ლე მონდ დიპლომატიკი

„ლე მონდ დიპლომატიკი“ (ფრანგ. Le Monde diplomatique) არის საფრანგეთის ყოველთვიური გაზეთი და ქართულად ითარგმნება როგორც „დიპლომატიური სამყარო“. ამ გაზეთს მისი მკითხველებში შემოკლებით „ლე დიპლოს“ უწოდებენ. გამოცემის რედაქცია მთავარ ამოცანად ისახავს საერთაშორისო პოლიტიკის დაწვრილებით ანალიზსა და კომენტარს, ასევე კულტურის სხვადასხვა თემებს.

გაზეთის პირველი ფრანგულენოვანი გამოცემა 1954 წელს გამოვიდა სათაურით „ძველი დიპლომატია – ახალი დიპლომატია“. დღესდღეობით მისი ტირაჟი 300.000 ეგზემპლარია. გარდა ამისა, 38 გამოცემა გამოდის მსოფლიოს 16 სხვადსხვა ენაზე, რითაც მისი მკითხველების საერთო რაოდენობა დაახლ. 2,2 მილიონს აღწევს. გაზეთს აქვს 26 ონ-ლაინ გამოცემა.

ყოველ ორ თვეში გამოდის ჟურნალი სახელწოდებით „მანიერ დე ვუარ“ (ფრანგ. – "Manière de voir", ქართულად „თვალსაზრისი“, სიტვასიტყვით „ხედვის მანერა“). ამ ჟურნალს მხოლოდ ფრანგულ ენაზე გამოსცემენ და ყოველთვის მხოლოდ ერთ რომელიმე თემას უძღვნიან. სახელწოდებით „მანიერ დე ვუარ“ გამოიცემა ასევე გარკვეულ თემებს მიძღვნილი ატლასები და ცნობარები. მაგ.; ერთ-ერთი ასეთი გამოცემა იყო „გლობალიზაციის ატლასი“.

დიპლოს 49% ეკუთვნის „დიპლომატიური სამყაროს მეგობართა ასოციაციას“ (ფრანგ. – L'association des Amis du Monde diplomatique), დანარჩენი 51% კი გაზეთ ლე მონდს ეკუთვნის. პუბლიკაციების დამოუკიდებლობის შენარჩუნება განცხადებათა შეზღუდვით და მკითხველთა ფინანსური თანამონაწილეობით ხდება შესაძლებელი.

გამოცემას ძირითადად კრიტიკული დამოკიდებულება აქვს ეკონომიკური ლიბერალიზმისა და მისი მსოფლიო მასშტაბით გავრცელების მიმართ და წარმოადგენს თავის პოზიციას მემარცხენე სპექტრში.

1997 წელს გამოცემის მთავარი რედაქტორის იგნასიო რამონეს მეწინავე სტატია, სადაც ის ფინანსური ბაზრების დერეგულირებას აკრიტიკებდა, გახდა მიზეზი იმისა, რომ შეიქმნა გაერთიანება სახელწოდებით ატტაკ, ანუ ფრანგული აბრევიაციით იგივე Attac, რომელსაც ფრანგულადვე ჰქვია association pour une taxation des transactions financières pour l'aide aux citoyens, ხოლო ქართულად შეიძლება ითარგმნოს როგორც „გაერთიანება ფინანსურ ტრანსაქციებზე დაწესებული გადასახადების მოქალაქეთა სასარგებლოდ გამოყენებისათვის“. ატტაკი არის არასამთავრობო ორგანიზაცია, რმელიც იბრძვის ტობინის გადასახადის შემოღების წინააღმდეგ.

სხვადასხვა ენაზე გამომავალი გამოცემები

აფრიკაანსი

სამხრეთ აფრიკაში გამოდის ყოველთვიურად „დი ფრიე აფრიკაანი“ს დამატება.

არაბულად

• ეგვიპტეში: „ახბარ ალ არაბის“ დანართის სახით (380 000 ეგზემპლარი)
• მაროკოში: ყოველკვირეული პერიოდიკის „ალ საჰიფას“ დამატების სახით (30 000 ეგზემპლარი)
• ყატარში: „ალ-ვატანის“ დამატება (30 000 ეგზემპლარი)

ბულგარულად

• ყოველთვიური 4000 ეგზემპლარი

გერმანულად

• გერმანულენოვანი გამოცემა 1995 წლის მაისიდან გამოდის როგორც „ტაცის“ დამატება, რომელიც არის ზერეგიონალური გაზეთი გერმანიაში. გერმანული „დიპლოს“ ტირაჟია 100 000 ეგზემპლარი)

ასევე შვეიცარიაში გამოდის „ლე მონდ დიპლომატიკის“ გერმანული ვერსია „ვოცის“ დამატების სახით (13 600 ეგზემპლარი). იგი გამოდის ყოველ მეორე პარასკევს, თუმცა შესაძლებელია მისი ცალკე აბონირება.

ინგლისურად

• დიდ ბრიტანეთში: 6000 ეგზემპლარი
• ინდოეთში: „ჰარდ ნიუსის“ დამატება (40 000 ეგზემპლარი)

ესპერანტოზე

• „ლე მონდ დიპლომატიკ ენ ესპერანტო“ არის საინტერნეტო გამოცემა.

ეს ვერსის 2005 წელს დააარსა ესპერანტისტთა საზოგადოებამ, რომელსაც ჰქვია Monda Asembleo Socia (შემოკლ. MAS) ("„სრულიად მსოფლიო სოციალური კრება“").

ფარსი

• ირანში: „სედაიე ედალათის“ (50 000 ეგზემპლარი)

ფინურად

• გამოდის „ვოიმას“ დანართის სახით ყოველ მეოთხედწელიწადში

ფრანგულად

• 270 000 ეგზემპლარი საფრანგეთში

ბერძნულად

• გამოდის „ელეფთეროტიპიას“ ყოველ კვირადღეს ოთხ გვერდზე (200 000 ეგზემპლარი)

იტალიურად

• „ილ მანიფესტოს“ დამატება (90 000 ეგზემპლარი)

კორეულად

• 5000 ეგზემპლარი, გამოსცემს „ლე მონდ კორეა“

ხორვატიულად

• ყოველთვიური გაზეთი 10 000 ეგზემპლარი

ნორვეგიულად

• გამოსცემს ყოველთვიური გაზეთი საკვირაო ჟურნალი მორგენბლადეტი დამატების სახით (20 000 ეგზემპლარი)

პოლონურად

• ყოველთვიური გაზეთი 10 000 ეგზემპლარი

რუსულად

• „ნოვაია გაზეტას“ დამატება (90 000 ეგზემპლარი)

სერბულად

• „ნინის“ ყოველკვირეულ დანართი (30 000 ეგზემპლარი)

სლოვენურად

• გამოდის როგორც ყოველთვიური გაზეთი (8000 ეგზემპლარი)

ესპანურად

• არგენტინაში: ყოველთვიურად 30 000 ეგზემპლარი
• ბოლივიაში: ყოველ ორ თვეში („ელ ხუგეტო რაბიოსოს“) დანართის სახით (5000 ეგზემპლარი)
• ჩილეში: 10 000 ეგზემპლარი
• კოლუმბიაში: ყოველთვიურად 10 000 ეგზემპლარი
• პერუში: 2007 წლის მაისიდან ყოველთვიურად
• პუერტო რიკოში: გამოდის „კლარიდადის“ საკვირაო დანართის სახით (20 000 ეგზემპლარი)
• ესპანეთში: 25 000 ეგზემპლარი

უნგრულად

• ყოველთვიურად 101 500 ეგზემპლარი

რესურსები ინტერნეტში

• ფრანგული გამოცემა
  • 1977-მდე მონაცემები ფრანგული გამოცემა გალურ ენაზე, დიგიტალური ბიბლიოთეკა.
• გერმანული გამოცემა
  • ორგანიზაცია „ლე მონდ დიპლომატიკის მეგობრები“ (Les Amis du Monde diplomatique) („ლე მონდ დიპლომატიკი“)

• გამოცემა ესპერანტოზე
• გამოცემა არაბულ ენაზე
• გამოცემა ჩინურ ენაზე
• გამოცემა ინგლისურ ენაზე
• გამოცემა კატალანურ ენაზე
• გამოცემა კოლუმბიისათვის
• გამოცემა ხორვატიისათვის
• გამოცემა იტალიურ ენაზე
• გამოცემა იაპონურ ენაზე
• გამოცემა ნორვეგიულ ენაზე
• გამოცემა სპარსულ ენაზე
• გამოცემა პერუსთვის
• გამოცემა პოლონურ ენაზე
• გამოცემა პორტუგალიურ ენაზე
• გამოცემა რუსულ ენაზე
• გამოცემა ესპანურ ენაზე
• kurdî