რუსეთის მეცნიერებათა აკადემია

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან სსრკ მეცნიერებათა აკადემია)
ნავიგაციაზე გადასვლა ძიებაზე გადასვლა
რმა-ს პრეზიდუმის ახალი შენობა ვორობიოვის მთებზე მოსკოვში

რუსეთის მეცნიერებათა აკადემია (რუს. Российская академия наук, РАН) — რუსეთის ფედერაციის უმაღლესი სამეცნიერო ორგანიზაცია, საბუნებისმეტყველო და საზოგადოებრივი მეცნიერებების დარგებში ფუნდამენტური კვლევების წამყვანი ცენტრი ქვეყანაში. დაარსდა როგორც პეტერბურგის მეცნიერებათა აკადემია 1724 წელს, იმპერატორ პეტრე I-ის გადაწყვეტილებით. დაარსებიდანვე ის იყო არაკომერციული სახელმწიფო დაწესებულება, განსხვავებით დასავლეთევროპული მოდელებისგან. 1747 წლიდან მეცნიერებათა და მხატვრობათა საიმპერატორო აკადემიად გადაკეთდა. დღევანდელი სახელი 1917 წელს მიიღო, ხოლო საბჭოთა ხანაში (1924-1991 წწ.) სსრკ მეცნიერებათა აკადემია ეწოდებოდა.

რუსული სახელმწიფო მეცნიერებათა აკადემიების სისტემის რეორგანიზაციის ფარგლებში 2013 წლის სექტემბერს რუსეთის მეცნიერებათა აკადემიას შეუერთეს ორი სხვა სახელმწიფო აკადემია — რუსეთის სამედიცინო მეცნიერებათა აკადემია და რუსეთის სოფლის სამეურნეო მეცნიერებათა აკადემია.[1] მათთან ერთად, რუსეთის მეცნიერებათა აკადემიას ჰყავს 1923 ცოცხალი რუსი წევრი (აპრილი 2021). მათ შორის 844 აკადემიკოსი, 1079 წევრი-კორესპონდენტი და ასევე 456 უცხოელი წევრი.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. რუსეთის ფედერაციის კანონი №253-ФЗ, 2013. დაარქივებულია ორიგინალიდან — 2014-11-07. ციტირების თარიღი: 2016-12-18.