Let It Be

Let it be
Let it be
გამოცემის თარიღი	8 მაისი 1970
ფორმატი	ვინილის ფირფიტა, კომპაქტ-დისკი, აუდიოკასეტა, ციფრული
ჩაწერის თარიღი	თებერვალი 1968, იანვარი-თებერვალი 1969, იანვარი, მარტი-აპრილი 1970, EMI/Apple-ის სტუდიები, ტვიკენჰემის კინოსტუდია, ლონდონი
ჟანრი	როკ მუსიკა
ხანგრძლივობა	35:16
ენა	ინგლისური
ლეიბლი	Apple, EMI
ნომერი კატალოგში	PCS7096
პროდიუსერი	ჯორჯ მარტინი, ფილ სპექტორი
ტექსტის ავტორი(ები)	ლენონი/მაკ-კარტნი/ჰარისონი
ბითლზის სტუდიური ალბომები
Abbey Road (1969)	Let It Be (1970)
სინგლები ალბომიდან Let it be
The Long and Winding Road გამოვიდა: 11 მაისი, 1970

პროფესიონალური შეფასებები
ქულები
წყარო	რეიტინგი
Allmusic
რობერტ კრისტგოუ	A−
Pitchfork Media	(9.1/10)
Q
Rolling Stone	(სხვადასხვა)
Consequence of Sound
Sputnikmusic

Let It Be — ჯგუფ ბითლზის უკანასკნელი სტუდიური ალბომი, რომელიც გამოვიდა 1970 წლის 8 მაისს, ლეიბლზე Apple Records. ეს ალბომი გამოიცა ჯგუფის დაშლის შემდეგ. ქრონოლოგიურად ეს არ იყო უკანასკნელი ჩაწერილი ალბომი, რადგანაც მისი ჩაწერის შემდეგ ჩაიწერა Abbey Road.

იდეა

1968 წელს, როდესაც ბითლზი მანამდე უკვე 2 წლის მანძილზე არ მოგზაურობდა კონცერტებით, პოლ მაკ-კარტნიმ შემოიტანა საკონცერტო გამოსვლების აღდგენის ინიციატივა. წინა წელს, ალბომის The Beatles ჩაწერის დროს სტუდიაში უამრავ გაუგებრობას ჰქონდა ადგილი და ჯგუფში დაძაბულობამ იმატა. მაკ-კარტნი თვლიდა, რომ წლების მანძილზე ჯგუფმა საკუთარი თავი დაკარგა, ვინაიდან არ ჰქონია კონცერტები, ხოლო ჩანაწერები სულ უფრო რთულდებოდა არანჟირების მხრივ. პოლის აზრით, ურთიერთობების გამოსწორება და ჯგუფში ენთუზიაზმის დაბრუნება შესაძლებელი იყო, თუ ცოცხალი გამოსვლების ტრადიცია აღდგებოდა. მას სურდა მუშაობა ახალ ალბომზე, რომელიც ჩაიწერებოდა ყოველგვარი დამატებითი არანჟირებების ან ეფექტების გარეშე. ამით ოთხეული დაუბრუნდებოდა თავის საძირკველს.

მაკ-კარტნის მოწვევით, სტუდიაში გამოჩნდა პროდიუსერი/ინჟინერი გლინ ჯონსი. თუმცა, მისი მოვალეობა ოდნავ გაურკვეველი იყო, მაკ-კარტნის სურდა სტუდიაში ჯორჯ მარტინის დატოვებაც. შედეგად, არც ჯონსმა იცოდა, იმუშავებდა თუ არა ახალ ალბომზე პროდიუსერის სახით და არც მარტინმა იცოდა თავისი მოვალეობების შესახებ.

ბითლზის დანარჩენი წევრები მაკ-კარტნის ინიციატივას ნაკლები ენთუზიაზმით შეხვდნენ. წინა ალბომზე მუშაობა პრაქტიკულად, რამდენიმე თვის წინ დასრულდა და ცოცხალი გამოსვლების შესახებ მათი პოზიცია სკეპტიკური იყო. ჰარისონს საერთოდ არ სურდა საკონცერტო ტურის გამართვა, ვინაიდან ჯერ კიდევ ახსოვდა ბითლომანიის პერიოდის შეშლილი კონცერტები. მიუხედავად ამისა, იგი სიამოვნებით გამოდიოდა კონცერტებზე სხვა მუსიკოსებთან, რომელთა შორის ბობ დილანიც იყო. შესაძლოა, სწორედ ამან იქონია გავლენა მასში საკონცერტო გამოსვლებისადმი ინტერესის კვლავ გაღვივებაზე. იგი მოხდა ლენონის შემთხვევაში - ის გამოვიდა როლინგ სტოუნზის ორგანიზებულ როკ’ენ’როლის ცირკის წარმოდგენაზე. ასე თუ ისე, ბითლზის ოთხივე მუსიკოსი შეთანხმდა, რომ საცდელად, ახალი წლის პირველ დღეებში სტუდიაში მოიყრიდნენ თავს და დაიწყებდნენ რეპეტიციებს, თუმცა კონკრეტული მუსიკალური იდეები არ ჰქონიათ.

სიმღერების სია

ცოცხალ შესრულებაში იგულისხმება ყოველგვარი სტუდიური დუბლებისა და ხმის მონტაჟის გარეშე ჩაწერილი სიმღერები.

ყველა სიმღერის ავტორი — ლენონი/მაკ-კარტნი, გარდა მითითებულისა. 

მხარე 1
#	სახელწოდება	ხანგრძლივობა
1.	Two of Us	3:33
2.	Dig a Pony	3:52
3.	Across the Universe	3:47
4.	I Me Mine (ჰარისონი)	2:25
5.	Dig It (ლენონი/მაკ-კარტნი/ჰარისონი/სტარი)	0:49
6.	Let It Be	4:01
7.	Maggie Mae (ხალხური, არანჟირება - ლენონი/მაკ-კარტნი/ჰარისონი/სტარი)	0:41

მხარე 2
#	სახელწოდება	ხანგრძლივობა
1.	I've Got a Feeling	3:37
2.	One After 909	2:52
3.	The Long and Winding Road	3:37
4.	For You Blue (ჰარისონი)	2:32
5.	Get Back	3:07

რესურსები ინტერნეტში

• ინფორმაცია საიტზე Discogs

წინამორბედი: Bridge Over Troubled Water - Simon & Garfunkel

#1 ალბომები (ბრიტანეთი) 23 მაისი - 13 ივნისი 1970

შემდეგი: Bridge Over Troubled Water - Simon & Garfunkel