ეჩმიაძინი (თბილისი)

ეჩმიაძინი Էջմիածին
ძირითადი ინფორმაცია
გეოგრაფიული კოორდინატები	41°41′33″ ჩ. გ. 44°48′50″ ა. გ.
რელიგიური წევრობა	სომხური სამოციქულო ეკლესია
ქვეყანა	საქართველო
ფუნქციური სტატუსი	მოქმედი
ხუროთმოძღვრების აღწერა
თარიღდება	1806-1808
ეჩმიაძინი ვიკისაწყობში

ეჩმიაძინი ან წმინდა სარქისის ეკლესია, სურფსარქისი (სომხ. Էջմիածին Եկեղեցի) — სომხური ეკლესია თბილისში, ავლაბარში, ქეთევან წამებულის მოედნის დასავლეთით. 1806-1808 წლებში ისანში დასახლებულმა, ეჩმიაძინიდან ლტოლვილმა სომხებმა აქ პატარა დარბაზული ეკლესია ააშენეს. 1846 წელს ის გაფართოვდა და „ჩახაზული ჯვრის“ ტიპის ეკლესიად გადაკეთდა.

შენობა აგურისაა. ის ძირითადად იმეორებს შუა საუკუნეების ქართული და სომხური ეკლესიების სტრუქტურას, თუმცა ფასადთა გაფორმებაში და ინტერიერის ცალკეული ფორმების დამუშავებაში ჩანს კლასიციზმის გავლენაც. ოთხი მრგვალი გუმბათქვეშა ბურჯი კანელიურებით არის დაღარული. შიგნით შენობა მთლიანად შელესილია. გუმბათის ნახევარსფეროსა და აფრების მოხატულობა შესრულებულია XIX ს-ის II ნახევარში.

ეკლესიის აღმოსავლეთ სკვერში დგას ქვაჯვარი, რომელიც სომეხმა ერმა მიუძღვნა 1989 წლის 9 აპრილს დაღუპულთა ხსოვნას.

ლიტერატურა

• "საქართველოს ძველი ქალაქები: თბილისი", 2006 წ. მეორე გამოცემა. ISBN 99940-0-923-0

რესურსები ინტერნეტში

•  კულტურული მემკვიდრეობის პორტალი, № 3362