აპოკალიფსი (პერსონაჟი)

მასალა ვიკიპედიიდან — თავისუფალი ენციკლოპედია
აპოკალიფსი

აპოკალიფსი. შემზარავი იქს-ადამიანები #183 (ნაწ. 2, 2006 წლის აპრილი) გარეკანი. სალვადორ ლაროკას ნამუშევარი.
გამოცემის ინფორმაცია
გამომცემელი Marvel Comics
პირველი გამოჩენა იქს-ფაქტორი ნაწ. 1, #5 (ივნისი, 1986)
ავტორ(ებ)ი ლუიზა სიმონსონი (მწერალი),
ჯექსონ გაისი (მხატვარი)
დახასიათება
ალტერ ეგო ენ საბაჰ ნურ
სახეობა ადამიანი-მუტანტი
მოკავშირეები ოთხი მხედარი
შავი მხედრები
აკაბას კლანი
ბოროტების ალიანსი
შესაძლებლობა თვით-მართვა,
უკვდავება,
ზეადამიანური ფიზიკური ძალა, სისწრაფე, მოქნილება, სიმტკიცე, რეფლექსები,
ტელეპორტაცია,
ფრენა,
ენერგიის მართვა,
ტექნოპათია,
სწრაფად განკურნების უნარი,
გონებრივი შესაძლებლობები,
გენიოსის-დონის ინტელექტი

აპოკალიფსი (ინგ. Apocalypse) — გამოგონილი პერსონაჟი, რომელიც ცნობილია Marvel Comics-ის მიერ გამოცემული კომიქსებიდან და გრაფიკული ნოველებიდან. მისი დებიუტი 1980-იანი წლების შუაგულს შედგა კომიქსში იქს-ფაქტორი (ნაწ. 1, 1986-1991). შექმნილია ლუიზა სიმონსონისა და ჯექსონ გაისის მიერ. აპოკალიფსი მკითხველს გაეცნო, როგორც საუკუნეების-ხნის მუტანტი, რომელიც სოციალური დარვინიზმის ღირსეულთა გადარჩენის ფილოსოფიითაა შეპყრობილი. პერსონაჟი აღჭურვილია უმაღლესი-დონის ტექნოლოგიით, რაც საშუალებას აძლევს - გარდაქმნას ანგელოზი მის ერთ-ერთ მსახურად, აგრეთვე დააინფიციროს ციკლოპის ვაჟი ე.წ. ტექნო-ორგანული ვირუსით. თუმცაღა პერსონაჟი პირველად იქს-ფაქტორში გამოჩნდა, ცოცხალი მონოლითის უსახელო პარტნიორი (მარველის გრაფიკული ნოველის მე-17 (1985) ნომრიდან) გაიგივებულია შენიღბულ აპოკალიფსთან. სუპერბოროტმოქმედი მოსეს მაგნუმი, რომელიც ებრძოდა იქს-ადამიანებს 1970-იანი წლების მიწურულს, კლასიკური იქს-ადამიანების 25-ე ნომერში (ნაწ. 1, 1988 წლის სექტემბერი) აპოკალიფსის რჩეულად ევლინება მკითხველს. აპოკალიფსის ნამდვილი სახელი, ენ საბაჰ ნური, გამჟღავნდა კომიქსში იქს-ძალა #37 (ნაწ. 1, 1994 წლის აგვისტო). მასთან ერთად გაირკვა მის დაბადების ადგილი (ეგვიპტე) და ისიც, რომ აპოკალიფსის სუპერ-ტექნოლოგია უცხოპლანეტელთა ნახელავია. აპოკალიფსის წარმომავლობა ამტკიცებს, რომ იგი პირველი მუტანტია, 5,000 წლის წინ დაბადებული. 1995 წელს შეიქმნა იქს-ადამიანების ცნობილი ისტორია, სახელად აპოკალიფსის ჟამი. ესაა ალტერნატიული რეალობა, სადაც აპოკალიფსმა მსოფლიოს უდიდესი ნაწილი დაიპყრო. სწორედ ამ პარალელურმა განზომილებამ ჩაანაცვლა დროებით მარველის ძირითადი მსოფლიო.

2008 წელს აპოკალიფსმა დაიკავა მესამე ადგილი Marvel.com-ის უკანასკნელი ოთხი ათწლეულის ათ საუკეთესო სუპერბოროტმოქმედს შორის. 2009 წელს კი IGN-ის კომიქსების ყველა დროის 25 საუკეთესო ბოროტმოქმედის სიაში პერსონაჟი 24-ე პოზიციას დასჯერდა.

რესურსები ინტერნეტში[რედაქტირება | წყაროს რედაქტირება]