ათენი

ათენი Αθήνα
აკროპოლისი
ძირითადი მონაცემები
ქვეყანა:	საბერძნეთი
პერიფერია:	ატიკა
პრეფექტურა:	ათენი
ფართობი:	39 კმ²
მოსახლეობა:	3,9 მილ. (2005)
მოს. სიმჭიდროვე:	19.133 მოსახლე კმ²-ზე
სატელეფონო კოდი:	10, 11, 12
საავტ. ნომრები:	Y, Z
მერი	მპეჰრაკის, თეოდოროს
ვებ-გვერდი:	www.cityofathens.gr

ათენი (ბერძ.: Αθήνα IPA /a'θina/) საბერძნეთის დედაქალაქია და მსოფლიოს ერთ-ერთი ყველაზე განთქმული ქალაქი. თანამედროვე ათენი დიდი და კოსმოპოლიტი ქალაქია; ძველი ათენი ძლიერი დამოუკიდებელი ქალაქი და განათლების ცენტრი იყო. ქალაქს სახელი ძველი ბერძნული მითოლოგიის ქალღმერთი ათინას პატივსაცემად დაერქვა. მისი გეოგრაფიული კოორდინატებია 38°00′N 23°43′E (38.00°, 23.72°).

ათენის აგლომერაციაში დაახ. 3,9 მილიონი ადამიანი სახლობს. ის საბერძნეთის წამყვანი ეკონომიკური, კულტურული და პოლიტიკური ცხოვრების ცენტრია. ძველ ათენს ხშირად დასავლეთის ცივილიზაციის აკვნად მოიხსენიებენ მისი კულტურული და პოლიტიკური მიღწევების გამო ძვ.წ. მე-4 და მე-5 საუკუნეებში. ამ მემკვიდრეობის წყალობით მას უამრავი უძველესი ნაგებობა, მონუმენტი და ხელოვნების ნიმუში შემორჩა, რომელთა შორის ყველაზე განთქმულია აკროპოლისის პართენონი - დღემდე მოღწეული კლასიკური ბერძნული ხელოვნებისა და არქიტექტურის ერთ-ერთი ყველაზე დახვეწილი ნიმუშთაგანი. ეს და სხვა მრავალი კულტურული ღირსშესანიშნაობა რესტავრირებულ იქნა 2004 წლის ოლიმპიური თამაშებისთვის.

სახელი

ძველ ბერძნულში ქალაქის სახელი იყო Ἀθῆναι-ათენაი, Ἀθηνά-ათენა-ს მრავლობითი ფორმა, ქალღმერთი ათენას ბერძნული სახელი. ქალაქის სახელი მრავლობითში გამოიყენებოდა Θῆβαι-თებაი (თებე) და Μυκῆναι-მიკენაი (მიკენა) სახელების მსგავსად, ვინაიდან ის რამდენიმე ნაწილისგან შედგებოდა. მე-19 საუკუნეში ძველი სახელი ფორმალურად ისევ შემოღებულ იქნა. 1970-იანებში კათარევუსას გაუქმების შემდეგ ქალაქის პოპულარული სახელი ათინაი დაბრუნებულ იქნა.

რესურსები ინტერნეტში

• ათენის ოფიციალური ვებ-გვერდი
• ათენის მოკლე ვირტუალური ტური
• გრძელი ვირტუალური ტური
• ათენის თანამედროვე არქიტექტურა და ტურისტული მარშრუტები
• TimeOut Athens - სად წავიდეთ, რა გავაკეთოთ ათენში - კულტურული გართობისა და დასვენების სიახლეები
• Pictures of Athens