გიორგი VII (საქართველოს მეფე)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ გიორგი VII.
გიორგი VII
საქართველოს მეფე
მმართ. დასაწყისი: 1393
მმართ. დასასრული: 1407
წინამორბედი: ბაგრატ V
მემკვიდრე: კონსტანტინე I
დაბ. თარიღი:
გარდ. თარიღი: 1407
მეუღლე: ნესტან-დარეჯანი (საქართველოს დედოფალი)
დინასტია: ბაგრატიონები
მამა: ბაგრატ V
დედა: ელენე

გიორგი VII — საქართველოს მეფე 1393-1407, ბაგრატ V-ის ძე. მამამისის სიცოცხლეშივე განაგებდა საქართველოს სხვადასხვა კუთხეს და წყაროებშიც ამ დროიდან იხსენიება მეფედ. გიორგი VII-ის მეფობის დროს 1394-1403 წლებში თემურლენგი მრავალჯერ შემოესია საქართველოს (თემურლენგის ლაშქრობები საქართველოში). მისმა ლაშქარმა სასტიკად ააოხრა ჰერეთ-კახეთი, თრიალეთი,ქვემო და შიდა ქართლი, იმერეთი. თემურლენგის მთავარი მიზანი ქვეყნის დაპყრობა და გამაჰმადიანება იყო. მიუხედავად დიდი სისასტიკისა, მან მაინც ვერ შეძლო ქართველი ხალხის წინააღმდეგობის დაძლევა და გიორგი მეფის ხელში ჩაგდება. 1403 წელს თემურლენგმა ზავი დადო გიორგი VII-თან, რომლის პირობების თანახმად ქართველთა მხარეს ხარკის გადახდა, ჯარის გამოყვანა, სამიმოსვლო გზების დაცვა ევალებოდა. სამაგიეროდ, თემურლენგი საქართველოს ხელშეუხებლობას აღუთქვამდა და ცნობდა როგორც ქრისტიანულ ქვეყანას.
გიორგი VII 1407 წელს დაიღუპა თურქმან ტომებთან ბრძოლაში.

ლიტერატურა[რედაქტირება]

  • ჩხატარაიშვილი ქ., ქსე, ტ. 3, გვ. 161, თბ., 1978


წინამორბედი:
ბაგრატ V
საქართველოს მეფე
1393- 1407
შემდეგი:
კონსტანტინე I