„Lemon“ — ირლანდიური როკ-ჯგუფ U2-ს სიმღერა და სინგლი ალბომიდან Zooropa, რომელიც გამოვიდა 1993 წელს. სიმღერაზე გავლენა იქონია ბონოს გარდაცვლილი დედის ვიდეოკადრებმა. ტექსტში აღწერილია კინოქრონიკის დახმარებით მოგონებათა აღდგენის მცდელობა. უფრო მეტად, ვიდრე ჯგუფის რომელიმე სხვა სიმღერაში, „Lemon“-ში ჟღერს ბონოს ფალცეტი, რასაც ემატება The Edge-ისა და ბრაიან ინოუს ატმოსფერული ვოკალები. სიმღერას თვლიან გერმანიის ფუტურისტული დისკოს ჟანრის კომპოზიციად.[1] ალბომის ვერსია წარმოადგენს ჯგუფის ერთ-ერთ ყველაზე ხანგრძლივ კომპოზიციას.
