ბრენდან ფრეიზერი

ბრენდან ფრეიზერი
ბრენდან ფრეიზერი 2022 წელს
მშობლიური სახელი	Brendan Fraser
დაბადების სახელი	ბრენდან ჯეიმზ ფრეიზერი
დაბადების თარიღი	3 დეკემბერი, 1968 (1968-12-03) ინდიანაპოლისი, ინდიანა, აშშ
მოქალაქეობა	აშშ  კანადა
საქმიანობა	მსახიობი
მეუღლე(ები)	ეფტონ სმითი  (იქ. 1998; განქორ. 2007)
შვილ(ებ)ი	3
საიტი	ოფიციალური საიტი

ბრენდან ჯეიმზ ფრეიზერი (ინგლ. Brendan James Fraser; დ. 3 დეკემბერი, 1968, ინდიანაპოლისი, ინდიანა, აშშ) — კანადელ-ამერიკელი მსახიობი, რომელიც ცნობილია ბლოკბასტერებში, კომედიებსა და დრამებში შესრულებული როლებით. მიღებული აქვს რამდენიმე ჯილდო, მათ შორის ოსკარი, კინომსახიობთა გილდიის ჯილდო, კრიტიკოსთა არჩევანის კინოჯილდო, არის ოქროს გლობუსისა და BAFTA-ს ნომინანტი. დაამთავრა კორნიშის ხელოვნების კოლეჯი 1990 წელს.

მისი კინოდებიუტი შედგა ფილმში „საჰაერო ბრძოლა“ (1991). სახელი მოიხვეჭა 1992 წელს ფილმებში „გაყინული კალიფორნიელი“ და „სკოლის კავშირები“. უფრო მეტად გაითქვა სახელი ფილმში „ჯორჯი ჯუნგლებიდან“ (1997) და ვარსკვლავად იქცა „მუმიას“ ტრილოგიაში (1999–2008) შესრულებული რიკ ო’კონელის როლით. ამას გარდა, მონაწილეობა აქვს მიღებული ფილმებში: „ღმერთები და მონსტრები“ (1998), „აფეთქება წარსულიდან“ (1999), „წყნარი ამერიკელი“ (2002), „შეჯახება“ (2004), „სურვილით დაბრმავებული“ (2000) და „მოგზაურობა დედამიწის ცენტრში“ (2008).

ჯანმრთელობის პრობლემების, პერსონალური დანაკარგებისა და მასზე განხორციელებული სექსუალური ძალადობის გამო 2000-იანი წლების ბოლოსა და 2010-იანების შუა პერიოდში კარიერული ვარდნა ჰქონდა. ტელევიზიაში ყოფნისას შეასრულა როლები ისტორიულ მინისერიალში „ტეხასის აჯანყება“ (2015), Showtime-ის დრამაში „საყვარლები“ (2016–2017), FX-ის სერიალში „ნდობა“ (2018) და HBO Max-DC Universe-ის სერიალში „საბედისწერო პატრული“ (2019–დღემდე).

მისი კარიერული აღზევება მას შემდეგ დაიწყო, რაც მონაწილეობა მიიღო სტივენ სოდერბერგის ფილმში „მკვეთრი მოძრაობის გარეშე“ (2021) და დარენ არონოფსკის ფილმში „ვეშაპი“ (2022). შესრულებული როლით დრამაში „ვეშაპი“ მოიგო ოსკარი საუკეთესო მსახიობი კაცისთვის, კრიტიკოსთა არჩევანის კინოჯილდო საუკეთესო მსახიობი კაცისთვის და კინომსახიობთა გილდიის ჯილდო.

ფილმოგრაფია

წელი		ქართულად	მშობლიური სახელწოდება	როლი
1991	ფ	საჰაერო ბრძოლა	Dogfight	მეზღვაური ნ. 1
1992	ფ	გაყინული კალიფორნიელი	Encino Man	ლინკი
1992	ფ	სკოლის კავშირები	School Ties	დეივიდ გრინი
1993	ფ	ოცი ბაქსი	Twenty Bucks	სემ მასტრევსკი
1993	ფ	სიძე	Son in Law	ლინკი
1993	ფ	იანგერი და იანგერი	Younger and Younger	უინსტონ იანგერი
1994	ფ	თქვენო ღირსებავ	With Honors	მონტი კესლერი
1994	ფ	თავქარიანები	Airheads	ჩესტერ „ჩეზ დერბი“ ოგილვი
1994	ფ	ახლა ჯარისკაცები ვართ	In the Army Now	ლინკი
1994	ფ	სკაუტი	The Scout	სტივ ნებრასკა
1995	ფ	ბნელი შუადღე	The Passion of Darkly Noon	დარკლი ნუნი
1995	ფ	ახლა და მაშინ	Now and Then	ვიეტნამის ვეტერანი
1996	ფ	ბავშვები დარბაზში: ტვინის კანფეტი	Kids in the Hall: Brain Candy	პლაცებო პაციენტი
1996	ფ	მისის უინტერბორნი	Mrs. Winterbourne	ბილ/ჰიუ უინტერბორნი
1996	ფ	დიდების თავბრუსხვევა	Glory Daze	დაგი
1997	ფ	გოლდის ბინდი	The Twilight of the Golds	დეივიდ გოლდი
1997	ფ	ჯორჯი ჯუნგლებიდან	George of the Jungle	ჯორჯი
1998	ფ	ჯერ ვსუნთქავ	Still Breathing	ფლეჩერ მაკბრეკენი
1998	ფ	ღმერთები და მონსტრები	Gods and Monsters	კლეიტონ ბუნი
1999	ფ	აფეთქება წარსულიდან	Blast from the Past	ადამ ვებერი
1999	ფ	მუმია	The Mummy	რიკ ო’კონელი
1999	ფ	დადლი სამართლიანი	Dudley Do-Right	დადლი სამართლიანი
2000	ფ	სურვილით დაბრმავებული	Bedazzled	ელიოტ რიჩარდზი

რესურსები ინტერნეტში

• შეგიძლიათ იხილოთ მედიაფაილები თემაზე „ბრენდან ფრეიზერი“ ვიკისაწყობში.
• ოფიციალური საიტი
• ბრენდან ფრეიზერი კინოფილმების ინტერნეტ-მონაცემთა ბაზაში
• ბრენდან ფრეიზერი — AllMovie