აბუქეთა

სოფელი
აბუქეთა
ქვეყანა	საქართველო
ავტონომიური რესპუბლიკა	აჭარის ავტონომიური რესპუბლიკააჭარის ავტონომიური რესპუბლიკა
მუნიციპალიტეტი	ქედის მუნიციპალიტეტი
თემი	წონიარისი
კოორდინატები	41°38′33″ ჩ. გ. 42°01′40″ ა. გ.
ცენტრის სიმაღლე	344 მ
მოსახლეობა	279 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

აბუქეთა — სოფელი საქართველოში, აჭარის ავტონომიური რესპუბლიკის ქედის მუნიციპალიტეტში, წონიარისის თემში (სოფლები: აბუქეთა, ვარჯანისი, კანტაური, საბადური, ტიბეთა, წონიარისი). მდებარეობს მდინარე აჭარისწყლის მარცხენა მხარეს, ზღვის დონიდან 360-400 მეტრ სიმაღლეზე. 2014 წლის აღწერის მონაცემებით სოფელში ცხოვრობს 279 კაცი.

დემოგრაფია

აღწერის წელი	მოსახლეობა
2002	265
2014	279

ისტორია

სოფელი აბუქეთა მოხსენიებულია აჭარის მოკლე დავთარში (გვ. 167), რომლის მიხედვითაც სოფელი შედიოდა ზემო აჭარის ლივის ქვემო აჭარის ნაჰიეში. აგრეთვე აღნუსხულია ამიერკავკასიის მხარის მოსახლეობის 1886 წლის საოჯახო სიებში, რომლის მიხედვითაც შედიოდა ქუთაისის გუბერნიის ბათუმის ოკრუგის ზემო აჭარის უბანსა და კვაშტის სასოფლო თემში. ამ პერიოდში აქ ცხოვრობდა 25 კომლი (110 მოსახლე). მთელი მოსახლეობა რეგისტრირებული იყო როგორც სუნიტი აჭარელი. დატანილია 5-ვერს. რუკაზე: Абукети (5-ти верст. карта: Г7). თითოეული დავთრის მიხედვით წლიური გადასახადების ჯამი მარცვლეულსა და სხვაზე შეადგენდა 3000 ახჩას.

ლიტერატურა

• ენციკლოპედია „საქართველო“, ტ. 1, თბ., 1997. — გვ. 39.
• დ. ნიკოლაიშვილი, დ. სართანია, ა. უჯმაჯურიძე, დ. კირთაძე, მ. კვეტენაძე. მესხეთი ოსმალური დავთრების მიხედვით. „გურჯისტანის ვილაიეთის დიდი დავთარი", თბ., უნივერსალი, 2021.
• აჭარის ტურისტული რუკა, 2019 წ.
• Сводъ статистическихъ данныхъ..., 1893.
• „აჭარის ვრცელი დავთარი“: გვ. 53, 92.
• „აჭარის მოკლე დავთარი“: გვ. 167.