ფრიდრიხ ჰაიეკი

ფრიდრიხ ჰაიეკი Friedrich August Hayek
დაბადების თარიღი		8 მაისი, 1899
დაბადების ადგილი		ვენა
გარდაცვალების თარიღი		23 მარტი, 1992
გარდაცვალების ადგილი		ფრაიბურგი
მოქალაქეობა		ავსტრია, გაერთიანებული სამეფო
სამეცნიერო სფერო		ეკონომიკა
მუშაობის ადგილი		ლონდონის ეკონომიკის სკოლა (1931-1950) ჩოკაგოს უნივერსიტეტი (1950-1962) ფრაიბურგის უნივერსიტეტი (1962-1968)
ალმა-მატერი		ვენის უნივერსიტეტი
სამეცნიერო ხელმძღვანელი		ლუდვიგ ფონ მიზესი
განთქმული მოსწავლეები		მილტონ ფრიდმანი
ცნობილია როგორც		ავსტრიული სკოლის წარმომადგენელი
ჯილდოები და პრემიები		ნობელის პრემია (1974)

ფრიდრიხ ავგუსტ ფონ ჰაიეკი (დ. 8 მაისი. 1899, ვენა — გ. 23 მარტი. 1992, ფრაიბურგი, ბადენ-ვიურტემბერგის მხარეში) ავსტრიელი ეკონომისტი. დაამთავრა ვენის უნივერსიტეტი (1921), ავსტრიის ეკონომიური კვლევების ინსტიტუტის დირექტორი (1927-1931), ლონდონის (1931-1950), ჩიკაგოს (1950-1962), ფრაიბურგის (1962-1969) უნივერსიტეტების პროფესორი, 1970-იდან ზალცბურგის (ავსტრია) უნივერსიტეტის პროფესორ-კონსულტანტი. ჰაიეკი ცდილობს ავსტრიული ბურჟუაზიული პოლიტიკური ეკონომიკური სუბიექტურ-ფსიქოლოგიური მეთოდი შეუთავსოს მათემატიკურ თეორიასა და იდეალისტურ ფილოსოფიას. კაპიტალს განიხილავს როგორც ყველა საზოგადოებრივ-ეკონომიური ფორმაციისათვის დამახასიათებელ მუდმივ კატეგორიას. ჭარბწარმოების ეკონომიური კრიზისების მიზეზად მიაჩნდა ინვესტიციების მეტისმეტი ზრდა და ბანკების მიერ არასწორი ფულად-საკრედიტო პოლიტიკის გატარება, კრიზისების აღმოფხვრის საშუალებად კი - მშრომელი მასების მოხმარების დონისა და ხელფასის შემცირება. წინააღმდეგია ეკონომიკაში სახელმწიფოს აქტიური ჩარევისა, უხეშად ამახინჯებს კომუნისტური მშენებლობის თეორიასა და პრაქტიკას. ნობელის პრემიის ლაურეატი (გ. მიურდალთან ერთად 1974).

ლიტერატურა

• ქართული საბჭოთა ენციკლოპედია, ტ. 11, გვ. 590, თბ., 1987 წელი.
• თენგიზ ვერულავა – ფრიდრიხ ჰაიეკის ”გზა ბატონყმობისაკენ”
• თენგიზ ვერულავა – “ფრიდრიხ ჰაიეკი”
• ვიკისაწყობში არის გვერდი თემაზე: ფრიდრიხ ჰაიეკი