Rattle and Hum

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Rattle and Hum
სტუდიური ალბომი - U2
გამოცემის თარიღი 10 ოქტომბერი, 1988
ჩაიწერა 1987–1988
სტუდია
ჟანრი როკ-მუსიკა, რუტს-როკი
ხანგრძლივობა 72:27
ლეიბლი Island
პროდიუსერი ჯიმი აიოვინი
U2 - ქრონოლოგია
The Joshua Tree
(1987)
Rattle and Hum
(1988)
Achtung Baby
(1991)
სინგლები ალბომიდან Rattle and Hum
  1. Desire
    გამოვიდა: სექტემბერი 1988
  2. Angel of Harlem
    გამოვიდა: დეკემბერი 1988
  3. When Love Comes to Town
    გამოვიდა: აპრილი 1989
  4. All I Want Is You
    გამოვიდა: ივნისი 1989

Rattle and Humირლანდიური როკ-ჯგუფ U2-ს მეექვსე სტუდიური (საკონცერტო ჩანაწერებთან ერთად) ალბომი და ამავე სახელწოდების ფილმი. როგორც ალბომი, ასევე ფილმი 1988 წელს გამოვიდა. მათში შეტანილია ჯგუფის ცოცხალი ჩანაწერები, ქავერ-ვერსიები და ახალი სიმღერები. წინა ალბომის The Joshua Tree მიერ დამკვიდრებული ტრადიციით, Rattle and Hum როგორც ამერიკული ტრადიციული მუსიკის, ასევე ბლუზ-როკის, ფოლკ-როკის და გოსპელური მუსიკის ელემენტებს შეიცავს. ფილმი ძირითადად აშშ-შია გადაღებული, The Joshua Tree Tour-ის პერიოდში და ასახავს ჯგუფის ამერიკულ მუსიკასთან ექსპერიმენტებს.

მიუხედავად იმისა, რომ Rattle and Hum მიზნად ისახავდა ჯგუფის მიერ როკ-ლეგენდებისადმი პატივისცემას, ზოგიერთი კრიტიკოსი თვლიდა, რომ ჯგუფმა საკუთარი თავი მათ შორის დააყენა. კრიტიკოსთა შეფასებები შერეული იყო, მაგრამ ალბომს წილად კომერციული წარმატება ხვდა. იგი რამდენიმე ქვეყნის ჩარტის პირველ პოზიციაზე მოხვდა და გაიყიდა 14 მილიონი ასლის ოდენობით.[1]

ისტორია[რედაქტირება | წყაროს რედაქტირება]

"ძალიან მომწონდა უფრო ფართო მასშტაბების იდეა, რამდენად გამოვიდოდა ეს. ყოველთვის პატივს ვცემდი ტომ პარკერს და ბრაიან ეპსტაინს იმისთვის, რომ იცოდნენ, თუ როგორ შეეძლო მუსიკას მთელი სამყაროს წარმოსახვის გადმოცემა"
— U2-ს მენეჯერი პოლ მაკგინესი, ფილმის შექმნის მოტივაციის განმარტება.[2]

ჰარტფორდში, 1987 წლის ტურნეს The Joshua Tree Tour ყოფნისას U2 შეხვდა რეჟისორ ფილ ჟოანუს, რომელმაც მათ მოულოდნელად შესთავაზა ტურნეს შესახებ ფილმის გადაღება. ჟოანუს შემოთავაზებით, ჯგუფს უნდა ემუშავა მარტინ სკორსეზესთან, ჯონათან დემთან ან ჯორჯ მილერთან. მოგვიანებით იგი ოთხეულს დუბლინში შეხვდა. კიდევ ერთხელ ჟოანუმ და U2-მ ისაუბრეს საფრანგეთში, სექტემბერში და ჯგუფმა მას საბოლოოდ სთხოვა, თავად ემუშავა ფილმზე, როგორც რეჟისორს. თავდაპირველად ფილმის სახელწოდება უნდა ყოფილიყო U2 in the Americas. ჯგუფი აპირებდა მის ჩიკაგოში და ბუენოს-აირესში გადაღებას.[3] გადაწყდა, რომ ჩიკაგოს დარბაზი ამისთვის არ გამოდგებოდა, ამიტომ სანაცვლოდ დენვერის მაკნიკოლზის სპორტული არენა აირჩიეს. Live at Red Rocks: Under a Blood Red Sky-ს შემდეგ (იგი ოთხი წლით ადრე გადაიღეს), ჯგუფი იმედოვნებდა, რომ წარმატება განმეორდებოდა.[4] წარმოების პრობლემების და 1.2 მილიონი აშშ დოლარის ხარჯის გამო ჯგუფმა სამხრეთ ამერიკაში დეკემბერში დაგეგმილი კონცერტები გააუქმა. პრომოუტერ ბარი ფეის შემოთავაზებით, აირჩიეს არიზონაში მდებარე სან დევილის სტადიონი.[4]

თავად ფილმი "როკუმენტური" ჟანრის არის და დაფინანსებულია ჯგუფის მიერ. დაგეგმილი იყო მისი მცირე რაოდენობის კინოთეატრებში, დამოუკიდებელი ნამუშევრის სახით ჩვენება. ბიუჯეტის გადაჭარბების შემდეგ ფილმი შეიძინა Paramount Pictures-მა და 1988 წელს კინოთეატრებში გამოუშვა. 1989 წელს იგი ვიდეო კასეტებზე გამოიცა. ფილმის პროდიუსერი მაიკლ ჰემლინია. პოლ ვასერმანი პრომოუშენის დროს პრესასთან ურთიერთობდა, ჟურნალისტის სახით.[5] ფილმი შეიცავს როგორც სტუდიურ, ასევე საკონცერტო კადრებს და ჯგუფის ინტერვიუს ნაწყვეტებს. ალბომი შეიცავს ცოცხალ მასალას და ახალ სტუდიურ ჩანაწერებს, რომლებიც ჯგუფის ამერიკულ მუსიკასთან ექსპერიმენტებს განავრცობენ. ჩანაწერის პროდიუსერი ჯიმი აიოვინია.

სახელწოდება Rattle and Hum აღებულია The Joshua Tree-ს მეოთხე სიმღერის "Bullet the Blue Sky" ტექსტიდან. სურათი, გამოყენებული ალბომის გარეკანზე და ფილმის პოსტერზე, ასახავს ბონოს, რომელსაც The Edge-სკენ მომართული პროჟექტორი უკავია. ეს არის მომენტი "Bullet the Blue Sky"-ს შესრულებიდან, დაფიქსირებული როგორც ფილმში, ასევე ალბომში, მაგრამ სპეციალურად გადაღებული სტუდიაში, ანტონ კორბეინის მიერ.[6] გრამფირფიტის რამდენიმე ასლზე პირველ მხარეზე ამოტვიფრულია "We Love You A.L.K." (იგულისხმება ჯგუფის ერთ-ერთი მენეჯერი ენ ლუიზ კელი, რომელიც მოგვიანებით Pop-ში დამალული გზავნილების ობიექტიც იყო.

სიმღერების სია[რედაქტირება | წყაროს რედაქტირება]

# სახელწოდება სიმღერის ავტორ(ებ)ი შემსრულებელი ხანგრძლივობა
1. Helter Skelter (ცოცხალი) ლენონი/მაკკარტნი U2 3:07
2. Van Diemen's Land   ეჯი U2 3:05
3. Desire   U2 U2 2:59
4. Hawkmoon 269   U2 U2 6:22
5. All Along the Watchtower (ცოცხალი) ბობ დილანი U2 4:24
6. I Still Haven't Found What I'm Looking
For
(ცოცხალი)
U2 U2 5:53
7. Freedom for My People   ადამ გუსო, სტერლინგ მეჯი გუსო, მეჯი 0:38
8. Silver and Gold (ცოცხალი) ბონო U2 5:49
9. Pride (In the Name of Love) (ცოცხალი) U2 U2 4:27
10. Angel of Harlem   U2 U2 3:49
11. Love Rescue Me   U2 U2 და ბობ დილანი 6:24
12. When Love Comes to Town   U2 U2 და ბიბი კინგი 4:15
13. Heartland   U2 U2 5:03
14. God Part II   U2 U2 3:15
15. The Star Spangled Banner (ცოცხალი) ჯონ სტეფორდ სმითი ჯიმი ჰენდრიქსი 0:43
16. Bullet the Blue Sky (ცოცხალი) U2 U2 5:36
17. All I Want Is You   U2 U2 6:30
სრული ხანგრძლივობა:
72:27

ფილმი[რედაქტირება | წყაროს რედაქტირება]

Rattle and Hum
რეჟისორი ფილ ჟოანუ
პროდიუსერი მაიკლ ჰემლინი
როლებში ბონო
The Edge
ადამ კლეიტონი
ლარი მალენი
კომპოზიტორი ბონო
The Edge
ადამ კლეიტონი
ლარი მალენი
ოპერატორი რობერტ ბრინკმენი, ჯორდან კრონენვეთი
მონტაჟი ფილ ჟოანუ
დისტრიბუტორი Paramount Pictures
გამოსვლის თარიღი 27 ოქტომბერი 1988 (ირლანდია)
4 ნოემბერი 1988 (აშშ)
ხანგრძლივობა 99 წთ
ქვეყანა აშშ
ენა ინგლისური
ბიუჯეტი 5,000,000 აშშ დოლარი
შემოსავალი 8,600,823 აშშ დოლარი

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Stokes (2005), p. 78
  2. McGee (2008), p. 105
  3. McGee (2008), pp. 105, 109
  4. 4.0 4.1 McGee (2008), p. 112
  5. U2: Rattle and Hum (1988) – Full cast and crew. Internet Movie Database. წაკითხვის თარიღი: 10 August 2011.
  6. Scrimgeour (2004), p. 273
წინამორბედი:
Flying Colours - კრის დე ბურგი
#1 ალბომები (ბრიტანეთი)
22-28 ოქტომბერი 1988
შემდეგი:
Money for Nothing - Dire Straits
მოძიებულია „https://ka.wikipedia.org/w/index.php?title=Rattle_and_Hum&oldid=3011119“-დან