეწლოვანი ბიჭი, რომელიც ოცნებობს ეივონის სტრატფორდში გადასვლაზე.[3] ჰაიმორმა საკუთარი ოჯახის წევრებთან ერთად ორ ფილმში მიიღო მონაწილეობა, მის ძმასთან, ბერთი ჰაიმორთან 1999 წლის ფილმში „Women Talking Dirty“ და მამამისთან, ედვარდ ჰაიმორთან Hallmark Entertainment-ის 2001 წლის ტელეფილმში „ნამდვილი ამბავი“ (Jack and the Beanstalk: The Real Story).[6]

2004 წელს ჰაიმორი დიდ ეკრანზე დაბრუნდა ჟან-ჟაკ ანაუდის საოჯახო სათავგადასავლო ფილმით „ორი ძმა“ (Two Brothers). მან შეასრულა ფრანგი ადმინისტრატორის ვაჟის როლი, რომელსაც არ უნდა დაიჯეროს, რომ მისი ახალი მეგობარი, ვეფხვის ბოკვერი, სისხლის დაგემოვნების შემდეგ შესაძლოა საშიში გახდეს. ჰაიმორმა მომდევნო მთავარი როლი შეასრულა კენეთ ბრანასთან, ზოი უანამეიკერთან და ედი იზარდთან ერთად 2004 წლის ფანტასტიკურ ფილმში „ხუთი ბავშვი და იგი“ (Five Children and It). იმავე წელს ფრედი ჰაიმორმა შეასრულა პიტერ ლეველინის როლი მარკ ფორსტერის ნახევრად ბიოგრაფიულ ფილმში „ჯადოსნური ქვეყანა“ (Finding Neverland). ამ როლისთვის მან არაერთი ჯილდო და ნომინაცია მიიღო, მათ შორის კრიტიკოსთა არჩევანის ჯილდო საუკეთესო ახალგაზრდა შემსრულებლისთვის, სატურნის პრემიის ნომინაცია საუკეთესო ახალგაზრდა შემსრულებლისთვის და საეკრანო მსახიობის გილდიის ჯილდო შესანიშნავი შესრულებისთვის.

2005–2011: ჩარლი და შოკოლადის ქარხანა და სპაიდერვიკის ქრონიკები[რედაქტირება | წყაროს რედაქტირება]

ჰაიმორი San Diego Comic-Con International-ზე, 2009 წლის 23 ივლისი

ჰაიმორმა 2005 წელს ჩარლი ბაკეტის როლი შეასრულა ტიმ ბარტონის მუსიკალურ ფანტასტიკაში „ჩარლი და შოკოლადის ქარხანა, რომელიც დაფუძნებულია როალდ დალის ამავე სახელწოდების წიგნზე.[7] გავრცელებული ინფორმაციით, მას რეკომენდაცია გაუწია ვარსკვლავმა ჯონი დეპმა, ვისთან ერთადაც მონაწილეობდა „ჯადოსნურ ქვეყანაში“. დეპი იმდენად იყო აღტაცებული ახალგაზრდა მსახიობის შესრულებით, რომ ჰაიმორს როლის მიღებაში დაეხმარა.[3] ჰაიმორმა გადაწყვიტა ფილმის 1971 წლის ვერსია გადაღების დასრულებამდე არ ენახა, რათა მის შესრულებაზე გავლენა არ მოეხდინა. ამ როლისთვის მან კვლავ მოიპოვა კრიტიკოსთა არჩევანის ჯილდო, როგორც საუკეთესო ახალგაზრდა შემსრულებელმა და მიენიჭა სატელიტის ჯილდო, როგორც გამორჩეული ახალბედა მსახიობი. ჰაიმორმა გაახმოვანა ამავე სახელწოდების ვიდეო თამაში.

მან შეასრულა მაქს სკინერის როლი რიდლი სკოტის კომედიურ დრამაში „კარგი წელი“ (A Good Year), რომელიც დიდ ბრიტანეთში 2006 წლის 27 ოქტომბერს გამოვიდა. იმავე წელს, მან დაიწყო მთავარი პერსონაჟის, არტურ მონტგომერის როლის შესრულება ანიმაციურ სათავგადასავლო ფანტასტიკაში „არტური და უჩინმაჩინები“ (Arthur and the Invisibles), რომელიც 2006 წლის 13 დეკემბერს გამოვიდა. ფილმს ორი გაგრძელება მოჰყვა: 2009 წელს „არტური და მალთაზარის შურისძიება“ (Arthur and the Revenge of Maltazard) და 2010 წელს „არტური და ორი სამყაროს ომი“ (Arthur 3: The War of the Two Worlds).[8] მან გაახმოვანა ტრილოგიის ვიდეო თამაში და მესამე ფილმი,[9] „ოქროს კომპასი“ (The Golden Compass) (2007 წ.) და იმავე სახელწოდების ვიდეო თამაში. ამის შემდეგ მან განასახიერა მთავარი პერსონაჟი ფილმში „ოგუსტ რაში“ (August Rush) (2007 წ.), რომელშიც ასევე მონაწილეობენ კერი რასელი, ჯონათან მეიერსი და რობინ უილიამსი. ამბავი მუსიკალური ნიჭით დაჯილდოებულ ბავშვზეა, რომელიც ბიოლოგიურ მშობლებს ეძებს. ფილმი მსოფლიოს მასშტაბით გამოვიდა 2007 წლის 21 ნოემბერს.[10]

ჰაიმორმა სარა ბოლგერთან ერთად ამერიკელი ტყუპების, საიმონ და ჯარედ გრეისების ორმაგი როლი შეასრულა დონა დიტერლიზის იმავე სახელწოდების საბავშვო მოთხრობაზე დაფუძნებულ 2008 წლის ფილმში „სპაიდერვიკის ქრონიკები“ (The Spiderwick Chronicles). ჰაიმორმა გაახმოვანა არაერთი პერსონაჟი: საიმონი და ჯარედი ვიდეო თამაშში „სპაიდერვიკის ქრონიკები“,[11] იმავე წელს - პატარა ჯეკი ანიმაციურ ფილმში „პატარა ვუკი“ (A Fox's Tale), 2009 წელს - მთავარი პერსონაჟი ფილმში „ასტრო ბიჭი“ (Astro Boy)[12] და მის შესაბამის ვიდეო თამაშში.[13] ამის შემდეგ მან მთავარი როლი შეასრულა BBC–ს ავტობიოგრაფიულ ფილმში „გახუხული პური“ (Toast) ნაიჯელ სლატერის შესახებ, რომელიც გამოვიდა 2010 წლის 30 დეკემბერს. ეს იყო მესამე ფილმი, რომელშიც ჰაიმორმა მონაწილეობა ჰელენა ბონემ კარტერთან ერთად მიიღო.[14] იმავე წელს მან შეასრულა ჰალი ბალარდის როლი ფილმში „ოსტატი ჰაროლდი... და ბიჭები“ (Master Harold... And the Boys). მომდევნო წელს ჰაიმორმა ემა რობერტსთან ერთად მიიღო მონაწილეობა რომანტიკულ-კომედიურ დრამაში „საშინაო დავალება“ (The Art of Getting By) (2011 წ.).[15]

2012–დღემდე: ბეიტსის მოტელი, სცენარის ავტორის დებიუტი და კარგი ექიმი[რედაქტირება | წყაროს რედაქტირება]

ჰაიმორი ბეიტსის მოტელის პეილიფესტზე, 2013 წლის 10 მაისი

2013 წელს ჰაიმორმა გაახმოვანა მთავარი პერსონაჟი ანიმაციურ სათავგადასავლო ფილმში „ჯასტინი და სიმამაცის რაინდები“ (Justin and the Knights of Valour). 2013-2017 წლებში ვერა ფერმიგასთან ერთად მონაწილეობდა A&E-ის ფსიქოლოგიურ დრამაში „ბეიტსის მოტელი“, ალფრედ ჰიჩკოკის ფილმის „ფსიქოს“ პრიკველში, რომელშიც სცენარი იწყება ახლანდელ დროში.[16] 2016 წელს მან ხალხის არჩევანის ჯილდო მოიპოვა,[17] ხოლო მიღებული აქვს ნომინაციები: სატურნის ჯილდო საუკეთესო მსახიობისთვის (2013 წ.),[18] სატელიტის ჯილდო, როგორც საუკეთესო მსახიობი სატელევიზიო დრამაში (2013 წ.)[19] და კრიტიკოსთა არჩევანის ჯილდო დრამატული სერიალის საუკეთესო მსახიობისთვის (2014–2015 წწ. და 2017 წ.).[20][21][22] ჰაიმორმა „ბეიტსის მოტელზე“ მუშაობისას მონაწილეობა მიიღო სცენარის წერასა და რეჟისორობაში. მან დაწერა მეოთხე სეზონის ეპიზოდი „Unfaithful“[23] და მეხუთე სეზონის ეპიზოდი "Inseparable", ხოლო რეჟისორი იყო მეხუთე სეზონის ეპიზოდის „The Body“.[24]

2014 წლის აგვისტოში განაცხადეს, რომ NBC-მ შეიძინა კომედიური საპილოტე სცენარი, რომლის ავტორები და აღმასრულებელი პროდიუსერები იყვნენ ჰაიმორი და „ბეიტსის მოტელის“ შოურანერი, კერი ერინი.[25] 2015 წელს მან მარამა კორლეტთან ერთად მონაწილეობა მიიღო მუსიკალურ ვიდეოში „You're My Waterloo“.[26] ჰაიმორმა 2016 წელს ვიქტორ ფერგიუსონის როლი შეასრულა BBC Two-ს შვიდ ნაწილიან მინისერიალში „მტერთან ახლოს“ (Close to the Enemy)[27] და მონაწილეობა მიიღო ნიკ ჰემის პოლიტიკურ კომედიურ დრამაში „მოგზაურობა“ (The Journey).[28] მომდევნო წლიდან მოყოლებული დღემდე ის ასრულებს ექიმი შონ მერფის როლს ABC-ის სამედიცინო დრამაში „კარგი ექიმი“ (The Good Doctor) და არის სერიალის პროდიუსერი.[29][30] 2017 წელს მან მიიღო ოქროს გლობუსი, როგორც დრამატული სერიალის საუკეთესო მსახიობმა.[31]

ჰაიმორმა მონაწილეობა მიიღო „კანტერვილის მოჩვენების“ (The Canterville Ghost) ანიმაციური ეკრანიზაციის ქასთინგში მთავარი პერსონაჟის გახმოვანებისთვის.[32] ის შეასრულებს ბეიბი ფეის ნელსონის როლს A&E-ს დრამაში „Baby Face“, რომლის სცენარიც მან და კერი ერინმა დაწერეს და მომავალში ერთად აწარმოებენ.[33] ჰაიმორი ასევე იქნება კერი ერინის დრამის, „Long Distance“-ის აღმასრულებელი პროდიუსერი.[34]

პირადი ცხოვრება[რედაქტირება | წყაროს რედაქტირება]

ფრედი ჰაიმორი ცხოვრობს ლონდონში და თავს არიდებს სოციალურ მედიას.[35] ის და მსახიობი ვერა ფარმიგა არიან ახლო მეგობრები. მათ შეასრულეს ნორმან და ნორმა ბეიტსების როლი ტელესერიალ „ბეიტსის მოტელში“. ჰაიმორი ფარმიგას ერთ-ერთი შვილის ნათლიაა.[36]

ფილმოგრაფია[რედაქტირება | წყაროს რედაქტირება]

ფილმები[რედაქტირება | წყაროს რედაქტირება]

წელი ქართული სახელწოდება მშობლიური სახელწოდება როლი შენიშვნა
1999 Women Talking Dirty სემი
2004 „ორი ძმა“ Two Brothers რაულ ნორმანდინი
„ჯადოსნური ქვეყანა“ Finding Neverland პიტერ ლეველინ დეივისი
„ხუთი ბავშვი და იგი“ Five Children and It რობერტი
2005 „ჩარლი და შოკოლადის ქარხანა“ Charlie and the Chocolate Factory ჩარლი ბაკეტი
2006 „კარგი წელი“ A Good Year მცირეწლოვანი მაქს სკინერი
„არტური და უჩინმაჩინები“ Arthur and the Invisibles არტურ მონტგომერი
2007 „ოგუსტ რაში“ August Rush ევან ტეილორი/ოგუსტ რაში
„ოქროს კომპასი“ The Golden Compass პანტალაიმონი გახმოვანება
2008 „სპაიდერვიკის ქრონიკები“ The Spiderwick Chronicles ჯარედ და საიმონ გრეისები
„პატარა ვუკი“ A Fox's Tale პატარა ჯეკი გახმოვანება
2009 „ასტრო ბიჭი“ Astro Boy ტობი ტენმა/ასტრო ბიჭი გახმოვანება
„არტური და მალთაზარის შურისძიება“ Arthur and the Revenge of Maltazard არტურ მონტგომერი
2010 „არტური და ორი სამყაროს ომი“ Arthur 3: The War of the Two Worlds არტურ მონტგომერი
„ოსტატი ჰაროლდი... და ბიჭები“ Master Harold...and the Boys ჰალი ბალარდი
„გახუხული პური“ Toast ნაიჯელ სლეიტერი
2011 „საშინაო დავალება“ The Art of Getting By ჯორჯ ზინავოი
2013 „ჯასტინი და სიმამაცის რაინდები“ Justin and the Knights of Valour ჯასტინი გახმოვანება
2016 „მოგზაურობა“ The Journey ჯეკი
„თითქმის მეგობრები“ Almost Friends ჩარლი ბრენერი
2020 „დრაკონის მხედარი“ Drachenreiter ბენი გახმოვანება/გადაღება
მალე „საცავი“ The Vault ტომ ლეიბრიკი წარმოების საბოლოო ფაზა

ტელესერიალები[რედაქტირება | წყაროს რედაქტირება]

წელი ქართული სახელწოდება მშობლიური სახელწოდება როლი შენიშვნა
2000 Happy Birthday Shakespeare სტივენ გრინი სატელევიზიო ფილმი
2001 „ავალონის ნისლები“ The Mists of Avalon მცირეწლოვანი ართური 2 ეპიზოდი
„ნამდვილი ამბავი“ Jack and the Beanstalk: The Real Story ბავშვი სათამაშო მოედანზე 2 ეპიზოდი
2002 I Saw You ოსკარ ბინგლი სატელევიზიო ფილმი
2010 „გახუხული პური“ Toast ნაიჯელ სლეიტერი სატელევიზიო ფილმი
2013–2017 „ბეიტსის მოტელი“ Bates Motel ნორმან ბეიტსი მთავარი როლი, სცენარის ავტორი, რეჟისორი
2016 „მტერთან ახლოს“ Close to the Enemy ვიქტორ ფერგიუსონი 7 ეპიზოდი
2017 „ტურ დე ფრანსი“ Tour de Pharmacy ადრიან ბატონი სატელევიზიო ფილმი
2017–დღემდე „კარგი ექიმი“ The Good Doctor ექიმი შონ მერფი მთავარი როლი, პროდიუსერი, სცენარის ავტორი, რეჟისორი
2020 The Disney Family Singalong საკუთარი თავი სატელევიზიო პროგრამა
2021 „ლეონარდო“ Leonardo სტეფანო ჯირალდი წარმოების საბოლოო ფაზა

ვიდეო თამაშები[რედაქტირება | წყაროს რედაქტირება]

წელი სახელწოდება როლი
2005 „Charlie and the Chocolate Factory“ ჩარლი ბაკეტი
2007 „Arthur and the Invisibles“ არტურ მონტგომერი
„The Golden Compass“ პანტალაიმონი
2008 „The Spiderwick Chronicles“ ჯარედ და საიმონ გრეისები
2009 „Astro Boy: The Video Game“ ტობი ტენმა/ასტრო ბიჭი

მუსიკალური ვიდეოები[რედაქტირება | წყაროს რედაქტირება]

წელი სიმღერის სახელწოდება შემსრულებელი
2004 „Girls“ The Prodigy
2015 „You're My Waterloo“ The Libertines

ჯილდოები და ნომინაციები[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ინგლისისა და უელსის დაბადების, ქორწინებისა და გარდაცვალების სია, 1984–2004 წწ.; დაბადების სახელი რეგისტრირებულია, როგორც „Alfred Thomas Highmore“.
  2. აუსიელო, მაიკლ. (11 მაისი, 2017 წ.) ABC-იმ დაუკვეთა კარგი ექიმი, რომელშიც „ბეიტსის მოტელის“ მსახიობი, ფრედი ჰაიმორი მონაწილეობს. TVLine. ციტირების თარიღი: 19 სექტემბერი, 2017 წ.
  3. 3.0 3.1 3.2 3.3 3.4 ფრედი ჰაიმორი - ბიოგრაფია. ციტირების თარიღი: 14 აპრილი, 2013 წ.
  4. სალისბერი, მარკ. ფრედი ჰაიმორი გულწრფელობას ინარჩუნებს მუსიკით გაჯერებულ „ოგუსტ რაშში“. ციტირების თარიღი: 9 ოქტომბერი, 2017 წ.
  5. მსახიობმა ჰაიმორმა ორმაგი სტიპენდია მოიპოვა (3 ივლისი, 2014 წ.). ციტირების თარიღი: 16 ივნისი, 2015 წ.
  6. ფრედი ჰაიმორის ქრონიკები (17 თებერვალი, 2008 წ.). ციტირების თარიღი: 23 ოქტომბერი, 2017 წ..
  7. ფრედი ჰაიმორის როლი „ჩარლი და შოკოლადის ქარხანაში“ (23 მაისი, 2004 წ.). ციტირების თარიღი: 14 აპრილი, 2013 წ.
  8. ფილმები: „არტური და მალთაზარის შურისძიების“ დეტალები.
  9. ფილმები: „არტური და ორი სამყაროს ომის“ დეტალები.
  10. ფრედი ჰაიმორი საუბრობს „ოგუსტ რაშის“ შესახებ YouTube-ზე
  11. ჰაიმორი უერთდება „სპაიდერვიკის ქრონიკებს“ (24 ივლისი, 2006 წ.).
  12. ფრედი ჰაიმორი Imagi Studios-ის „ასტრო ბიჭს“ უერთდება. ციტირების თარიღი: 28 თებერვალი, 2008 წ.
  13. ფრედი ჰაიმორი და კრისტენ ბელი უერთდებიან „ასტრო ბიჭი: ვიდეო თამაშს“ (5 ივლისი, 2009 წ.). ციტირების თარიღი: 17 ივნისი, 2013 წ.
  14. „BBC One-ის ახალი დრამა, ჰელენა ბონემ კარტერი და ფრედი ჰაიმორი მონაწილეობას იღებენ „გახუხულ პურში““. BBC News. 21 მაისი, 2010 წ. შეამოწმეთ თარიღის პარამეტრი |date=-ში (დახმარება)
  15. კოქსი, გორდონ. (21 აპრილი, 2010 წ.) რობერტსსა და ჰაიმორს „საშინაო დავალება“ დაუნიშნეს. ციტირების თარიღი: 24 აპრილი, 2010 წ.
  16. გოლდბერგი, ლესლი. (14 სექტემები, 2012 წ.) A&E-ის „ფსიქოს“ პრიკველი, „ბეიტსის მოტელი“ ახალგაზრდა ნორმანს პოულობს.
  17. ხალხის არჩევანის 2017 წლის გამარჯვებულთა სია (18 იანვარი, 2017 წ.).
  18. მაკეიბი, ჯოზეფ. (28 ივნისი, 2014 წ.) „გრავიტაცია“, „მოსიარულე მკვდრები“ და „მძიმე დანაშაული“ იგებენ სატურნის მე-40 ყოველწლიურ ჯილდოს. ციტირების თარიღი: 4 თებერვალი, 2015 წ.
  19. პონდი, სტივ. (2 დეკემბერი, 2013 წ.) “მონობის 12 წელი“ სატელიტის ჯილდოს ნომინაციების პირველ ადგილს იკავებს. ციტირების თარიღი: 4 თებერვალი, 2015 წ.
  20. სენდბერგი, ბრინ ელისი. (19 ივნისი, 2014 წ.) 2014 წლის კრიტიკოსთა არჩევანის დაჯილდოება: გამარჯვებულთა სრული სია. ციტირების თარიღი: 4 თებერვალი, 2015 წ.
  21. პედერსენი, ერიკი. (6 მაისი, 2015 წ.) კრიტიკოსთა არჩევანის დაჯილდოება: „სამართლიანობა“, „ოლივია კიტერეჯი“, HBO ლიდერობს. ციტირების თარიღი: 6 მაისი, 2015 წ.
  22. კილდეი, გრეგი. (6 დეკემბერი, 2017 წ.) კრიტიკოსთა არჩევანის დაჯილდოება: „წყლის ფორმა“ 14 ნომინაციით ლიდერობს. ციტირების თარიღი: 6 დეკემბერი, 2017 წ.
  23. საკლაო, კრისტიანი. (4 აპრილი, 2016 წ.) „ბეიტსის მოტელის“ ვარსკვლავი, ფრედი ჰაიმორი A&E-ის „ფსიქოს“ პრიკველის მეოთხე სეზონის მერვე ეპიზოდის სცენარის წერაზე საუბრობს. ციტირების თარიღი: 4 მაისი, 2016 წ.
  24. ბეტლერი, ელენა. (23 ივლისი, 2016 წ.) „ბეიტსის მოტელი“: 8 ფაქტი მეხუთე სეზონის შესახებ, რიანას როლი და კიდევ მეტი.
  25. გოლდბერგი, ლესლი. (22 აგვისტო, 2014 წ.) ფრედი ჰაიმორმა და კერი ერინმა („ბეიტსის მოტელიდან“) NBC-ს კომედიური სცენარი მიჰყიდეს.
  26. მონრო, ჯაზ. (2 დეკემბერი, 2015 წ,) ლიბერტინების ახალი რომანტიკულ მუსიკალურ კლიპში „You're My Waterloo“ მონაწილეობს ფრედი ჰაიმორი.
  27. BBC Two-მ დააანონსა სტივენ პოლიაკოფის ახალი დრამა და მასში მონაწილე მსახიობები. BBC News (30 მარტი, 2015 წ.).
  28. მაკნერი, დეივ. (10 სექტემბერი, 2015 წ.) Toronto: ჯონ ჰარტი, ტობი სტივენსი და ფრედი ჰაიმორი უერთდებიან „მოგზაურობას“.
  29. გოლდბერგი, ლესლი. (24 თებერვალი, 2017 წ.) „ბეიტსის მოტელის“ ვარსკვლავი, ფრედი ჰაიმორი დევიდ შორის დრამაში.
  30. ფრედი ჰაიმორი მკვლელი „ბეიტსიდან“ სიცოცხლის გადამრჩენელ „კარგ ექიმად“ გარდაისახა (6 აგვისტო, 2017 წ.). ციტირების თარიღი: 9 აგვისტო, 2017 წ.
  31. ოქროს გლობუსი: „წყლის ფორმა“ და „დიდი პატარა ტყუილები“, როგორც მთავარი ნომინანტები (11 დეკემბერი, 2017 წ.). ციტირების თარიღი: 11 დეკემბერი, 2017 წ.
  32. კემპი, სტიუარტი. (9 მაისი, 2014 წ.) Cannes: ფრედი ჰაიმორი ოსკარ უაილდის „კანტერვილის მოჩვენების“ ანიმაციას ახმოვანებს.
  33. ბირნბაუმი, დებრა. (16 დეკემბერი, 2016 წ.) ფრედი ჰაიმორმა და კერი ერინმა („ბეიტსის მოტელიდან“) დრამის საპილოტე სცენარი A&E-ს მიჰყიდეს (ექსკლუზივი). ციტირების თარიღი: 16 დეკემბერი, 2016 წ.
  34. ანდრეევა, ნელი. (15 მარტი, 2017 წ.) NBC-იმ იყიდა ფრედი ჰაიმორის, კერი ერინის („ბეიტსის მოტელიდან“) და პროდიუსერ დანიელ გელბერის დრამა. ციტირების თარიღი: 28 სექტემბერი, 2017 წ.
  35. რუბი, ჯენიფერ. (3 მაისი, 2017 წ.) ფრედი ჰაიმორი: „ცხოვრებაში არსებული ბალანსი ლონდონში ცხოვრებამ და სოციალური მედიიდან თავის შორს დაჭერამ შემინარჩუნა.“. ციტირების თარიღი: 12 ივნისი, 2017 წ.
  36. ლაური ნეფი. (26 თებერვალი, 2014 წ.) ვერა ფარმიგა ამბობს, რომ „ბეიტსის მოტელის“ დრამა მხოლოდ ეკრანზეა. Associated Press. ციტირების თარიღი: 4 სექტემბერი, 2020 წ..