ლენქორანის რეგიონი

ლენქორანის რეგიონი

ლენქორანის (ეკონომიკური) რეგიონი (აზერ. Lənkəran iqtisadi rayonu) — აზერბაიჯანის ეკონომიკური რაიონებიდან ერთ-ერთი. რეგიონში შედის შემდეგი რაიონები: ასტარის, ჯალილაბადის, ლერიქის, მასალის, ლენქორანის და იარდიმლის.

ფართობი — 6070 კმ²-ია, რაც მთლიანი აზერბაიჯანის ტერიტორიის 7% შეადგენს. რელიეფის მიხედვით რეგიონი დაყოფილია 2 ნაწილად - თალიშის დაბლობად და თალიშის მთებად. ტერიტორიის 26% დაფარულია ტყეებით. ტერიტორია ასევე მდიდარია თერმული და მინერალური წყლებით.

მოსახლეობა — 893,3 ათასი კაცი (2015 წლის მონაცემებით), რაც მთლიანი აზერბაიჯანის მოსახლეობის 9,3% შეადგენს. მოსახლეობის უმრავლესობას შეადგენენ აზერბაიჯანელები, ასევე ცხოვრობენ თალიშები და რუსები.

ეკონომიკა

სოფლის მეურნეობაში დომინირებს: მებოსტნეობა, მეჩაიეობა, მევენახეობა, მარცვლეულის მოყვანა, ციტრუსის მოყვანა. ქვეყანაში წარმოებული ჩაის 99%, ბოსტნეულის 27%, სიმინდის 15%, კარტოფილის 24%, ყურძნის 13% და ხილის 10% მოდის ამ რეგიონის წილზე. ლენქორანის ეკონომიკური რეგიონი ქვეყნაში ციტრუსების მთავარი მწარმოებელია. რეგიონში ასევე განვითარებულია მეთევზეობა.

რესურსები ინტერნეტში

• აზერბაიჯანის ეკონომიკური რუკა დაარქივებული 2015-06-28 საიტზე Wayback Machine.
• აზერბაიჯანის რესპუბლიკის სახელმწიფო პროგრამა რეგიონების სოციალურ-ეკონომიკური განვითარების (2004-2008 წწ). დაარქივებული 2016-10-13 საიტზე Wayback Machine.
• აზერბაიჯანის რეგიონები