ბაქოს სახელმწიფო უნივერსიტეტი

ბაქოს სახელმწიფო უნივერსიტეტი
Bakı Dövlət Universiteti
დაფუძნდა	1919
ტიპი	საჯარო
თანამშრომელი	1300
რექტორი	აბელ მაჰარამოვი
მდებარეობა	აზერბაიჯანი
ქალაქი	ბაქო
ქვეყანა	აზერბაიჯანი
www.bsu.edu.az

ბაქოს სახელმწიფო უნივერსიტეტი (აზერ. Bakı Dövlət Universiteti) — უმაღლესი საგანმანათლებლო დაწესებულება აზერბაიჯანში. დაარსდა 1919 წელს მამედ ემინ რასულზადეს მიერ.

უნივერსიტეტში 13 ფაკულტეტია რომელზეც 22000-ზე მეტი სტუდენტი სწავლობს. უნივერსიტეტის დაქვემდებარებაში შედის აგრეთვე გამოყენებითი მათემატიკის და ფიზიკური პრობლემების სამეცნიერო-კვლევითი ინსტიტუტები, საგამოფენო ცენტრი, 5 მუზეუმი, ბიბლიოთეკა და გამომცემლობა.

უნივერსიტეტში 121 კათედრაა, მათ შორის საბუნებისმეტყველო და ჰუმანიტარულ მეცნიერებათა, 37 სამეცნიერო-კვლევითი და სამეცნიერო ლაბორატორია და სხვა.

ისტორია

უნივერსიტეტის გერბი

1919 წლის 1 სექტემბერს აზერბაიჯანის დემოკრატიული რესპუბლიკის პარლამენტის სხდომაზე მიღებული იქნა კანონი ბაქოში სახელმწიფო უნივერსიტეტის შექმნის თაობაზე — ახალი სასწავლო დაწესებულება შეიქმნა ევროპისა და აზიის კვეთაზე. უნივერსიტეტი დაარსდა 4 ფაკულტეტით (ისტორიულ-ფილოლოგიური, ფიზიკა- მათემატიკიკური, სამართალსა და მედიცინის ფაკულტეტები). უნივერსიტეტის პირველი რექტორი იყო ცნობილი ქირურგი ვ. რაზუმოვსკი.

1920 წელს სახელმწიფო უნივერსიტეტი გაიხსნა სამედიცინო და ისტორიულ-ფილოლოგიურ ფაკულტეტთა საფუძველზე. 1924 წელს მას აზერბაიჯანის სახელმწიფო უნივერსიტეტი დაერქვა.1930 წელს უნივერსიტეტი რამდენიმე დამოუკიდებელ ინსტიტუტად გარდაიქმნა. 1934 წლის 4 ნოემბერს უნივერსიტეტი აღდგენილი იქნა როგორც აზერბაიჯანის სახელმწიფო უნივერსიტეტი, მას ს. კიროვის სახელი დაერქვა.

დიდი სამამულო ომის დროს, ბევრი პროფესორის და მასწავლებლის არარსებობის მიუხედავად, უნივერსიტეტი მაინც წინარე პოზიციაზე დარჩა. 1945 წელს უნივერსიტეტის მეცნიერებმა აქტიური მონაწილეობა მიიღეს აზერბაიჯანის მეცნიერებათა აკადემიის ორგანიზაციაში. აზერბაიჯანის რესპუბლიკის უმაღლესი სასწავლებლების უმრავლესობა, მათ შორის, აზერბაიჯანის სამედიცინო უნივერსიტეტი, აზერბაიჯანის სახელმწიფო ეკონომიკური უნივერსიტეტი, აზერბაიჯანის სახელმწიფო პედაგოგიური უნივერსიტეტი და სხვები დაარსდა ბაქოს სახელმწიფო უნივერსიტეტის ბაზაზე. მან თავისი 50 წლის იუბილე 13 ფაკულტეტით აღნიშნა.

ჩარიცხვა და სწავლის საფასური

სტუდენტების ჩარიცხვა ხდება გამოცდების საფუძველზე. არსებობს უფასო და ფასიანი ფაკულტეტები. საბაკალავრო სწავლების ღირებულება 3000 აშშ დოლარზე ნაკლებია.

უნივერსიტეტის შემადგენლობა

ბაქოს სახელმწიფო უნივერსიტეტი უმაღლესი საგანმანათლებლო დაწესებულებაა, სტუდენტთა რაოდენობა 22 ათასს შეადგენს, მათ შორის არიან უცხოელები (სტუდენტების საერთო რაოდენობის 3%). პროფესორთა რიცხვი თითქმის 1400 ადამიანია. სტუდენტებს სთავაზობენ სხვადასხვა პროგრამებს საერთაშორისო გაცვლისთვის.

უნივერსიტეტის ინფრასტრუქტურა

ბაქოს სახელმწიფო უნივერსიტეტი

უნივერსიტეტს 4 კორპუსი აქვს. საგანმანათლებლო დაწესებულებას გააჩნია საკუთარი ბიბლიოთეკა და სპორტული ობიექტები. უნივერსიტეტს ასევე აქვს გამომცემლობა, სადაც სამეცნიერო ნაშრომები, სხვადასხვა ლიტერატურა და გაზეთი „ბაქოს უნივერსიტეტი“ გამოიცემა, რომელიც აღწერს სტუდენტის ცხოვრებასა და უნივერსიტეტის სასწავლო საქმიანობას. საგანმანათლებლო დაწესებულებას აქვს საკუთარი სპორტული კომპლექსი და პოლიკლინიკა. უნივერსიტეტი ევროპის უნივერსიტეტის ასოციაციის (EUA) შემადგენლობაში შედის.

განათლების სისტემა

ევროპის განათლების სისტემაში ინტეგრირების მიზნით, უნივერსიტეტმა გადაანაცვლა სამწლიანი განათლებაზე (ბაკალავრიატი, მაგისტრატურა, დოქტორანტურა). საბაკალავრო დონეზე სწავლების დასრულებულის შემდეგ  დიპლომის დაცვა ხდება. მაგისტრატურაში სწავლება მთავრდება სამაგისტრო ნაშრომის დაცვით. უნივერსიტეტში სტუდენტთა ცოდნა შეფასებულია ას ქულიანი საკრედიტო სისტემით.

დოქტორანტურა დასრულებულად ითვლება დისერტაციის დაცვითა და მეცნიერების კანდიდატის ხარისხის მინიჭებით.

მეორე უმაღლესი განათლება

მეორე უმაღლესი განათლება შეიძლება მიღებულ იქნას ბაქოს სახელმწიფო უნივერსიტეტსა და კონკურსში ინდივიდუალურ მოქალაქეებს შორის დადებული ხელშეკრულების საფუძველზე უნივერსიტეტის მიერ დადგენილი წესით. ისინი, ვინც წარმატებით გაივლიან გასაუბრებას მეორე უმაღლესი განათლების მისაღებად ირიცხებიან უნივერსიტეტში. სწავლება ფასიანია.

სპეციალობები

უნივერსიტეტში ეუფლებიან შემდეგ სპეციალობას:

• მათემატიკა;
• გამოყენებითი მათემატიკა;
• მექანიკა;
• ფიზიკა;
• ასტრონომია;
• ქიმია;
• ბიოლოგია;
• ბიოქიმია;
• გეოგრაფია;
• მეტეოროლოგია და კლიმატოლოგია;
• ჰიდროლოგია;
• ოკეანოლოგია;
• ფილოსოფია;
• პოლიტიკის მეცნიერება;
• სოციოლოგია;
• ფსიქოლოგია;
• ისტორია;
• სამართალმცოდნეობა;
• საერთაშორისო სამართალი;
• საერთაშორისო ურთიერთობები;
• აღმოსავლეთმცოდნეობა (არაბული, თურქული, სპარსული, ჩინური, ებრაული, იაპონური, ჩინური, კორეული ფილოლოგია);
• ჟურნალისტიკა;
• საერთაშორისო ჟურნალისტიკა;
• რუსული ენა და ლიტერატურა;
• აზერბაიჯანული ენა და ლიტერატურა;
• ეკონომიკა;
• ეკონომიკური კიბერნეტიკა;
• ბიბლიოთეკის მეცნიერება და ბიბლიოგრაფია;
• სასარგებლო წიაღისეულის ძიება და შესწავლა;
• ბუნების დაცვა და ბუნებრივი რესურსების რაციონალური გამოყენება;
• გამოყენებითი გეოდეზია;
• კარტოგრაფია;
• ჰიდროგეოლოგია და საინჟინრო გეოლოგია;
• გეოქიმია;
• მინერალოგია და კრისტალიზაცია;
• ფიზიკური ელექტრონიკა;
• ბიბლიოგრაფია და წიგნის სავაჭრო ორგანიზაცია;
• თეოლოგია;
• იურისპრუდენცია.

რეიტინგი

2014 წელს, „აზერბაიჯანის რესპუბლიკის ექსპერტთა ჯგუფის“ სააგენტომ უნივერსიტეტს მიანიჭა რეიტინგი „D”, რაც ნიშნავს „მისაღები დონის“ კურსდამთავრებულებს.

ბაქოს სახელმწიფო უნივერსიტეტი აზერბაიჯანის ეროვნული რეიტინგის მეორე რიგშია.

რეიტინგში „QS World University Rankings-2011“ ბაქოს სახელმწიფო უნივერსიტეტი შევიდა მსოფლიოს 700 უნივერსიტეტების სიაში.

რესურსები ინტერნეტში

• უნივერსიტეტის ოფიციალური საიტი (აზერბაიჯანული), (ინგლისური), (რუსული)
• БАКИНСКИЙ ГОСУДАРСТВЕННЫЙ УНИВЕРСИТЕТ დაარქივებული 2020-07-14 საიტზე Wayback Machine.
• The World University Rankings
• Baku State University Law Review