მხარე

მხარე — ტერიტორიული ერთეული საქართველოსა და რიგ ქვეყნებში. გარდა საქართველოსა, სამხარეო დაყოფა გააჩნია რუსეთის ფედერაციას, ჩეხეთსა და სლოვაკეთს.

საქართველოს მხარეები

1994-1996 წლებში საქართველოს პრეზიდენტის დეკრეტების საფუძველზე ექსპერიმენტის ფორმით შეიქმნა საქართველოს კანონმდებლობით განსაზღვრული ადმინისტრაციულ–ტერიტორიული ერთეულების 9 დიდი გაერთიანება (მხარე). მხარეში დაინიშნა საქართველოს პრეზიდენტის სახელმწიფო რწმუნებულები. მხარე არ წარმოადგენს ადგილობრივი თვითმმართველობის ერთეულს. სამხარეო დაყოფა დაახლოებით ემთხვევა საქართველოს ისტორიულ-გეოგრაფიულ კუთხეებს.

2006 წელს განხორციელებული თვითმმართველობის რეფორმის თანახმად, სახელმწიფო რწმუნებულების ფუნქციად განისაზღვრა მხარეში შემავალი მუნიციპალიტეტების საქმიანობის კანონიერების სახელმწიფო ზედამხედველობა.

• გურიის მხარე
• იმერეთის მხარე
• კახეთის მხარე
• მცხეთა-მთიანეთის მხარე
• რაჭა-ლეჩხუმის და ქვემო სვანეთის მხარე
• სამეგრელოს და ზემო სვანეთის მხარე
• სამცხე-ჯავახეთის მხარე
• ქვემო ქართლის მხარე
• შიდა ქართლის მხარე

აფხაზეთის ავტონომიური რესპუბლიკა რაჭა-ლეჩხუმი და ქვემო სვანეთი კახეთი მცხეთა- მთიანეთი ქვემო ქართლი შიდა ქართლი სამცხე- ჯავახეთი იმერეთი სამეგრელო და ზემო სვანეთი გურია აჭარა შავი ზღვა რუსეთი თურქეთი სომხეთი აზერბაიჯანი • თბილისი