სტეფანაკერტი

ქალაქი სტეფანაკერტი აზერ. Xankəndi ქვეყანა  აზერბაიჯანიაზერბაიჯანი კოორდინატები 39.815278,46.75194439°48′55″ ჩ. გ. 46°45′07″ ა. გ. ცენტრის სიმაღლე - მ მოსახლეობა 49 986 კაცი (2005) დროის სარტყელი UTC+4

სტეფანაკერტი (აზერ. Xankəndi - ხანქენდი; სომხ. Ստեփանակերտ - სტეფანაკერტი; 1923 წლამდე სოფელი ხანქენდი; ძველი სახელი ეწოდა სტეფანე შაუმიანის პატივსაცემად) — ქალაქი აზერბაიჯანში, ყოფილი მთიანი ყარაბაღის ავტონომიური ოლქის ცენტრი, ყარყარჩაის ხეობაში; თვითაღიარებული მთიანი ყარაბაღის რესპუბლიკის დედაქალაქი. რკინიგზის სადგური – აღდამიდან 26 კმ, ევლახ-ნახიჩევანის საავტომობილო გზაზე. განვითარებულია მსუბუქი (აბრეშუმის კომბინატი, ფეხსაცმლის, ხალიჩების, სამკერვალო ფაბრიკები) და კვების (ღვინის ქარხანა, რძის კომბინატი) მრეწველობა. არის ელექტროტექნიკური, ასფალტბეტონის ქარხნები, საშენ მასალათა კომბინატი, ავეჯის ფაბრიკა.

ლიტერატურა

• ქართული საბჭოთა ენციკლოპედია, ტ. 9, გვ. 566-567, თბ., 1985 წელი.