ფეიხოა

ფეიხოას ნაყოფი

ფეიხოა (ან ფეიხუა, Feijoa sellowiana, სინ. Acca sellowiana), ასევე ცნობილი როგორც ანანას-გუავა, მარადმწვანე მცირე ტანის ხე, სიმაღლით 1-7 მ., წარმოშობით სამხრეთ ბრაზილიის, ნაწილობრივ კოლუმბიის, ურუგვაისა და ჩრდილოეთ არგენტინის მთიანი ადგილებიდან. ასევე ხარობს კავკასიის დასავლეთ სუბტროპიკულ ნაწილში და რუსეთის სამხრეთში — კრასნოდარის მხარეში, ასევე ყირიმსა და აზერბაიჯანში.

ფეიხოას მწიფე ნაყოფი მუქი-მწვანე ფერისაა, რბილია და მარწყვისა და ანანასის არომატი აქვს. ნაყოფი მდიდარია იოდით (მწიფე ნაყოფის 100 გრამში დაახ. 8-35 მგ იოდია) რითაც ყველაზე ძვირფასია ადამიანისთვის

იოდის დღიური ნორმაა: 40 µg ჩვილებისთვის, 50 µg 6-12 თვის ბავშვებისთვის, 60-100 µg 1-10 წლის ბავშვებისთვის, და 150 µg მოზარდებისთვის და მოზრდილებისთვის.

პირველად ფეიხოა ევროპელებმა ბრაზილიაში აღმოაჩინეს XIX საუკუნეში. სახელი პირველაღმომჩენის პატივსაცემად შეარქვეს, ბუნების ისტორიის მუზეუმის დირექტორი ჟუან და სილვა ფეიხოსი.