პორტუგალიური ვიკიპედია

პორტუგალიური ვიკიპედია ; Wikipédia em português
მისამართი:	pt.wikipedia.org
კომერციული:	არა
საიტის ტიპი:	ქსელური ენციკლოპედია
რეგისტრაცია:	არა არის სავალდებულო
ენა:	პორტუგალიური
მფლობელი:	ფონდი ვიკიმედია
მუშაობის დაწყება:	2001 წლის ივნისი
სტატიების რაოდენობა:	1 123 262
გვერდების რაოდენობა:	5 685 509
რედაქტირებების რაოდენობა:	67 656 413
დარეგისტრირებული მომხმარებელი:	3 064 005
აქტიური მომხმარებელი:	8 439
ადმინისტრატორი:	51
სიღრმე:	196.3

პორტუგალიური ვიკიპედია (პორტ. Wikipédia em português ან Wikipédia lusófona) — ვიკიპედიის განყოფილება პორტუგალიურ ენაზე. შეიქმნა 2001 წლის ივნისში. 2004 წლის ბოლოდან საკმაო ზრდას განიცდიდა. 2005 წლის მაისისთვის სტატიების რაოდენობით გადაასწრო ესპანურ და იტალიურ ვიკიპედიებს. აღსანიშნავია, რომ 2004 წლისთვის პორტუგალიურ ვიკიპედიას სტატიების რაოდენობით ეკავა 17 ადგილი. 2010 წლის დეკემბერში გაასწრო ნიდერლანდურ ვიკიპედიას. 2005 წელს პორტუგალიური ვიკიპედიის მხრიდან იყო წინადადება ფორკის თვალსაზრისით ბრაზილიური პორტუგალიური ვარიანტის შექმნისა, თუმცა ვიკიმედიის საზოგადოებამ უარი განაცხადა. 2007 წელს იყო ევროპული პორტუგალიური ვიკიპედიის ენობრივი განყოფილების შექმნის ცდა, თუმცა უშედეგოდ. პორტუგალიურ ვიკიპედიის ადმინისტრატორებს ხშირად აკრიტიკებენ. კერძოდ, ადმინისტრატორებს ადანაშაულებენ აგრესიულ მოქმედებაში ახალი და ანონიმური მომხარებლების მიმართ.^[1]^[2]^[3]

ამჟამად პორტუგალიურ ვიკიპედიაში არის 31 ადმინისტრატორი, აქტიურ მომხარებელთა რიცხვი საკმაოდ მაღალია. 2012 წლისთვის ვიკიპედიის პორტუგალიურ ენობრივ განყოფილებაში არსებობს დაახლოებით 734 ათ. სტატია.