კრწანისი

კრწანისი — უბანი თბილისში, ფეოდალურ ხანაში - სოფელი. წყაროებში პირველად იხსენიება XIV საუკუნის ბოლოს. კრწანისი საკათალიკოსო სოფელი იყო. შუა საუკუნეებში აქ წმ. გიორგის ეკლესია იდგა. კრწანისი წარმოადგენდა დაწინაურებულ სასოფლო-სამეურნეო რეგიონს, აქ იყო სარწყავი არხი, რუ, რუსხმულები, მდინარეზე მოწყობილი იყო წყლის საქაჩი ჩარხები. კრწანისის ველზე 1795 წელს გაიმართა დიდი ბრძოლა სპარსეთისა და ქართლ-კახეთის ლაშქარს შორის.

ლიტერატურა

• ბერიძე თ., ძველი თბილისის გარეუბნების ისტორია. თბ., 1977;
• ბერიძე თ., ქსე, ტ. 6, გვ. 46, თბ., 1983