ქვემო ხეჩილი

ქვემო ხეჩილი
სოფელი
	ქვემო ხეჩილი;
ქვეყანა	საქართველო
მხარე	კახეთის მხარე
მუნიციპალიტეტი	ლაგოდეხის მუნიციპალიტეტი
თემი	ფონა
კოორდინატები	41°51′47″ ჩ. გ. 46°07′32″ ა. გ. / 41.86306° ჩ. გ. 46.12556° ა. გ.
ცენტრის სიმაღლე	340 მ
მოსახლეობა	160 კაცი (2014)
ეროვნული შემადგენლობა	ოსები 40,0 %; ქართველები 31,3 %; აზერბაიჯანელები 28,1 %
სასაათო სარტყელი	UTC+4
სატელეფონო კოდი	+995

ქვემო ხეჩილი — სოფელი აღმოსავლეთ საქართველოში, ლაგოდეხის მუნიციპალიტეტის ფონის ადმინისტრაციული ერთეულში (კახეთის მხარე).

მდებარეობს ალაზნის ვაკეზე, მდინარე კაბალის (ალაზნის მარცხენა შენაკადი) მარჯვენა ნაპირზე, ზღვის დონიდან 340 მ-ზე, ლაგოდეხიდან 20 კმ-ში.

ისტორია

სოფელი ხეჩილი აღმოცენდა საიჯარო გარიგებათა საფუძველზე XX საუკუნის პირველ წლებში. მანამდე ტყით დაფარული ალაზანსგაღმა მდებარე ამ მიწის დიდი ნაწილი თავად ვაჩნაძეების მამული იყო. ძირითადი თავდაპირველი მოსახლეობა იყო ოსი მოახალშენეები (მ. შ. ვლადიკავკაზიდან).^[2] სოფლის სახელი მომდინარეობს კაბალის ხეობის ზემო ნაწილის ადგილობრივი სახელწოდებიდან (ქვემოთს ეწოდებოდა „ფონა“).^[3] მომდევნო წლებში აქ ჩამოყალიბდა 2 სოფელი — ზემო ხეჩილი და ქვემო ხეჩილი.

ქვემო ხეჩილის ჩრდილო-აღმოსავლეთით, მდ. კაბალის მარჯვენა ნაპირზე, სასაფლაოსთან ახლოს, გორაზე შემორჩენილია გვიანდელი შუა საუკუნეების ნამოსახლარის ნაშთები.^[4]