კათრინ ჰეპბერნი

ქეთრინ ჰეპბერნი

ქეთრინ ჰეპბერნი (ინგლ. Katharine Hepburn, 12 მაისი, 1907 – 29 ივნისი, 2003) — ამერიკელი მსახიობი, ამერიკის კინოს ვარსკვლავი, ამერიკის კინოაკადემიის "ოსკარის" ოთხგზის ლაურეატი, რაც რეკორდულია კინოს ისტორიაში.

ეკრანის ლეგენდა სულ თორმეტჯერ იყო წამოყენებული ოსკარის ნომინაციაზე (მერილ სტრიპს ამჟამად რეკორდული რიცხვი აქვს 14 ნომინაციით). 1975 წელს მიღებული აქვს ემის ჯილდო წამყვანი როლისთვის ფილმში "სიყვარული ნანგრევებში", სადაც ლორენს ოლივიერთან თამაშობდა. ასევე წამოყენებული იყო ოთხი სხვა ემისა და ორი ტონის პრემიის ნომინაციით მისი 70-წლიანი სამსახიობო კარიერის განმავლობაში. 1999 წელს ამერიკის კინოს ინსტიტუტმა იგი ისტორიაში უდიდეს მსახიობ ქალად აღიარა და პირველი ადგილი მიუჩინა ამერიკის უდიდეს ეკრანის ლეგენდათა სიაში.