მაკულატურა (ფილმი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ მაკულატურა (მრავალმნიშვნელოვანი).
მაკულატურა
ჟანრი კრიმინალური კომედია
დამდგმელი რეჟისორი კვენტინ ტარანტინო
პროდიუსერი ლოურენს ბენდერი
სცენარის ავტორი კვენტინ ტარანტინო
როლებში ჯონ ტრავოლტა
სამუელ ლ. ჯექსონი
უმა თურმანი
ოპერატორი ანჯეი სეკულა
მონტაჟი სალი მენკე
დისტრიბუტორი Miramax Films
გამოსვლის თარიღი
  • მაისი 1994 (1994-05) (კანი)
  • ოქტომბერი 14, 1994 (1994-10-14) (აშშ)
[1]
ხანგრძლივობა 154 წუთი[2]
ქვეყანა აშშ
ენა ინგლისური
ბიუჯეტი $ 8.5 მილიონი
შემოსავალი $ 213,928,762[3]
კინოგიდის პროფილი
IMDb პროფილი

„მაკულატურა“ (ინგლ. Pulp Fiction) — 1994 წლის ამერიკული შავი კომედიის ჟანრის კრიმინალური ფილმი, რომლის რეჟისორია კვენტინ ტარანტინო. იგი აგრეთვე არის სცენარის თანაავტორი, როჯერ ევერისთან ერთად.[4] ფილმი ცნობილია ეკლექტიკური დიალოგებით, იუმორისა და ძალადობის ირონიული აღრევით, არახაზობრივი სიუჟეტით, მთელი რიგი კინემატოგრაფიული ალუზიებითა და პოპ-კულტურის ელემენტებზე მინიშნებებით. ოსკარის 67-ე დაჯილდოებაზე იგი ნომინირებული იყო შვიდ ჯილდოზე, მათ შორის კატეგორიებში „საუკეთესო სურათი“. ტარანტინომ და ევერიმ მიიღეს ოსკარი საუკეთესო ორიგინალური სცენარისთვის. ტარანტინოს აგრეთვე მიენიჭა ოქროს პალმის რტო 1994 წლის კანის კინოფესტივალის ფარგლებში. კრიტიკოსთა მიერ მოწონებულმა და კომერციულად წარმატებულმა ამ ფილმმა მისი მთავარი როლის შემსრულებლის, ჯონ ტრავოლტას კარიერა კვლავ გამოაცოცხლა. ამ უკანასკნელმა მიიღო ნომინაცია საუკეთესო მსახიობი მამაკაცის კატეგორიაში. ნომინაციები საუკეთესო მსახიობებისთვის მიიღეს სამუელ ლ. ჯექსონმა და უმა თურმანმაც.

განსაკუთრებულად სტილიზებული რეჟისურით გადაღებული „მაკულატურა“ აერთიანებს ლოს-ანჯელესის მაფიოზების, მცირე კრიმინალებისა და იდუმალი ჩემოდნის ისტორიებს. სურათის დროის დიდი ნაწილი ეთმობა დიალოგებსა და მონოლოგებს, რომლებშიც ვლინდება პერსონაჟების იუმორის გრძნობა და მათი ცხოვრებისეული ხედვები. ფილმის სათაური გულისხმობს XX საუკუნის შუა წლებში პოპულარულ იაფფასიან ლიტერატურასა და ჟურნალებს, რომლებიც ცნობილი იყო გრაფიკულად ასახული ძალადობით და უხეში დიალოგებით. „მაკულატურა“ თვითციტირებას ახდენს პირველივე წუთებიდან, იწყება რა სატიტულო ბარათით, რომელზეც მოყვანილია სიტყვის pulp ორი განმარტება ლექსიკონიდან. სიუჟეტი, ისევე, როგორც ტარანტინოს ბევრ სხვა ნამუშევარში, მოვლენათა ქრონოლოგიას არ იცავს.

სურათის თვითუკუქცევა, არატიპიური სტრუქტურა და სხვა ნაშრომების ციტირებისა და პასტიშის აღრევის გამო კრიტიკოსები ნამუშევარს უწოდებენ პოსტმოდერნისტული ფილმის მაგალითს. კრიტიკოსთა დიდი ნაწილის მიერ აღწერილი, როგორც შავი კომედია,[4] „მაკულატურა“ ხშირად აღწერილია, როგორც „ნეო-ნუარი“.[5] კრიტიკოსი ჯეფრი ო'ბრაიენი ამ აზრს ასე ეწინააღმდეგება: „ძველი დროის ნუარის ვნებანი, მძიმე მელანქოლია და სიკვდილის საოპერო სტილის სცენები უადგილო იქნებოდა მყიფე და კაშკაშად განათებულ საოცრებათა ქვეყანაში, რომელიც ტარანტინოს ჯადოქრობამ შექმნა. [იგი არ არის] არც ნეო-ნუარი, არც პაროდია ნუარზე.“[6] ნიკოლას კრისტოფერი ასევე უწოდებს ფილმს „უფრო მეტად კრიმინალურ კომედიას, ვიდრე ნეო-ნუარს“.[7] ფოსტერ ჰირშის აზრით, ფილმს „მეოცნებე ლანდშაფტი“ უფრო კარგად აღწერს, ვიდრე, რომელიმე სხვა ჟანრის სახელი[8]. „მაკულატურას“ თვლიან ფილმად, რომელმაც შემდგომში გამოსულ სურათებზე დიდი გავლენა იქონია. მისმა წარმოებამ, მარკეტინგმა, დისტრიბუციამ და შემოსავლიანობამ იქონია გადამწყვეტი გავლენა დამოუკიდებელი კინოს სფეროზე. „მაკულატურა“ კულტურულ წყალგასაყარადაც ითვლება და მისი გავლენა შეიმჩნევა მედიის ბევრ სფეროში. იგი მიიჩნევა ყველა დროის ერთ-ერთ საუკეთესო ფილმად. 2013 წელს კონგრესის ბიბლიოთეკამ „მაკულატურა“ შეიყვანა ფილმების ეროვნული რეესტრში, როგორც „კულტურულად, ისტორიულად და ესთეტიურად მნიშვნელოვანი“ ნამუშევარი.[9]

სიუჟეტი[რედაქტირება]

ფილმი სამი ისტორიისგან შედგება. სამივე მათგანი ვითარდება კრიმინალური ბანდის მეთაურის, მარსელუს ოულესის (ვინგ რეიმსი) გარშემო. პირველ ისტორიაში მარსელუსის დაჯგუფების წევრი, ვინსენტ ვეგა (ჯონ ტრავოლტა) გადაარჩენს მარსელუსის ცოლს, მია უოლესს (უმა თურმანი) ჭარბი დოზი ნარკოტიკების მიღების შემდეგ. მეორე ისტორიაში მარსელუსი ცდილობს მოკლას მოკრივე ბუჩ კულიჯი (ბრიუს უილისი), რომელიც მის ბრძანებას არ დაემორჩილა. თუმცა ორთავე სადისტი ჰომოსექსუალების ტყვეები აღმოჩნდებიან და ბუჩი მარსელუსს გადაარჩენს. მესამე ისტორია პირველ ორს აერთიანებს. ახალგაზრდა გამოუცდელი მძარცველების წყვილი, რინგო (ტიმ როთი) და იოლანდა (ამანდა პლამერი) გადაწყვეტენ კაფე გაძარცვონ, თუმცა იქვე აღმოჩნდებიან მარსელუსის ბანდის წევრები, ვინსენტ ვეგა და ჯულს ვინფილდი (სამუელ ლ. ჯექსონი)

როლებში[რედაქტირება]

ჯილდოები[რედაქტირება]

ფილმი იყო ნომინირებული 7 ოსკარზე, მათ შორის „ოსკარი საუკეთესო სურათისთვის“. ფილმმა მოიგო შემდეგი ჯილდოები

მუსიკა[რედაქტირება]

Searchtool-80%.png მთავარი სტატია : მაკულატურა (საუნდტრეკი).

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. Biskind (2004), p. 189.
  2. PULP FICTION (18). British Board of Film Classification (1994-08-29).
  3. Pulp Fiction. Box Office Mojo.
  4. 4.0 4.1 See, e.g., King (2002), pp. 185–7; Kempley, Rita. “Pulp Fiction (R)“, Washington Post, 1994-10-14. წაკითხვის თარიღი: 2007-09-19. ; LaSalle, Mike. “Pulp Grabs You Like a Novel“, San Francisco Chronicle, 1995-09-15. წაკითხვის თარიღი: 2007-09-20. 
  5. See, e.g., Waxman (2005), p. 64; Silver and Ursini (2004), p. 65; Real (1996), p. 122.
  6. O'Brien (1994), p. 90.
  7. Christopher (2006), p. 240. აგრეთვე იხილეთ რუბინი (1999), გვ. 174–5.
  8. Hirsch (1997), p. 359.
  9. Washington Post (18 დეკემბერი, 2013). „Library of Congress announces 2013 National Film Registry selections“. პრეს-რელიზი. http://www.washingtonpost.com/entertainment/movies/library-of-congress-announces-2013-national-film-registry-selections/2013/12/17/eba98bce-6737-11e3-ae56-22de072140a2_story.html?tid=hpModule_ef3e52c4-8691-11e2-9d71-f0feafdd1394.