ვიკიპედიიდან
დალასი (Dallas, გამოითქმის /ˈdæləs/) — სიდიდით მესამე ქალაქი ტეხასში და მეცხრე აშშ-ში. ქალაქს 997 კმ² უჭირავს და ამავე სახელწოდების საგრაფოს ადმინისტრაციული ცენტრია. 2006 წლის 1 ივლისის ცენზის მიხედვით ქალაქის მოსახლეობა 1,2 მილიონს შეადგენდა. ქალაქი მნიშვნელოვანი ეკონომიკური ცენტრია და სიდიდით მეოთხე აგლომერაცია აქვს აშშ-ში.
ქალაქი დაარსდა 1841 წელს და ფორმალურად ქალაქის სტატუსი 1856 წლის 2 თებერვალს მიენიჭა. ქალაქის ეკონომიკა ძირითადად ბენზინის წარმოებას, ტელეკომუნიკაციებს, კომპიუტერულ ტექნოლოგიებს, საბანკო საქმესა და ტრანსპორტს ეყრდნობა.
