დიდი ჩაილური

სოფელი
დიდი ჩაილური
ქვეყანა	საქართველო
რეგიონი	კახეთის მხარეკახეთის მხარე
მუნიციპალიტეტი	საგარეჯოს მუნიციპალიტეტი
თემი	დიდი ჩაილური
კოორდინატები	41°42′48″ ჩ. გ. 45°30′12″ ა. გ.
ცენტრის სიმაღლე	700 მეტრი
ოფიციალური ენა	ქართული ენა
მოსახლეობა	850 (2014)
ეროვნული შემადგენლობა	ქართველები 99,2 %
სასაათო სარტყელი	UTC+04:00
დიდი ჩაილური ვიკისაწყობში

დიდი ჩაილური — სოფელი საქართველოში, საგარეჯოს მუნიციპალიტეტში, მდებარეობს ივრის ზეგანზე მდინარე ჩაილურის ნაპირას. ზღვის დონიდან 700 მეტრი, საგარეჯოდან 15 კილომეტრი.

ისტორია

სოფელი პირველად 1724 წლის წყალობის წიგნშია მოხსენიებული. სოფელს ადრე მაღლა ჩაილური ერქვა. შუა საუკუნეებში ჩაილურზე გადიოდა გზა, რომლითაც ქალაქი ჭერემი გარეკახეთს უკავშირდებოდა. გვიან შუა საუკუნეებში დიდი და პატარა ჩაილური ჩერქეზიშვილების მფლობელობაში იყო.

სოფელს დიდ ზიანს აყენებდა ლეკიანობა. სავარაუდოდ ლეკიანობის პერიოდში უნდა იყოს გაჩენილი გამოთქმა „ჩაილურის წყალი დალიაო“. ითვლებოდა, რომ თუ გამტაცებლები მდინარე ჩაილურის მეორე ნაპირზე გადასვლას მოასწრებდნენ, მათ დევნას აზრი აღარ ჰქონდა და მდევრებიც სწორედ ამ სიტყვებს ამბობდნენ დანანებით.

დემოგრაფია

2014 წლის აღწერის მონაცემებით სოფელში ცხოვრობს 850 ადამიანი.

აღწერის წელი	მოსახლეობა	კაცი	ქალი
2002	1014	487	527
2014	850	431	419

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 540.

• აფრასიძე გ., საქართველოს ისტორიისა და კულტურის ძეგლთა აღწერილობა, ტ. 1-III, თბ., 2019. — გვ. 100.