ბურბონების კოდექსის ორიგინალური, მე-13 გვერდი, რომელიც აჩვენებს აცტეკების წმინდა კალენდრის მე-13 ტრესენას. მე-13 ტრესენა ქალღმერთ ტლასოალტეოტლის მფარველობის ქვეშ იყო, რომელიც ნაჩვენებია ზემოთ, მარცხნივ, აცვია ატყავებული კანი, ბადებს ცენტეოტლს.
ტრესენა — 13-დღიანი პერიოდი, გამოიყენებოდა კოლუმბამდელი პერიოდის მესოამერიკულ კალენდრებში. 260 დღიანი კალენდარი (ტონალპოუალი) დაყოფილი იყო 20 ტრესენად. ტრესენა წარმოიქმნა ესპანელი მემატიანეებისგან და ითარგმნება, როგორც „ჯგუფი ცამეტიდან“, ისევე როგორც დუჟინი (ესპანურად დოცენა) აღნიშნავს თორმეტს. ტრესენა ასოცირდება აცტეკებთან, თუმცა მას სხვადასხვა სახელები აქვს მაიას, საპოტეკების, მისტეკებისა და სხვა ხალხების კალენდრებში.
