ოფრეთი

სოფელი ოფრეთი ქვეყანა  საქართველოსაქართველო მხარე ქვემო ქართლი ქვემო ქართლის მხარე მუნიციპალიტეტი მარნეულის მუნიციპალიტეტი კოორდინატები 41°14′57″ ჩ. გ. 44°37′52″ ა. გ. ზღვის დონიდან 1070 მ მოსახლეობა 80 კაცი (2014) ეროვნული შემადგენლობა ბერძნები (78%) ქართველები (9%) სომხები (8%) სასაათო სარტყელი UTC+4 სატელეფონო კოდი +995

ოფრეთი — სოფელი საქართველოში, ქვემო ქართლის მხარის მარნეულის მუნიციპალიტეტში, მდებარეობს ლოქის ქედის ჩრდილოეთ კალთაზე, მდინარე შულავრის (ხრამის მარჯვენა შენაკადი) ნაპირზე, ზღვის დონიდან 1070 მეტრზე, მარნეულიდან დაშორებულია 50 კილომეტრით.

სოფელში შემორჩენილია ქართული ხუროთმოძღვრების ძეგლი – ადრინდელი ფეოდალური ხანის ციხე. ნაგებია საშუალო ზომის კვადრების სწორი რიგებით. შემოზღუდულია მრგვალკოშკებიანი გალავნით. ციხის ტერიტორიაზე განლაგებულია ნაგებობათა კომპლექსი, რომელსაც დაჰყურებს ციტადელი — ფეოდალური რეზიდენცია. ოფრეთის მიდამოებშია ადრინდელი ფეოდალური ხანის ნალისებრაფსიდიანი მცირე ეკლესია.

დემოგრაფია

2014 წლის აღწერის მონაცემებით სოფელში ცხოვრობს 80 ადამიანი.

აღწერის წელი	მოსახლეობა	კაცი	ქალი
2002	158	71	87
2014	80	39	41

იხილეთ აგრეთვე

• გორული
• ოფრეთის ციხე

ლიტერატურა

• ქართული საბჭოთა ენციკლოპედია, ტ. 7, გვ. 608, თბ., 1984 წელი.