ზლატან იბრაჰიმოვიჩი

ზლატან იბრაჰიმოვიჩი

პირადი მონაცემები
სრული სახელი	ზლატან იბრაჰიმოვიჩი
დაბადების თარიღი	3 ოქტომბერი 1981 (1981-10-03)
დაბადების ადგილი	მალმე, შვედეთი
სიმაღლე	1.95 მ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	პსჟ
ნომერი	10 (18 ევროპაში)
ახალგაზრდული კარიერა
	როზენგარდი
	ბალკანი
	მალმე
პროფესიონალური კარიერა1
წლები	გუნდი	მატჩი†	(გოლი)†
1999–2001	მალმე	40	(16)
2001–2004	აიაქსი	74	(35)
2004–2006	იუვენტუსი	70	(23)
2006–2009	ინტერი	88	(57)
2009–2011	ბარსელონა	29	(16)
2010–2011	→ მილანი (იჯარით)	29	(14)
2011–2012	მილანი	32	(28)
2012-	პსჟ	31	(27)
ეროვნული ნაკრები‡
2001	შვედეთი 21	7	(6)
2001-	შვედეთი	87	(39)
1 პროფესიულ კლუბებში გამოჩენა და გოლები მხოლოდ ადგილობრივი ჩემპიონატის მონაცემებით და სწორია 5 მაისი 2013. † მატჩებში მონაწილეობა (გოლები). ‡ ეროვნულ მატჩებში მონაწილეობა და გოლები სწორია 22 მარტი 2013

ზლატან იბრაჰიმოვიჩი (შვედ. Zlatan Ibrahimović; დ. 3 ოქტომბერი, 1981, მალმე, შვედეთი) — შვედი ფეხბურთელი, საფრანგეთის ლიგა 1-ის კლუბ „პარი სენ-ჟერმენის“ და შვედეთის ეროვნული ნაკრების თავდამსხმელი.

ბიოგრაფია

ზლატან იბრაჰიმოვიჩი დაიბადა შვედეთში, ქალაქ მალმიოში 1981 წლის 3 ოქტომბერს.

მისი მამა იყო ბოსნიელი, დედა კი ხორვატი. ”ახმახი” შვედი თავდამსხმელი ”ბარსელონას” თავისი კარიერის პიკზე შეუერთდა. დღესდღეობით იბრაჰიმოვიჩი მსოფლიოში ერთ–ერთი საუკეთესო ცენტრფორვარდია. იგი კარგად თამაშობს მეორე სართულზე, არის სწრაფი, შედეგიანი, ეფექტური. მისი სათამაშო სტილი თანაგუნდელებს უკეთ თამაშის საშუალებას აძლევს.

საკლუბო კარიერა

მალმიო

საფეხბურთო კარიერა იბრაჰიმოვიჩმა "მალმიოში” დაიწყო, 2001 წელს კი "აიაქსში” გადაბარგდა. ამსტერდამულ კლუბში იბრაჰიმოვიჩმა დაიწყო იმ თამაშის ჩვენება, რომლის წყალობითაც მთელი მსოფლიოს ყურადღება მიიქცია. "აიაქსში” შვედის მწვრთნელი, წარსულში "ბარსელონას” ვარსკვლავი, რონალდ კუმანი იყო.

აიაქსი

ჰოლანდიაში გატარებული სამი წლის განმავლობაშიც მან ჰოლანდიის ჩემპიონატი სამჯერ, ასევე ქვეყნის თასი და სუპერთასი მოიგო. შემდეგ კი დადგა იტალიური ერის დრო. "აიაქსიდან” ზლატანი ტურინის "იუვენტუსში” გადაბარგდა, სადაც მისი დამრიგებელი ფაბიო კაპელო იყო.

იუვენტუსი და ინტერი

ტურინულ კლუბში შვედი თავდამსხმელი ორი წლის განმავლობაში თამაშობდა. ამ ხნის განმავლობაში "იუვემ” ორჯერ მოახერხა იტალიის სერია A-ს მოგება, მაგრამ ცნობილი სკანდალის, კერძოდ "კალჩოპოლის" გამო, გარიგებულ მატჩებში მონაწილეობის ბრალდებით გუნდს ორივე ტიტული ჩამოერთვა და სერია B-ში იქნა დაქვეითებული. იბრაჰიმოვიჩმა მეორე დივიზიონში თამაშს კვლავ სერია A-ში ასპარეზობა არჩია და მილანის "ინტერში” გადაბარგდა, სადაც ზედიზედ სამჯერ მოიგო იტალიის ჩემპიონატი. შვედი ფეხბურთელი თავდასხმის ლიდერი იყო როგორც მანჩინის, ასევე მაურინიოს მწვრთნელობის დროსაც.

ბარსელონა

იბრაჰიმოვიჩი ბარსელონაში ყოფნისას.

"ბარსელონაში” იბრაჰიმოვიჩის პრეზენტაცია 2009 წლის 27 ივლისს შედგა და მას 60,000 გულშემატკივარი დაესწრო, რაც კლუბის ისტორიაში რეკორდული მაჩვენებელია.

მილანი

2010 წლის 28 აგვისტოს ზლატანი "მილანში" გადავიდა ერთ წლიანი იჯარით, მაგრამ კონტრაქტის თანახმად მილანელებს სეზონის დასრულების შემდეგ შეუძლიათ შვედი ფორვარდის სრულად გამოსყიდვა 24 მილიონ ევროდ. მისი დებიუტი 11 სექტემბერს ჩეზენას წინააღმდეგ შედგა სადაც "მილანი" 2-0 დამარცხდა. იბრაჰიმოვიჩმა თავისი პირველი გოლი ჩემპიონთა ლიგაზე ოსერის წინააღმდეგ გაიტანა ის მატჩი "მილანმა" 2-0 მოიგო ზლატანის დუბლის წყალობით.

სანაკრებო კარიერა

იბრაჰიმოვიჩი .

ზლატანი ასევე წამყვანი ფეხბურთელია შვედეთის ნაკრებშიც. ქვეყნის საუკეთესო ფეხბურთელად იბრაჰიმოვიჩი სამჯერ, 2005, 2007 და 2008 წლებში იქნა არჩეული. მას ნაკრების მაისურით 66 თამაშში 25 გოლი აქვს გატანილი. ზლატანი ამჟამად შვედეთის ნაკრების კაპიტანი და გუნდის უდავო ლიდერია.

თვისებები

იბრაჰიმოვიჩი ყოველთვის ითვლებოდა განსაკუთრებული თვისებებით დაჯილდოებულ ფეხბურთელად, რომელსაც არაერთი ულამაზესი გოლი აქვს გატანილი. იტალიაში მას ზედმეტსახელად ”იბრაკადაბრა” შეარქვეს. მიუხედავად იმისა, რომ შვედი 195 სანტიმეტრია, იგი მაინც შესანიშნავ ტექნიკას ფლობს, არის ფიზიკურად ძლიერი. გასულ სეზონში მან „ინტერის“ შემადგენლობაში, იტალიის ჩემპიონატში 25 გოლის გატანა მოახერხა.

ტიტულები

აიაქსი

• ერედივიზია (2): 2001–02, 2003–04
• ჰოლანდიის თასი: 2001–02
• იოჰან კრუიფის ტიტული: 2002

იუვენტუსი

• სერია A (2): 2004–05, 2005–06 (კლუბს ჩამოერთვა ორივე ტიტული ცნობილი სკანდალის - კალჩოპოლის გამო)

ინტერი

• სერია A (3): 2006–07, 2007–08, 2008–09
• იტალიის სუპერთასი (2): 2006, 2008

ბარსელონა

• ლა ლიგა: 2009–10
• ესპანეთის სუპერთასი (2): 2009, 2010
• უეფა-ს სუპერთასი: 2009
• ფიფა-ს მსოფლიო საკლუბო ჩემპიონატი: 2009

მილანი

• სერია A (1): 2010–11
• იტალიის სუპერთასი (1): 2011

რესურსები ინტერნეტში

• შეგიძლიათ იხილოთ მედიაფაილები თემაზე „ზლატან იბრაჰიმოვიჩი“ ვიკისაწყობში.
• Zlatan Ibrahimović statistics – ESPNsoccernet
• Zlatan Ibrahimović at Nike.com
• Zlatan Ibrahimović – UEFA.com