პორტალი:ახალი ამბები/საქართველო/აგვისტო 2009

31 აგვისტო, 2009

• საქართველოს კომუნიკაციების ეროვნულმა კომისიამ ტელეკომპანიები - „РЕН ТВ“, „НТВ“, „ТВ-Центр“, „Россия“, „Култура“ დარღვევის განმეორებისთვის, მეორედ - 500 ათასი ლარით დააჯარიმა. (Civil.Ge)

27 აგვისტო, 2009

• საქართველოს თავდაცვის მინისტრად ბაჩო ახალაია დაინიშნა. (Civil.Ge)
• საქართველოს კომუნიკაციების ეროვნულმა კომისიამ რუსული ტელეკომპანიები - „РЕН ТВ“, „НТВ“, „ТВ-Центр“, „Россия“, „Култура“ - 50 ათასი ლარით დააჯარიმა ოკუპირებულ ტერიტორიებზე უნებართვო მაუწყებლობის გამო. (Civil.Ge)

26 აგვისტო, 2009

• პრემიერ-მინისტრმა ეკონომიკის მინისტრის თანამდებობაზე ესპანეთში საქართველოს ყოფილი ელჩი ზურაბ პოლოლიკაშვილი დანიშნა. (1არხი)
• რუსეთმა სეპარატისტულ აფხაზეთსა და სამხრეთ ოსეთში სამხრედროთა რაოდენობა 1700 ჯარისკაცამდე შეამცირა. (Civil.Ge)
• ტელეკომპანია „202“-ის დამფუძნებელი შალვა რამიშვილი, 4 წლიანი სასჯელის მოხდის შემდეგ, პატიმრობიდან თავისუფალია. (Civil.Ge)

21 აგვისტო, 2009

• პრემიერ-მინისტრმა ნიკა გილაურმა ეკონომიკის მინისტრი ლაშა ჟვანია თანამდებობიდან გაათავისუფლა. (Civil.Ge)
• კომპანია „ელიტ ელექტრონიქსმა“ საქართველოს მასშტაბით მოქმედი 32 მაღაზია დახურა სახელმწიფოსთან ფინანსური უთანხმოების გამო. (Civil.Ge)

18 აგვისტო, 2009

• სეპარატისტული აფხაზეთის უშიშროების საბჭოს მდივანი სტანისლავ ლაკობა თანამდებობიდან გადადგა. (Civil.Ge)
• საქართველომ დსთ ოფიციალურად დატოვა. (Civil.Ge)

10 აგვისტო, 2009

• საქართველოში საფოსტო გზავნილების დაბეგვრის წესი შეიცვალა: ნაცვლად 1500 ლარს ზევით ღირებულების საქონლის დაბეგვრისა, ახლა 300 ლარს ზევით ღირებულების საქონელი დაექვემდებარება განბაჟებას, რომელიც საფოსტო გზავნილით შემოვა ქვეყანაში. (1 არხი)
• საზოგადოებრივი მაუწყებლის ახალი გენერალური დირექტორი, სამეურვეო საბჭოს 5 წევრის ხმით გიორგი ჭანტურია გახდა. (Civil.Ge)

7 აგვისტო, 2009

• სეპარატისტული აფხაზეთის პარლამენტმა გააუქმა თავისი გადაწყვეტილება მოქალაქეობის შესახებ კანონში ცვლილების შეტანის თაობაზე, რომლის თანახმადაც გალის რაიონში მცხოვრები ათასობით ეთნიკური ქართველი აფხაზეთის მოქალაქეობის მიღებას შეძლებდა. (Civil.Ge)
• ინტერნეტშეტევა განხორციელდა ერთ-ერთ ქართველ ბლოგერზე მეტსახელად „Cyxymu“, რამაც მწყობრიდან გამოიყვანა თავად მიკრო-ბლოგინგის საიტი „Twitter“-ი. (Civil.Ge)
• საქართველოში აგვისტოს ომის წლისთავი აღნიშნეს: გაიმართა რამდენიმე ღონისძიება, მათ შორის 15:00 საათზე წუთიერი დუმილის აქცია დაღუპულთა პატივსაცემად. (Civil.Ge)
• პრეზიდენტი სააკაშვილი არასაპარლამენტო ოპოზიციის რამდენიმე ლიდერს შეხვდა, ოპოზიციის დაყენებულ საკითხებს შორის იყო პოლიტიკური დევნის შეწყცეტა მისი წევრების მიმართ. (Civil.Ge)

6 აგვისტო, 2009

• საქართველოს მთავრობამ გამოაქვეყნა ანგარიში, სადაც ასახულია რუსეთ-საქართველოს ომის მისეული ვერსია, სადაც დეტალურადაა აღწერილი 90-იანი წლების დასაწყისის მოვლენები და უშუალოდ ომის მსვლელობა. (Civil.Ge)
• პარლამენტმა მიიღო დადგენილება ავღანეთის სამშვიდობო მისიაში საქართველოს შეიარაღებული ძალების მონაწილეობის შესახებ. (Civil.Ge)

5 აგვისტო, 2009

• სეპარატისტული სამხრეთ ოსეთის პარლამენტმა ედუარდ კოკოითის წარდგინებით დე ფაქტო მთავრობის თავმჯდომარედ ვადიმ ბროვცევი დაამტკიცა. (Civil.Ge)

4 აგვისტო, 2009

• ქუთაისის არქეოლოგიურმა ექსპედიაციამ ბაგრატის ტაძარში დაახ. VII საუკუნის პერიოდის, სავარაუდოდ სამეფო ოჯახის წევრი ქალის სამარხი აღმოაჩინა, რაც ბოლო წლებში ჩატარებული არქეოლოგიური სამუშაოების ერთ–ერთი ყველაზე მნიშვნელოვანი და მასშტაბური აღმოჩენაა. (1 არხი)
• რუსეთის საგარეო საქმეთა სამინისტროს განაცხადებით, რუსეთის ჯარები სამხრეთ ოსეთში გაძლიერებულ საბრძოლო მზადყოფნაზე გადავიდნენ, რადგან ქართული მხარე „არ წყვეტს პროვოკაციებს“. (Civil.Ge)
• სეპარატისტული სამხრეთ ოსეთის პრეზიდენტმა ედუარდ კოკოითმა „ჯანმრთელობის“ გამო სეპარატისტული მთავრობის თავმჯდომარე ასლანბეკ ბულაცევი თანამდებობიდან გაათავისუფლა. (Civil.Ge)

3 აგვისტო, 2009

• ოფიციალური თბილისის განცხადებით „ოკუპანტები“ საზღვრის გადმოწევას ცდილობენ, მონიშნეს რა ბოძებით გორის რაიონის სოფელ ქვეშის ტერიტორია. (Civil.Ge)