ნიკოლას კეიჯი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ნიკოლას კეიჯი
Nicolas Cage
Nicolas Cage - 66ème Festival de Venise (Mostra).jpg
ნიკოლას კეიჯი 2009 წელს
დაბ. სახელი ნიკოლას კიმ კოპოლა
დაბ. ადგილი ლონგ-ბიჩი, კალიფორნია, აშშ
დაბ. თარიღი 7 იანვარი, 1964
საქმიანობა მსახიობი, რეჟისორი, პროდიუსერი;
წლები 1980-იდან დღემდე.
მეუღლე(ები) პატრიცია არკეტი (1995-2001)
ლიზა მარია პრესლი (2002-2004)
ალისა კიმი (2004-დან დღემდე)
მშობლები აუგუსტ კოპოლა
ჯოი ვოგელსანგი
ოსკარი
საუკეთესო მსახიობი კაცი
1995 — ლას ვეგასის დატოვება

ნიკოლას კეიჯი (ინგლ. Nicolas Cage ნამდ. სახელი: ნიკოლას კიმ კოპოლა, დ. 7 იანვარი, 1964) – ამერიკის კინო-აკადემიის ოსკარის მფლობელი ამერიკელი მსახიობი.

ბიოგრაფია[რედაქტირება]

დაიბადა ლონგ-ბიჩზე, კალიფორნია, აუგუსტ კოპოლას (იტალიელი ამერიკელი მწერალი და პროფესორი) და ჯოი ვოგელსანგის (გერმანული წარმოშობის ამერიკელი მოცეკვავე) ოჯახში. მშობლებმა მას ნიკოლას კოპოლა დაარქვეს. მაგრამ მან შეცვალა თავის სახელი ნიკოლას კეიჯით, რათა არ ესარგებლა თავისი ცნობილი ბიძის ფრენსის ფორდ კოპოლას სახელით და თავისით დაეწყო მსახიობის კარიერა. 1976 წელს კეიჯის მშობლები განქორწინდნენ და ის ბევერლი-ჰილსში გადადის მამასთან. კეიჯი ფრენსის ფორდ კოპოლასა და ტალია შაირის ბიძაშვილია.

კეიჯი მსახიობობით ადრეული ასაკიდან დაინტერესდა, რისთვისაც საშუალო სკოლა ადრევე მიატოვა და სამსახიობო კარიერას მიჰყვა. სახელი ადრევე შეიცვალა, რათა განთქმული ბიძის სახელის რეპუტაციით არ ესარგებლა. გვარი კეიჯის კაპიტანი მარველის კომიკსების წიგნის გმირის ლუკ კეიჯისგან ისესხა და ასევე ავანგარდისტი კომპოზიტორი ჯონ კეიჯისგან.

1982 წელს მცირე როლი შეასრულა ფილმში "Fast Times at Ridgemont High" (კოპოლას გვარით), რომლის უმეტესობა მონტაჟის შემდეგ იატაკზე დარჩა. შემდეგი როლები იყო 1983 წლის "Rumble Fish and Valley Girl", სადაც ის პირველად შენიშნეს.

ამერიკის კინო-აკადემიის ოსკარი საუკეთესო მსახიობისთვის მოიპოვა ფილმში "Leaving Las Vegas" (1995). მან მოიხვეჭა სახელი როლების ცვლით მძაფრსიუჟეტიანი ფილმებიდან უფრო სერიუზულ ხასიათობრივ დრამებზე, და შავი იუმორით. მისი ერთ-ერთი ბოლო ნამუშევრები იყო "Lord of War", სადაც ის ქარიზმატულ იარაღით მოვაჭრეს ასრულებს და "The Weather Man", დეპრესიით დაავადებული განთქმული ამინდის მაცნე.

მას ჰყავს ვაჟი, უესტონ კოპოლა კეიჯი (დ. 1990), მოდელი კრისტინა ფულტონისგან. 1995 წლის 8 აპრილს მან იქორწინა მსახიობ პატრიცია არქეტთან, თუმცა ისინი 2001 წელს განქორწინდნენ. 2002 წელს ის ლიზა მარია პრესლიზე ქორწინდება და ოთხ თვეში ისევ განქორწინებაზე შეაქვს საბუთები; საბოლოოდ 2004 წელს გაეყარა. იმავე წლის ივლისში ქორწინდება ყოფილ მიმტან ელის კიმზე. მისგან ეყოლა მეორე ვაჟი კალ-ელ კოპოლა კეიჯი (დაიბადა 2005 წელს ნიუ-იორკში).

კეიჯს მნიშვნელოვანი წვლილი მიუძღვის ჯონი დეპის სამსახიობო კარიერის შექმნაში. ჯონი დეპს ის ჯერ კიდევ იმ პერიოდში დაუმეგობრდა, როცა ეს უკანსაკნელი კარიერაში ფეხს იდგამდა.

კეიჯი კომიქსების წიგნების დიდი ფანია, რომელშიც მისი ფავორიტია მარველის კომიქსებიდან მოჩვენება რაიდერი (Ghost Rider).

ფილმოგრაფია[რედაქტირება]

წელი ქართულად მშობლიური სახელწოდება როლი
1982 ერთი წელი რიჯმონტის სკოლაში Fast Times at Ridgemont High ბრედის მეგობარი
1984 მთვარესთან რბოლა Racing with the Moon ნიკი
1987 შეშლილი Moonstruck რონი
1987 არიზონას გაზრდა Raising Arizona ჰაი მაკდონაჰი
1990 გულით ველურნი Wild at Heart სეილორი
1995 ლას-ვეგასის დატოვება Leaving Las Vegas ბენ სანდერსონი
1998 ანგელოზთა ქალაქი City of Angels სეთი
1999 მკვდრეთით აღმსდგარი Bringing Out the Dead ფრენკ პირსი
2000 გატაცება სამოც წამში Gone in Sixty Seconds რენდალ რეინსი
2002 ადაპტაცია Adaptation ჩარლზ კაუფმანი
2002 ეროვნული საგანძური National Treasure ბეჟამენ გეიტსი
2008 სახიფათო ბანგკოკი Bangkok Dangerous ჯოი

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: