სემიუელ ლეროი ჯექსონი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სამუელ ლეროი ჯექსონი
Samuel L. Jackson SDCC 2013 Captain America.jpg
სამუელ ლ. ჯექსონი 2013 წლის Comic Con-ზე.
დაბ. სახელი სამუელ ლეროი ჯექსონი
დაბ. ადგილი ვაშინგტონი, დროშა: ამერიკის შეერთებული შტატები აშშ
დაბ. თარიღი 21 დეკემბერი, 1948 (1948-12-21) (66 წლის)
წლები 1972–დღემდე
მეუღლე(ები) ლატანია რიჩარდსონი
(1980-დღემდე)
საიტი ოფიციალური საიტი
BAFTA
საუკეთესო მსახიობი კაცი მეორეხარისხოვან როლში
1994 — მაკულატურა
სხვა ჯილდოები
ვერცხლის დათვი საუკეთესო მსახიობი კაცისთვის
1997 — ჯეკი ბრაუნი

სამუელ ლეროი ჯექსონი (ინგლ. Samuel L. Jackson დ. 21 დეკემბერი, 1948) — ოსკარის ნომინანტი და BAFTA-ს გამარჯვებული ამერიკელი მსახიობი.

ბიოგრაფია[რედაქტირება]

ცხოვრების ადრეული წლები[რედაქტირება]

სემიუელ ლ. ჯექსონი დაიბადა 1948 წლის 21 დეკემბერს, ვაშინგტონში. იგი გაიზარდა ჩატანუგაში, ტენესი, დედამის, ელიზაბეტ ჯექსონთან ერთად. მამამისი ცხოვრობდა კანსასაში, მისური, შემდეგ კი გარდაიცვალა. მიზეზი ალკოჰოლი იყო. ჯექსონი მხოლოდ რამდენიმეჯერ შეხვდა მამამისს. იგი დადიოდა Riverside High-ში (ამჟამად Chattanooga School for the Arts and Sciences). ამის შემდეგ იგი მივიდა Morehouse College-ში, ატლანტა, ჯორჯიის შტატი.

კარიერა[რედაქტირება]

ჯექსონმა კარიერა დაიწყო 1972 წელს, ფილმში „Together for Days“. ამ დაწყებითი როლის შემდეგ, მან გადაწყვიტა წასულიყო საცხოვრებლად ნიუ-იორკში, რამაც მას წარმატება მოუტანა. 1981 წელს, მან შეასრულა უმნიშვნელო როლი ფილმში „რეგთაიმი“. შემდეგი 6 წელი, ჯექსონისთვის წარუმატებელი გამოდგა. 1987 წელს, მან მიიღო მონაწილეობა ფილმში „ნამდვილი ედი მერფი“, ხოლო 1988 წელს, ფილმში „ამერიკაში დაბრუნება“. 1981 წელს, ჯექსონმა გაიცნო სპაიკ ლი და 1988 წელს ითამაშა მის ფილმში „School Daze“. ამას მოყვა ფილმები: „სიყვარულის ზღვა“ (1989),დიდებული ბიჭები (1990), „ბლუზი უკეთეს ცხოვრებაზე“ (1990) და „ცდუნება“ (1990). სპაიკ ლის დახმარებით ასევე მან ითამაშა ფილმში „ჯუნგლების ციებ–ცხელება“.

ჯექსონის წარმატება შეიმჩნევა 1990-93 წლებში. მან ითამაშა ბევრ წარმატებულ ფილმში: „მხოლოდ ბიზნესი“ (1991), „ავტორიტეტი“ (1992) თუფაქ შაკურთან ერთად, „პატრიოტული თამაშები“ (1992), „დატენილი იარაღი 1“ (1993) „ამოსი და ენდრიუ“ (1993) და „იურული პერიოდის პარკი“ (1993).

1994 წელს მას დაუკავშირდა კვენტინ ტარანტინო და ფილმ „მაკულატურაში“ ჯულს ვინფილდის როლი შესთავაზა. ჯექსონისთვის მოულოდნელობა იყო ის, რომ ეს როლი სპეციალურად მისთვის დაიწერა. ფილმში მონაწილეობდა ბევრი ცნობილი ვარსკვალი: ჯონ ტრავოლტა, უმა თურმანი, ბრიუს უილისი და სხვები. მიუხედავად იმისა, რომ ეს ფილმი ჯექსონისთვის 30-ე იყო, სწორედ ამ როლმა მოუტანა მას საერთაშორი ოაღიარება. მიუხედავად იმისა, რომ ჯექსონი და ტრავოლტა თანაბარი დროის მანძილზე ჩნდებიან ფილმში, სტუდია „მირამაქსმა“ ტრავოლტა წარადგინა ოსკარზე როგორც მთავარი როლის, ხოლო ჯექსონი, როგორც მეორეხარისხოვანი როლის შემსრულებელი. ამავე კატეგორიაში წარადგინეს ჯექსონი ოქროს გლობუსისა და BAFTA-ს დაჯილდოებებზე. მსახიობმა მხოლოდ ეს უკანასკნელი მოიგო.

1995-1997 წლებში მან მიიღო მონაწილეობა ფილმებში: „სიკვდილის კოცნა“, „კერკეტი კაკალი 3“, „დიდი ტეთრი ტყუილი“, „დროა მოკვლის“, „ხანგრძლივი კოცნა ძილის წინ“, „საბედისწერო რვიანი“, „ერთი რვა შვიდი“, „ევას თავშესაფარი“ და „ჯეკი ბრაუნი“. ამ უკანასკნელისთვის მიიღო ბერლინალეს ვერცხლის დათვი საუკეთესო მსახიობი კაცისთვის და ოქროს გლობუსის მესამე ნომინაცია. ამ წლებში მან მიაღწია წარმატების უმაღლეს მწვერვალს. 1998 წელს, ჯექსონი მთავარ როლს თამაშობს ფილმში „მომლაპარაკებელი“, ამ წელსვე მან ითამაშა ფილმში „წითელი ვიოლინო“, რაც საკმაოდ წარმატებული გადმოდგა მისთვის.

1999 წელს, ჯექსონმა ითამაშა ფილმში „ვარსკვლავური ომები, ეპიზოდი I: ფარული საფრთხე“. რასაც მოყვა ფილმის გაგრძელება 2002 წელს „ვარსკვლავური ომები, ეპიზოდი II: კლონთა თავდასხმა“ და 2005 წელს „ვარსკვლავური ომები, ეპიზოდი III: სითების შურისძიება“. ჯექსონმა ითამაშა ისეთ წარმატებულ ფილმებში როგორევიცაა: „უვნებელი“ (2000), „ბრძოლის წესები“ (2000), „ადამიანი გამოქვაბულიდან“ (2001), „სამი იქსი“ (2002), „ფორმულა 51“ (2002), „ბაზა“ (2003), „სპეცრაზმი“ (2003), „ჩემს ქვეყანაში“ (2004), „სუპეროჯახი“ (2004), „მოკალი ბილი, ტომი 2“ (2004), „კაცი“ (2005), „სამი იქსი 2“ (2005), „მწვრთნელი კარტერი“ (2005), „სიმამაცის სახლი“ (2006), გველები თვითმფრინავზე (2006), „ჩემპიონის დაბრუნება“ (2007), 1408 (2007), „შავი გველის კვნესა“ (2007) „მწმენდავი“ (2007), „რკინის კაცი“ (2008).

2012 წელს ჯექსონმა კლავ ითანამშრომლა კვენტინ ტარანტინოსთან და მონაწილეობა მიიღო ტარანტინოს უკანასკნელ ფილმში „ჯანგო გათავისუფლებული“. ჯექსონმა შეასრულა სტეფენის როლი, შავკანიანი მსახურისა, რომელიც მონობისა და რასიზმის დამცველად გამოდის.

პირადი ცხოვრება[რედაქტირება]

ჯექსონი დაქორწინდა ამერიკელ მსახიობ, ლატანია რიჩარდსონთან 1980 წელს. წყვილს, რომელიც ცხოვრობს ლოს-ანჯელესში ჰყავს ქალიშვილი, ზოი. იგი დაიბადა 1982 წელს და სწავლობს კულინარიის სკოლაში.

სამუელ ლ. ჯექსონი ფილმში „მაკულატურა“

ფილმოგრაფია[რედაქტირება]

წელი ქართულად მშობლიური სახელწოდება როლი
1972 Together for Days Together for Days სტენი
1981 რეგთაიმი Ragtime ბანდის წევრი
1987 ნამდვილი ედი მერფი Eddie Murphy Raw ედის ბიძა
1988 ამერიკაში დაბრუნება Coming to America კაცი
1988 School Daze School Daze ლიდსი
1989 სიყვარულის ზღვა Sea of Love შავი ბიჭი
1990 დიდებული ბიჭები Goodfellas პარნელ სტივენ ედვარდსი
1990 ბლუზი უკეთეს ცხოვრებაზე Mo' Better Blues მედლოკი
1990 ცდუნება Def by Temptation მინისტრი გართი
1991 ჯუნგლების ციებ–ცხელება Jungle Fever გეიტორ პურიფი
1991 მხოლოდ ბიზნესი Strictly Business მონრო
1992 ავტორიტეტი Juice ტრიპი
1992 პატრიოტული თამაშები Patriot Games რობი ჯექსონი
1993 დატენილი იარაღი 1 Loaded Weapon 1 სერჟანტი ვეს ლუგერი
1993 ამოსი და ენდრიუ Amos & Andrew ენდრიუ სტერლინგი
1993 იურული პარკი Jurassic Park ჯონ რეინოლდ არმონდი
1994 მაკულატურა Pulp Fiction ჯულს ვინფილდი
1995 სიკვდილის კოცნა Kiss of Death კელვინ ჰარტი
1995 კერკეტი კაკალი 3 Die Hard with a Vengeance ზეუს კარვერი
1996 დიდი ტეთრი ტყუილი The Great White Hype ფრედ სულთანი
1996 მოკვლის დროა A Time to Kill კარლ ლი ჰეილი
1996 ხანგრძლივი კოცნა ძილის წინ The Long Kiss Goodnight მიჩ ჰენესი
1996 საბედისწერო რვიანი Hard Eight ჯიმი
1997 ერთი რვა შვიდი One Eight Seven ტრევორ გარფილდი
1997 ევას თავშესაფარი Eve's Bayou ლუიზ ბატისტი
1997 ჯეკი ბრაუნი Jackie Brown ორდელ რობი
1998 მომლაპარაკებელი The Negotiator დენი რომანი
1998 წითელი ვიოლინო The Red Violin ჩარლზ მორიცი
1999 ვარსკვლავური ომები, ეპიზოდი I: ფარული საფრთხე Star Wars Episode I: The Phantom Menace მეის ვინდუ
2000 უვნებელი Unbreakable ელია პრაისი
2000 ბრძოლის წესები Rules of Engagement ტერი ჩილდერსი
2001 ადამიანი გამოქვაბულიდან The Caveman's Valentine რომულუს ლედბეტერი
2002 სამი იქსი xXx აგენტი ავგუსტუს გიბონსი
2002 ფორმულა 51 The 51st State ელმო მაკელროი
2002 ვარსკვლავური ომები, ეპიზოდი II: კლონთა თავდასხმა Star Wars Episode II: Attack of the Clones მეის ვინდუ
2003 ბაზა Basic სერჟანტი ნათან ვესტი
2003 სპეცრაზმი S.W.A.T. დენ ჰარელსონი
2004 ჩემს ქვეყანაში In My Country ლენგსტონ უიტფელდი
2004 ანფ სუპეროჯახი The Incredibles ლუციუს ბესტი
2004 ამნეზია Twisted ჯონ მილზი
2004 მოკალი ბილი, ტომი 2 Kill Bill Volume 2 რუფუსი
2005 კაცი The Man დერიკ ვანი
2005 სამი იქსი 2 xXx: State of the Union აგენტი ავგუსტუს გიბონსი
2005 მწვრთნელი კარტერი Coach Carter კენ კარტერი
2005 ვარსკვლავური ომები, ეპიზოდი III: სითების შურისძიება Star Wars Episode III: Revenge of the Sith მეის ვინდუ
2006 სიმამაცის სახლი Home of the Brave დოქტორი უილ მარში
2006 გველები თვითმფრინავზე Snakes on a Plane ნევილ ფლინი
2007 ჩემპიონის დაბრუნება Resurrecting the Champ ბობ სატერფილდი
2007 1408 1408 ჯერალდ ოლინი
2007 შავი გველის კვნესა Black Snake Moan ლაზარუს ვუდსი
2007 მწმენდავი Cleaner ტომ კატლერი
2008 რკინის კაცი Iron Man ნიკ ფური
2009 უსახელო ნაბიჭვრები Inglourious Basterds ხმა კადრს მიღმა
2009 დედა და შვილი Mother and Child პოლი
2010 რკინის კაცი 2 Iron Man 2 ნიკ ფური
2012 ჯანგო გათავისუფლებული Django Unchained სტეფენი
2012 შურისმაძიებლები The Avengers ნიკ ფური
2014 რობოტი-პოლიციელი RoboCop პატრიკ ნოვაკი
2014 კაპიტანი ამერიკა: ზამთრის ჯარისკაცი Captain America: The Winter Soldier ნიკ ფური

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: