ყვითელი წყალქვეშა ნავი

„ყვითელი წყალქვეშა ნავი“
ჟანრი	მუსიკალური
ფილმის ტიპი	ნახატი ფილმი
რეჟისორი	ჯორჯ დანინგი; დენის ები
პროდიუსერი	ელ ბროდექსი
კომპოზიტორი	The Beatles; ჯორჯ მარტინი
მონტაჟი	ბრაიან ჯ. ბიშოპი
სტუდია	Apple Corps; King Features Syndicate
დისტრიბუტორი	United Artists
პრემიერა	6 ივნისი, 1968
ხანგრძლივობა	90 წთ.
ქვეყანა	ბრიტანეთი
ენა	ინგლისური
ბიუჯეტი	250,000 გირვანქა სტერლინგი
საიტი	ოფიციალური საიტი;

ყვითელი წყალქვეშა ნავი (ინგლ. Yellow Submarine) — ჯორჯ დანინგის 1968 წლის ანიმაციური ფილმი The Beatles-ის შესახებ. ფილმი იქცა თავისი დროის კარგ დოკუმენტად - მისი გამოსვლა დაემთხვა ჰიპების კულტურის პოპულარობას.

სიუჟეტის მიხედვით, პეპერლენდის ქვეყანაში დიდი ამბოხია - ლურჯი არსებები იპყრობენ ამ მუსიკალურ ქვეყანას და ამყარებენ საკუთარ დიქტატურას. სერჟანტი პეპერი ჯდება ყვითელ წყალქვეშა ნავში და მიემართება ლივერპულში, რათა მოძებნოს The Beatles-ის წევრები და სთხოვოს მუსიკის დაბრუნებაში დახმარება.

მიუხედავად იმისა, რომ ფილმი მთლიანად ნახატია, ჯგუფის წევრები ჩნდებიან მის დასასრულს. თავად ლენონი, მაკ-კარტნი, ჰარისონი და სტარი არ ახმოვანებდნენ საკუთარ პერსონაჟებს - ეს საქმე სხვა მსახიობებმა გააკეთეს.