ჯიმ კერი

ჯიმ კერი Jim Carrey
2013 წელს
დაბადების სახელი	ჯეიმზ იუჯინ კერი
დაბადების ადგილი	ნიუმარკეტი, ტორონტო, პროვინცია, კანადა
დაიბადა	თარგი:დაბადები თარიღი და ასაკი
შემოქმედების წლები	1979-დღემდე
მეუღლე(ები)	მელისა უომერი (1987-1995) ლორენ ჰოლი (1996-1997) ჯენი მაკარტი (2005-2010)
ოფიციალური ვებგვერდი	JimCarrey.com
ოქროს გლობუსი
საუკეთესო მსახიობი - დრამა ფილმში 1999 ტრუმანის შოუ საუკეთესო მსახიობი – კომედიურ/მუსიკალურ ფილმში 2000 ადამიანი მთვარეზე

ჯეიმზ იუჯინ „ჯიმ“ კერი (ინგლ. Jim Carrey; დ. 17 იანვარი, 1962) — ორგზის ოქროს გლობუსის მფლობელი კანადელ-ამერიკელი მსახიობი და კომიკოსი. ჯიმ კერი ცნობილი გახდა ფილმებით: ეის ვენტურა-ცხოველების დეტექტივი (1994) და ეის ვენტურა-როცა ბუნება გიხმობს (1995),ასევე ფილმებით ნიღაბი (1994), მეკაბელე (1996) და მატყუარა,მატყუარა(1997). 1998 და 1999 ჯიმ კერიმ მიიღო ოქროს გლობუსი ფილმებისთვის ტრუმანის შოუ (1998) და ადამიანი მთვარეზე (1999). წარმატებით სარგებლობდა კერის შემდგომი ფილმებიც, ისეთები როგორიცაა: ყოვლისშემძლე ბრიუსი(2003), დიკის და ჯეინის გართობა (2005) და ყოველთვის თქვი დიახ (2008).

ბიოგრაფია

ადრეული ცხოვრება

ჯიმ კერი კანადის ქალაქ ნიუმარკეტში, ონტარიოს პროვინციაში დაიბადა. მისი მშობლები იყვნენ დიასახლისი კეტლინ კერი და მუსიკოსი და ბუღალტერი პერსი კერი. ჯიმს ჰყავს სამი უფროსი და-ძმა: ჯონი, პატრიცია და რიტა.მისი მშობლები რელიგიური აღმსარებლობით კათოლიკეები იყვნენ. დედამისი შოტლანდიელთა შთამომავალი იყო, მამა კი ფრანგი კანადელი. ჯიმი 14 წლის იყო როცა მისი ოჯახი საცხოვრებლად შტატ ონტარიოს ქალაქ სკარბოროში გადავიდა საცხოვრებლად.1 წლის შემდეგ ჯიმი სასწავლებლად გადავიდა ქალაქ ბერლინგტონში და იქ 8 წლის განმავლობაში ცხოვრობდა და სწავლობდა ელდერშოთის უნივერსტეტში.

კარიერა

კომედია

1979 წელს კერიმ დაიწყო მონაწილეობა ტორონტოს იუკი-იუკის კომედიურ შოუში, ერთი წლის შემდეგ კი გახდა ამ შოუს წამყვანი. 1981 წელს ჯიმი გადავიდა ლოს-ანჯელესში და დაიწყო მუშაობა კომედი სთორში. სწორედ ამის შემდეგ მიაქციეს ყურადღება ჯიმ კერის ტელევიზიებმა და 1981 წელს ის შეუერთდა NBC-ის პოპულარული შოუს შაბათ ღამეს პირდაპირ ეთერში სცენარისტთა ჯგუფს. 1983 წლამდე იგი ასრულებდა ეპიზოდურ როლებს სხვადასხვა ფილმებში.

ფილმები

ჯიმმა პირველი დიდი როლი მიიღო ფილმში კუპერის მთები. 90-იან წლებამდე მან მონაწილეობა მიიღო რამდენიმე ნაკლებად ცნობილ ფილმში. პირველი დიდი წარმატება კი კერის მოუტანა ფილმმა ეის ვენტურა-ცხოველების დეტექტივი.მიუხედავად კრიტიკოსთა მხრიდან ფილმის დაბალი შეფასებისა, ჯიმ კერი მალე იქცა ერთ-ერთ ყველაზე პოპულარულ ახალგახრდა მსახიობად. იმავე წელს გამოვიდა ფილმები ნიღაბი და ჩლუნგი და უფრო ჩლუნგი, რომლებმაც კიდევ უფრო გაზარდა კერის პოპულარობა.კრიტიკოსებმა დაიწუნეს კერის მომდევნო ფილმი მეკაბელე, თუმცა მან მალევე მოახდინა რეაბილიტაცია ფილმით მატყუარა,მატყუარა. ჯიმს კრიტიკოსთა აღიარება მოუტანა ფილმებმა ტრუმანის შოუ და ადამიანი მთვარეზე. ტრუმანის შოუმ გაიმარჯვა ოსკარის სამ ნომინაციაში, თავად ჯიმ კერიმ კი ამ ფილმისთვის ოქროს გლობუსი მიიღო. 1999 წელს მან შეასრულა კომიკოს ენდი კაუფმანის როლი ფილმში ადამიანი მთვარეზე. მიუხედავად კრიტიკოსთა მაღალი შეფასებისა ფილმი არ იყო ნომინირებული ოსკარზე, სამაგიეროდ ჯიმ კერიმ ზედიზედ მეორედ მიიღო ოქროს გლობუსი მამაკაცის საუკეთესო როლის შესრულებისთვის. 2003 წელს ჯიმმა მთავარი როლი შეასრულა ფილმში ყოვლისშემძლე ბრიუსი, რომლის მოგებამაც 485 მილიონი დოლარი შეადგინა და ამ მაჩვენებლით გახდა მეორე ყველაზე მომგებიანი კომედია. კერის ბოლო ფილმია მე შენ მიყვარხარ ფილიპ მორის. მანამდე მან შეასრულა მთავარი როლი ფილმში ყოველთვის თქვი დიახ. მან ასევე გაახმოვანა მთავარი პერსონაჟი ჰორტონი ანიმაციურ ფილმში ჰორტონს ესმის (2008) და რამდენიმე სხვადასხვა პერსონაჟი,მათ შორის მთავარი გმირი სკრუჯი ანიმაციურ ფილმში საშობაო ისტორია (2009). მიუხედავად იმისა რომ ჯიმი ცნობილია თავისი კომიკური როლებით მას ნათამაშები აქვს რამდენიმე სერიოზულ ფილმში, მათ შორისაა ფილმები მაჯესტიკი (2001), ბრწყინვალე გონების მუდმივი ნათება (2004), რომელსაც კრიტიკოსებმა მაღალი შეფასება მისწეს და ტრილერი რიცხვი 23 (2007).

პირადი ცხოვრება

ჯიმ კერი არის მეტალ ჯგუფის კანიბალ კორპსის ფანი. 2004 წელს კერიმ მიიღო ა.შ.შ.-ს მოქალაქეობა და ამჟამად ორმაგი მოქალაქეობა აქვს. 1990 წლიდან მისი ოჯახი გახდა პრესბიტერიანიზმის აღმსარებელი. ცნობილია რომ ჯიმს არ უყვარს ამა თუ იმ ფილმების გაგრძელებებში თამაში, რადგან მიაჩნია რომ როლს უკეთ ვეღარ შეასრულებს. ერთადერთი ფილმი რომლის გაგრძელებაშიც კერიმ ითამაშა ეის ვენტურაა. ხოლო ფილმების ნიღაბის, ყოვლისშემძლე ბრიუსის და ჩლუნგი და უფრო ჩლუნგის სიქველებში მონაწილეობაზე მან უარი განაცხადა.

ოჯახი

ჯიმ კერის პირველი მეუღლე იყო კომედი სთორის ოფიციანტი მელისა უომერი. ისინი 1987 წელს დაქორწინდნენ და იმავე წელს ეყოლათ შვილი, ჯეინ ერინი კერი. ჯიმი და მელისა ერთმანეთს 1995 წელს ოფიციალურად დაშორდნენ, რისი მიზეზიც გახდა კერის რომანტიკული ურთიერთობა მსახიობ ლორენ ჰოლთან.ჯიმმა ლორენი ჩლუნგი და უფრო ჩლუნგის გადაღებებისას გაიცნო. ისინი 1996 წელს დაქორწინდნენ. თუმცა ამ ქორწინებამ ერთ წელსაც ვერ გასტანა. მალევე ჯიმმა დაიწყო შეხვედრა მე,ისევ მე და ირენში თანაპარტნიორ რენე ზელვეგერთან. თუმცა მათი ურთიერთობა 2000 წელს დასრულდა. 2005 წლიდან ჯიმი ხვდებოდა მოდელ ჯენი მაკარტის. 2010 წელს წყვილმა ოფიციალურად განაცხადა დაშორების შესახებ.

ფილმოგრაფია

წელი	სახელი	როლი	შენიშვნა
1980	სექსი და ძალადობა ოჯახში	სხვადასხვა როლები	დებიუტი
1981	ყველაფერი გემრიელად	რალფ პარკერი
1983	კუპერის მთები	ბობი ტოდი
1984	მაძებრები და მცველები	ლეინ ბიდლეკოვი
1985	ერთხელ დაჭერილი	მარკ კენდალი
1986	პეგი სიუ ქორწინდება	უოლტერ გეტზი
1988	მკვდარი აუზი	ჯონი სქუარსი
1989	ვადისფერი კადილაკი	კომიკოსი
	დედამიწელ გოგონებს ხელში იოლად ჩაიგდებ	ვიპლოკი
1991	მაღალი ძაბვა	სიკვდილი
1992	იტსი ბიტსი სპაიდერი	მომსპობი	მხოლოდ ხმა
1994	ეის ვენტურა-ცხოველების დეტექტივი	ეის ვენტურა	ნომინაცია- MTV-ს ჯილდო საუკეთესო კომედიური როლისთვის
	ნიღაბი	სტენლი იპკისი/ნიღაბი	ნომინაცია- ოქროს გლობუსი საუკეთესო კომედიური როლისთვის
	ჩლუნგი და უფრო ჩლუნგი	ლოიდ ქრისტმასი	გაიმარჯვა- MTV-ს ჯილდო საუკეთესო კომედიური როლისთვის
1995	ბეტმენი სამუდამოდ	რიდლერი/ედუარდ ნიგმა
	ეის ვენტურა-როცა ბუნება გიხმობს	ეის ვენტურა	გაიმარჯვა- MTV-ს ჯილდო საუკეთესო კომედიური როლისთვის გაიმარჯვა- MTV-ს ჯილდო მამაკაცის როლის საუკეთესო შესრულებისთვის
1996	მეკაბელე	ერნი "ჩიპ" დაგლასი	გაიმარჯვა- MTV-ს ჯილდო საუკეთესო კომედიური როლისთვის გაიმარჯვა- MTV-ს ჯილდო ბოროტმოქმედის როლის საუკეთესო შესრულებისთვის
1997	მატყუარა, მატყუარა	ფლეტჩერ რიდი	გაიმარჯვა- MTV-ს ჯილდო საუკეთესო კომედიური როლისთვის
1998	ტრუმანის შოუ	ტრუმან ბერბანკი	გაიმარჯვა- MTV-ს ჯილდო მამაკაცის როლის საუკეთესო შესრულებისთვის გაიმარჯვა- ოქროს გლობუსი დრამის საუკეთესო მსახიობი
	საიმონ ბირჩი	ჯო უენთუორსი
1999	ადამიანი მთვარეზე	ენდი კაუფმანი/ტონი კლიფტონი	გაიმარჯვა- ოქროს გლობუსი მიუზიკლის ან კომედიის საუკეთესო მსახიობი ნომინაცია- MTV-ს ჯილდო მამაკაცის როლის საუკეთესო შესრულებისთვის
2000	მე,ისევ მე და ირენი	ჩარლი ბეილიგეიტსი/ჰენკი
	როგორ მოიპარა გრინჩმა შობა	გრინჩი	გაიმარჯვა- MTV-ს ჯილდო ბოროტმოქმედის როლის საუკეთესო შესრულებისთვის ნომინაცია- ოქროს გლობუსი მიუზიკლის ან კომედიის საუკეთესო მსახიობი
2001	მაჯესტიკი	პიტერ ეიფლეტონი
2003	ყოვლისშემძლე ბრიუსი	ბრიუს ნოლანი	ნომინაცია- MTV-ს ჯილდო საუკეთესო კომედიური როლისთვის
2004	ბრწყინვალე გონების მუდმივი ნათება	ჯოელ ბერიში	ნომინაცია- ოქროს გლობუსი მიუზიკლის ან კომედიის საუკეთესო მსახიობი
	ლემონი სნიკეტის უიღბლობების სერია	ოლაფი	ნომინაცია- MTV-ს ჯილდო ბოროტმოქმედის როლის საუკეთესო შესრულებისთვის
2005	დიკის და ჯეინის გართობა	დიკ ჰარპერი
2007	რიცხვი 23	უოლტერ სფეროუ/დეტ.ფინგერლინგი
2008	ჰორტონს ესმის	ჰორტონი	მხოლოდ ხმა
	ყოველთვის თქვი დიახ	კარლ ალენი	გაიმარჯვა- MTV-ს ჯილდო საუკეთესო კომედიური როლისთვის
2009	საშობაო ისტორია	ებენეზერ სკრუჯი	სხვადასხვა როლები
2009	მე შენ მიყვარხარ ფილიპ მორის	სტივენ ჯეი რასელი
2011	მისტერ პოპერის პინგვინები	ტომ პოპერი

რესურსები ინტერნეტში

ვიკისაწყობში^? არის გვერდი თემაზე:

ჯიმ კერი

• ჯიმ კერი — კინოფილმების ინტერნეტ მონაცემთა ბაზაში (ინგლისური)
• ბიოგრაფიული ცნობები(ინგლისურად)