ბეიკერი (კუნძული)

თავისუფალი ქართულენოვანი ენციკლოპედია ვიკიპედიიდან
(გადამისამართდა გვერდიდან კუნძული ბეიკერი)
გადასვლა: ნავიგაცია, ძიება
კუნძული ბეიკერი
მშობ. სახელი: ინგლ. Baker Island
Baker Island.svg
კუნძული ბეიკერი
გეოგრაფია
0°13′ ჩ. გ. 176°31′ დ. გ. / 0.217° ჩ. გ. 176.517° დ. გ. / 0.217; -176.517
მდებარეობა წყნარი ოკეანე
ფართობი 1,64 კმ²
სანაპიროს სიგრძე 4,8 კმ
უმაღლესი წერტილი 8 მ
აშშ
დემოგრაფია
მოსახლეობა 0 (2014)

კუნძული ბეიკერი (ინგლ. Baker Island) — ამერიკის შეერთებული შტატების არაორგანიზებული და შეუერთებელი დაუსახლებელი ტერიტორია წყნარ ოკეანეში, რომელიც იმყოფება შინაგან საქმეთა სამინისტროს დაქვემდებარების ქვეშ. ბეიკერი წარმოადგენს ატოლს, რომელიც ეკვატორის სიახლოვეს მდებარეობს, ამ ტერიტორიიდან 3100 კილომეტრში მდებარეობს ჰავაის შტატის ადმინისტრაციული ცენტრი ჰონოლულუ. ბეიკერიდან ჩრდილოეთით 68 კილომეტრში არის კუნძული ჰოულენდი.

გეოგრაფია[რედაქტირება]

ბეიკერის ფართობია 1,64 კმ², სანაპიროს სიგრძე შეადგენს 4800 მეტრს. ამ ტერიტორიის უმაღლესი წერტილია 8 მეტრი. აქ კლიმატი ეკვატორულია. კუნძულზე მთელი წლის განმავლობაში დღის ტემპერატურა შეადგენს დაახლოებით +30 °C, ხოლო ჰაერის ტენიანობა პრაქტიკულად 90 % დაბლა არ ეშვება. რელიეფი დაბალი და ქვიშიანია ხეების გარეშე. მტკნარი წყალი პრაქტიკულად არ არის. ბეიკერზე არსებული მცენარეებიდან ძირითადად აღსანიშნავია ბუჩქები, რაც შეეხება ცხოველთა სამყაროს, კუნძულზე მრავალი ზღვის ფრინველი ცხოვრობს.

ისტორია[რედაქტირება]

ბეიკერი პირველად აღმოჩენული იქნა 1818 წელს. აშშ-მ გუანოს კანონზე დაყრდნობით, რომელიც ქვეყანაში მიღებული იქნა 1856 წელს[1][2] გამოაცხადა კუნძულზე თავისი უფლებები 1857 წელს. 1886 წლიდან 1934 წლამდე ბეიკერს ჰქონდა ბრიტანეთის ზღვისიქითა ტერიტორიის სტატუსი. ორივე ქვეყანა აწარმოებდა გუანოს მოპოვებას. კუნძულის ათვისება შეწყდა მეორე მსოფლიო ომის დაწყებისთანავე.

თანამედროვე პერიოდში აშშ-ს აქ უკავია თავისი განსაკუთრებული ეკონომიკური ზონა რადიუსით 200 საზღვაო მილი.

სქოლიო[რედაქტირება]

  1. GAO/OGC-98-5 - U.S. Insular Areas: Application of the U.S. Constitution. U.S. Government Printing Office (1997-11-07). დაარქივებულია ორიგინალიდან 2013-07-06-ში. წაკითხვის თარიღი: 2013-03-23.
  2. The Guano Companies in Litigation--A Case of Interest to Stockholders. New York Times (1865-05-03). დაარქივებულია ორიგინალიდან 2013-07-06-ში. წაკითხვის თარიღი: 2013-03-23.