კონსტანტინე I (საქართველოს მეფე)
| კონსტანტინე I | |
|---|---|
 | |
| საქართველოს მეფე | |
| მმართ. დასაწყისი: | 1407 |
| მმართ. დასასრული: | 1411 |
| წინამორბედი: | გიორგი VII |
| მემკვიდრე: | ალექსანდრე I |
| პირადი ცხოვრება | |
| დაბ. თარიღი: | 1369 |
| გარდ. თარიღი: | 1411 |
| მეუღლე: | ნათია ამირეჯიბი |
| შვილები: |
1.ალექსანდრე I 2.ბაგრატი 3.გიორგი |
| დინასტია: | ბაგრატიონები |
| მამა: | ბაგრატ V |
| დედა: | ანა კომნენოსი |
| ხელმოწერა: |
.svg) |
კონსტანტინე I (გ. 1411) — საქართველოს მეფე 1407-1411, ბაგრატ V-ის ძე. 1400 თავისი ძმის, საქართველოს მეფის გიორგი VII-ის (1393-1407) დესპანი იყო თემურლენგთან და მიაღწია შეთანხმებას. 1401-1402 თემურლენგთან ზავის დადების მომხრე იყო. ამ ნიადაგზე ძმებს შორის უთანხმოება ჩამოვარდა, კონსტანტინე სამცხის ათაბაგ ივანე ჯაყელთან ერთად გიორგი VII-ს განუდგა და საჩუქრებით ეახლა თემურლენგს. ამის მიუხედავად, კონსტანტინე მტრის იარაღად არ ქცეულა და საქართველოს ინტერესებისათვის იღვწოდა. გამეფების შემდეგ ენერგიულად შეუდგა მტრის შემოსევებით გაპარტახებული ქვეყნის აღდგენას, მაგრამ აღარ დასცალდა. XV საუკუნის დასაწყისში ირანის აზერბაიჯანს შავბატკნიანთა (ყარა-ყოიუნლუ) თურქმანული ტომის მეთაური ყარა იუსუფი დაეუფლა, რომელიც ცდილობდა თავისი სამფლობელოების გაფართოებას. 1411 ის შირვანში შეიჭრა. შირვანელებმა დახმარება სთხოვეს კონსტანტინე I-ს, რომელიც 2000 მხედრით მოეშველა მათ. ჩალაღანთან სასტიკ ბრძოლაში კონსტანტინე I ტყვედ ჩავარდა. ტყვეობაში მამაცურად ეჭირა თავი, რის გამოც ყარა-იუსუფმა მას საკუთარი ხელით მოჰკვეთა თავი.
ლიტერატურა[რედაქტირება | წყაროს რედაქტირება]
- ივ., ჯავახიშვილი, ქართველი ერის ისტორია, ტ. III, თბ., 1966 წ. გვ. 424-423
| წინამორბედი: გიორგი VII |
საქართველოს მეფე 1407 - 1411 |
შემდეგი: ალექსანდრე I |
| |||||