გიორგი I (ტრაპიზონი)

მასალა ვიკიპედიიდან — თავისუფალი ენციკლოპედია
Jump to navigation Jump to search
გიორგი დიდი კომნენოსი
Γεώργιος Μέγας Κομνηνός
ტრაპიზონის მე-6-ე იმპერატორი
მმართ. დასაწყისი: 1266
მმართ. დასასრული: 1280
წინამორბედი: ანდრონიკე II
მემკვიდრე: იოანე II
პირადი ცხოვრება
დაბ. თარიღი: დაახლ. 1255
დაბ. ადგილი: ტრაპიზონი, ტრაპიზონის იმპერია
გარდ. თარიღი: 1284 წლის შემდეგ
დინასტია: კომნენოსები
მამა: მანუელ I
დედა: ირინა სირიკაინა

გიორგი დიდი კომნენოსი (ბერძნ. Γεώργιος Μέγας Κομνηνός; დ. დაახლ. 1255, ტრაპიზონი, ტრაპიზონის იმპერია – გ. 1284 წლის შემდეგ) — ტრაპიზონის იმპერიის მეექვსე იმპერატორი 1266–1280 წწ. კომნენოსების დინასტიის წარმომადგენელი. იმპერატორ მანუელ I-ისა და მისი მესამე ცოლის, ტრაპიზონელი აზნაურის, ირინა სირიკაინას უფროსი შვილი. ტრაპიზონის იმპერატორი გახდა უფროსი ძმის, ანდრონიკე II-ის გარდაცვალების შემდეგ.

თავისი მმართველობის დროს გიორგი ატარებდა ანტიარისტოკრატიულ პოლიტიკას. გარდა ამისა მან კავშირი დაამყარა კარლ ანჟუელთან და ბიზანტიელ უნიის მოწინააღმდეგეებთან ბიზანტიის იმპერატორ მიხეილ VIII-ის წინააღმდეგ. ასევე უარი უთხრა სპარსეთში მონღოლების მმართველს აბაღას სამხედრო დახმარებაზე ეგვიპტელი მამლუქების წინააღმდეგ. ამის გამო მონღოლებმა გიორგი ტახტიდან ჩამოაგდეს და დილეგში გამოკეტეს. ტახტი კი დაიკავა მისმა უმცროსმა ძმამ იოანე II-მ. გიორგიმ თავისუფლება 1282 წელს, აბაღას სიკვდილის შემდეგ მიიღო.

1284 წელს გიორგის ჰქონდა ტახტის დაბრუნების მცდელობა, მაგრამ მისი მომხრეები დამარცხდნენ და თავს აფარებდნენ მთებში. 1284 წლის შემდეგ მისი ბედის შესახებ აღარაფერია ცნობილი.

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • The Oxford Dictionary of Byzantium, Vol. 1, NY-Oxford, 1991,