მედეა ჩახავა

მასალა ვიკიპედიიდან — თავისუფალი ენციკლოპედია
Jump to navigation Jump to search
მედეა ჩახავა
დაბ. სახელი მედეა ჩახავა
დაბ. თარიღი 15 მაისი, 1921
სერგიეთი, მარტვილის მუნიციპალიტეტი
გარდ. თარიღი 7 სექტემბერი, 2009 (88 წლის)
თბილისი, საქართველო
საქმიანობა მსახიობი

მედეა ვასილის ასული ჩახავა (დ. 15 მაისი, 1921, სერგიეთი, ახლანდელი მარტვილის მუნიციპალიტეტი — გ. 7 სექტემბერი, 2009, თბილისი)[1]ქართველი მსახიობი. საქართველოს სახალხო არტისტი (1960).

ბიოგრაფია[რედაქტირება | წყაროს რედაქტირება]

1943 წელს დაამთავრა რუსთაველის სახელმწიფო თეტრალური ინსტიტუტი და იმავე წელს ჩაირიცხა რუსთაველის თეატრის დასში. ლირიკულ-კომედიური მსახიობი. ჩახავას შემოქმედებისათვის დამახასიათებელია ღრმა ფსიქოლოგიზმი, სცენური მოხდენილობა, ნატიფი გემოვნება, ღრმა განცდა, გრძნობათა სიმართლე და უშუალობა. ჩახავა მაღალი ოსტატობით ქმნიდა ერთმანეთისაგან სრულად განსხვავებულ სახეებს. აღსანიშნავია ჯენევრა (ჯ. გოუსა და ა. დიუსოს „ღრმა ფესვები“), ნადია (გორკის „მტრები“), გაიანე (ი. მოსაშვილის „ჩაძირული ქვები“, სსრკ სახელმწიფო პრემია, 1951), ლიდა პლახა (ი. ფუჩიკის „ადამიანებო, იყავით ფხიზლად!“), ამარანტა (ჯ. ფლეჩერის „ესპანელი მღვდელი“), ფეფელა (გ. სუნდუკიანის „პეპო“), ოფელია, მარგარიტა (შექსპირის „ჰამლეტი“, „რიჩარდ III“), მარია (გარსია ლორკას „ბერნარდა ალბას სახლი“) და სხვა. გადაღებულია ფილმებში: „ჭრიჭინა“ (ცქრიალა), „ბაში-აჩუკი“ (მელანო), „მანანა“ (მეეზოვე), „ნინო“ (ნინო), „გლახის ნაამბობი“ (თამრო), „მხიარული რომანი“ (სოფიო) და სხვ.

მედეა ჩახავას მინიჭებული ჰქონდა სახალხო არტისტის წოდება, საპატიო ნიშნის ორდენი და ორი მედალი; 2006 წელს კი რუსთველის თეატრის წინ მისი სახელობის ვარსკვლავი გაიხსნა.

ფილმოგრაფია[რედაქტირება | წყაროს რედაქტირება]

წელი ფილმი როლი
1949 ბედნიერი შეხვედრა ჟუჟუნა
1954 ჭრიჭინა ცქრიალა
1956 ბაში-აჩუკი მელანო
1958 Andzamb tchanachum em (სომხეთი) მედეა
1958 მანანა მეეზოვე ქალი
1959 დღე უკანასკნელი, დღე პირველი მეფოლადის ცოლი
1959 ნინო ნინო
1961 გლახის ნაამბობი თამრო
1962 თხუნელა ქეთო
1967 ალოობა მაგდა
1972 მხიარული რომანი სოფიო
1984 აქედანა და შენამდე
1992 ოქროს ობობა ნატალია
1992 ანას დაბადების დღე
1996 რა გაცინებს?
2005 უსუი

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ტელეკომპანია რუსთავი-2-ის საიტი