ლეონარდო დიკაპრიო
| ლეონარდო დიკაპრიო | |
 დიკაპრიო ფილმ „შეშლილთა კუნძული“-ს პრემიერაზე, 2010 წელი |
|
| დაბადების სახელი | ლეონარდო ვილჰელმ დიკაპრიო |
| დაბადების ადგილი | ლოს ანჯელესი, კალიფორნია,  აშშ |
| დაიბადა | 11 ნოემბერი, 1974 |
| საქმიანობა | მსახიობი, კინოპროდიუსერი |
| შემოქმედების წლები | 1989 - დღემდე |
| ოფიციალური ვებგვერდი | leonardodicaprio.com |
| ოქროს გლობუსი | |
|---|---|
| საუკეთესო მსახიობი კაცი დრამაში 2004 - ავიატორი |
|
ლეონარდო ვილჰელმ დიკაპრიო (ინგლ. Leonardo DiCaprio; დ. 11 ნოემბერი, 1974) — ამერიკელი მსახიობი და კინოპროდიუსერი.
ლეონარდო დაიბადა და აღიზარდა კალიფორნიის შტატის ქალაქ ლოს ანჯელესში. დიკაპრიოს მამა წარმოშობით იტალო-გერმანული ფესვების ოჯახიდანაა, ხოლო დედა, ირმელინ დი კაპრიო (ქალიშვილობაში ინდენბირკენი), დასავლეთგერმანიაში, ორ-ერკენშვიკეში დაიბადა. მისი მამა იყო ვილჰელმ ინდენბირკენი, ხოლო დედა — რუსი ელენა სმირნოვა, რომელმაც რუსეთიდან გერმანიაში გადასვლის შემდგომ იქორწინა და ქმრის გვარი მიიღო. თვითონ დიკაპრიომ, ვლადიმერ პუტინთან საუბარში, განაცხადა, რომ მისი ბაბუაც ასევე რუსი იყო, და დაამატა: „ასე რომ მე არა მეოთხედით, არამედ ნახევრად ვარ რუსი“.
სამსახიობო კარიერა დაიწყო 90-იან წლებში გადაღებულ საპნის ოპერებსა და სიტკომებში. მათ შორისაა ტელესერიალი „სანტა-ბარბარა“. ჰოლივუდში მისი პირველი მნიშვნელოვანი ფილმი იყო „ამ ბიჭის ცხოვრება“, რომელშიც მთავარი როლი შეასრულა. მას მალევე მოყვა ფილმი „რას ჭამს გილბერტ გრეიპი“, რომლისთვისაც ის ნომინირებული იყო ოსკარსა და ოქროს გლობუსზე საუკეთესო მეორეხარისხოვანი მსახიობი მამაკაცის ნომინაციაში. დიკაპრიო ასევე ორჯერ იყო ნომინირებული BAFTAs-ზე, სამჯერ SAGs-ზე და შვიდჯერ ოქროს გლობუსზე. ის არის ოქროს გლობუსისა და ვერცხლის დათვის მფლობელი.
მან სახელი გაითქვა ჯეკ დოუსონის როლის შესრულებისთვის ფილმში „ტიტანიკი“. ამას მოჰყვა როლები ფილმებში „დამიჭირე თუ შეგიძლია“, „ავიატორი“, „სისხლიანი ალმასი“, და „დასაწყისი“. მარტინ სკორსეზეს ავიატორით მან ოსკარის მეორე ნომინაცია დაიმსახურა. დიკაპრიო ასევე თამაშობს სკორსეზეს ფილმებში, „ნიუ-იორკის ბანდები“, „განდგომილნი“ და „შეშლილთა კუნძული“.
ფილმოგრაფია [რედაქტირება]
| წელი | ქართულად | ორიგინალური სახელწოდება | როლი | |
|---|---|---|---|---|
| 1995 | ფ | სწრაფი და მკვდარი | The Quick and the Dead | ბიჭი |
| 1997 | ფ | ტიტანიკი | Titanic | ჯეკ დოუსონი |
| 1998 | ფ | რკინის ნიღაბი | The Man in the Iron Mask | ლუდოვიკო XIV |
| 2002 | ფ | დამიჭირე თუ შეგიძლია | Catch Me If You Can | ფრენკ უილიამ აბიგნეილ უმცროსი |
| 2004 | ფ | ავიატორი | The Aviator | ჰოვარდ ჰიუზი |
| 2008 | ფ | რევოლუციური გზა | Revolutionary Road | ფრენკ ვილერი |
| 2010 | ფ | შეშლილთა კუნძული | Shutter Island | ტედი დენიელსი |
| 2010 | ფ | დასაწყისი | Inception | დომ კობი |
| 2012 | ფ | ჯანგო გათავისუფლებული | Django Unchained | კელვინ კენდი |
რესურსები ინტერნეტში [რედაქტირება]
 |
ეს სტატია პიროვნების შესახებ ჯერჯერობით ესკიზია. თქვენ შეგიძლიათ დაგვეხმაროთ, და შეავსოთ იგი. |
