მერისი (ქედის მუნიციპალიტეტი)
მერისი (1948 წლამდე ქეშიოღლები, ორთამელა) — სოფელი საქართველოში, აჭარის ავტონომიური რესპუბლიკის ქედის მუნიციპალიტეტში. მერისის თემის ცენტრი (სოფლები: გარეტყე, გუნდაური, ინაშარიძეები, ნამონასტრევი, სილიბაური, სიხალიძეები).
მდებარეობს მდინარე მერისის მარჯვენა ნაპირზე. ზღვის დონიდან 700 მ სიმაღლეზე. დაბა ქედიდან დაშორებულია 9 კილომეტრით. 2014 წლის აღწერის მონაცემებით, სოფელში ცხოვრობს 300 კაცი[1]. სოფელში არის საჯარო სკოლა.
დემოგრაფია[edit | edit source]
| აღწერის წელი | მოსახლეობა |
|---|---|
| 2002 | 337[2][3] |
| 2014 | 300[1] 
|
მევენახეობა[edit | edit source]
საბჭოთა პერიოდში მერისი აჭარის მევენახეობა–მეღვინეობის ერთ–ერთი ძლიერი ცენტრი იყო. საკოლმეურნეო ზვრებში გამოიყენებოდა სამი ძირითადი ჯიში: ჩხავერი, ცოლიკოური და ალიგოტე. ამჟამად ყოფილი საკოლმეურნეო ვენახები თითქმის მთლიანად განადგურებულია. მათ ნაცვლად ითესება სიმინდი და ბოსტნეული, მოსახლეობაში შემორჩენილია აგრეთვე ჩხავერი და ცოლიკოური.[4]
ლიტერატურა[edit | edit source]
- ქართული საბჭოთა ენციკლოპედია, ტ. 6, გვ. 588, თბ., 1983 წელი.
სქოლიო[edit | edit source]
- ↑ 1.0 1.1 1.2 მოსახლეობის 2014 წლის აღწერა (არქივირებული). საქართველოს სტატისტიკის ეროვნული სამსახური (ნოემბერი 2014). ციტირების თარიღი: 30 დეკემბერი 2019.
- ↑ pop-stat.mashke.org — საქართველოს დასახლებული პუნქტების მოსახლეობა
- ↑ საქართველოს სტატისტიკის სახელმწიფო დეპარტამენტი — სოფლების მოსახლეობა 2002 წელი
- ↑ [1]
| ||||||||||
